Home /News /international /

இலங்கையில் பதற்றம்.. அதிபருக்கு எதிராக போராட்டம்! - பல்வேறு பகுதிகளில் ஊரடங்கு அமல்..

இலங்கையில் பதற்றம்.. அதிபருக்கு எதிராக போராட்டம்! - பல்வேறு பகுதிகளில் ஊரடங்கு அமல்..

இலங்கையில் நிலவும் பொருளாதார சிக்கலால் கடந்த சில மாதங்களாக அத்தியாவசிய பொருட்களுக்கு கடும் தட்டுப்பாடு ஏற்பட்டுள்ளது.

இலங்கையில் நிலவும் பொருளாதார சிக்கலால் கடந்த சில மாதங்களாக அத்தியாவசிய பொருட்களுக்கு கடும் தட்டுப்பாடு ஏற்பட்டுள்ளது.

இலங்கையில் நிலவும் பொருளாதார சிக்கலால் கடந்த சில மாதங்களாக அத்தியாவசிய பொருட்களுக்கு கடும் தட்டுப்பாடு ஏற்பட்டுள்ளது.

    இலங்கையில் கடும் பொருளாதார நெருக்கடி ஏற்பட்டுள்ளதைக் கண்டித்து அதிபர் கோத்தபய ராஜபக்சேவின் வீட்டின் முன் ஆயிரக்கணக்கானோர் போராட்டத்தில் ஈடுபட்டனர். இதில், வன்முறை வெடித்ததைத் தொடர்ந்து பல்வேறு இடங்களில் ஊரடங்கு உத்தரவு அமல்படுத்தப்பட்டுள்ளது.

    இலங்கையில் நிலவும் பொருளாதார சிக்கலால் கடந்த சில மாதங்களாக அத்தியாவசிய பொருட்களுக்கு கடும் தட்டுப்பாடு ஏற்பட்டுள்ளது. இதனால் பொதுமக்கள் கடும் அவதிக்குள்ளாகி வருகின்றனர்.

    எரிபொருட்கள் பற்றாக்குறையால் தினமும் 13 மணி நேரம் மின் தடை ஏற்பட்டுள்ளது. இதனால், பாதிக்கப்பட்டுள்ள பொதுமக்கள் மற்றும் எதிர்க்கட்சியினர் கொழும்புவில் உள்ள அதிபர் கோத்தபய ராஜபக்சே வீட்டை நேற்றிரவு முற்றுகையிட்டனர்.

    Also Read: ரஷ்யாவின் தாக்குதலால் உக்ரைனில் இருந்து 40 லட்சம் பேர் வெளியேற்றம்... ஐ.நா. தகவல்

    உடனடியாக பதவி விலக வலியுறுத்தி பதாகைகளை ஏந்தியபடி போராட்டக்காரர்கள் முழக்கங்களை எழுப்பினர், அப்போது போராட்டக்கார்களில் சிலர் அங்கிருந்த தடுப்பு வேலிகளை அகற்றி, ராணுவ வாகனத்திற்கு தீ வைத்தனர். மேலும் வீட்டு சுவரை இடித்து செங்கற்களை போலீசார் மீது வீசி தாக்கியதால், அங்கு போர்க்களம் போல காட்சி அளித்தது.



    அதைத்தொடர்ந்து போராட்டக்காரர்களை போலீசார் கண்ணீர் புகை குண்டுகளை வீசியும், தண்ணீரை பீய்ச்சி அடித்தும் கலைத்தனர். இதனால், அந்த பகுதியே போர்க்களம் போன்று காட்சியளித்தது. இந்த போராட்டத்தில் பத்திரிகையாளர் உட்பட 10 பேர் படுகாயமடைந்தனர்.

    4 மணி நேரத்திற்கு பிறகு போராட்டம் முடிவுக்கு வந்த நிலையில், கொழும்பு நகரின் வடக்கு, தெற்கு மற்றும் நுகேகொட பகுதிகளில் ஊரடங்கு உத்தரவு அமல்படுத்தப்பட்டது.
    Published by:Esakki Raja
    First published:

    Tags: Srilanka

    அடுத்த செய்தி