வடகொரியாவில் இறைச்சி பற்றாக்குறை - வளர்ப்பு நாய்களை ஒப்படைக்க கிம் ஜாங் உன் அதிரடி உத்தரவு

வடகொரியாவில் உள்ள 25.5 மில்லியன் மக்களில் 60 சதவீதம் பேர் உணவு பற்றாக்குறையை எதிர்கொள்கின்றனர் என்று ஐ.நா சமீபத்தில் வெளியிட்டுள்ள அறிக்கையில் கூறியுள்ளது. உணவு பற்றாக்குறை பிரச்னை காரணமாக அதிபர் கிம் ஜாங் உன் நாட்டு மக்களிடம் அதிருப்தியை பெற்று வருகிறார்.

வடகொரியாவில் நிலவும் உணவுபற்றாக்குறை குறித்து அதிபர் கிம் ஜாங் உள் அந்நாட்டு அதிகாரிகளுடன் ஆலோசனை நடத்தினார். இதனிடையே வடகொரியாவில் இறைச்சி பற்றாக்குறை காரணமாக மக்கள் தங்களது வீட்டில் வளர்க்கும் நாயை ஒப்படைக்க வேண்டுமென கிம் ஜூலை மாதத்தில் உத்தரவிட்டுள்ளதாக செய்திகள் வெளியாகியுள்ளன.

Also Read : ஆக்ஸ்போர்டு பல்கலை.யின் கொரோனா தடுப்பூசி பரிசோதனை இந்தியாவில் தொடக்கம் 

இதை தொடர்ந்து அதிகாரிகள் செல்லப் பிராணியான நாய்களை வளர்க்கும் வீடுகளை கண்டறிந்து வருகின்றனர். அவற்றை கொடுக்கும்படி கட்டாயப்படுத்தியும், பலவந்தமாக பறிமுதல் செய்தும் வருகின்றனர். அவற்றில் சில நாய்கள் அரசு நடத்தும் உயிரியல் பூங்காவிற்கும் அல்லது இறைச்சி கடைகளுக்கும் விற்கப்படுவதாக கூறப்படுகிறது.