Home /News /international /

விலைவாசி உயர்வு.. இலங்கையை போல் ஈரானினும் மக்கள் வீதிகளில் இறங்கி போராட்டம்

விலைவாசி உயர்வு.. இலங்கையை போல் ஈரானினும் மக்கள் வீதிகளில் இறங்கி போராட்டம்

ஈரான் போராட்ட

ஈரான் போராட்ட

ஈரானின் அண்டை நாடுகளான ஈராக் மற்றும் ஆப்கானிஸ்தான் ஆகிய நாடுகளுக்கு கோதுமை கடத்தல் பெருமளவில் நடைபெறுவதே விலைவாசி உயர்வுக்கு காரணம் என ஈரான் அரசு தெரிவித்துள்ளது.

    இலங்கையைப் போலவே ஈரான் நாட்டிலும் உணவுப் பொருள் விலை உயர்வு காரணமாக பொதுமக்கள் தெருக்களில் இறங்கி போராட்டம் நடத்தி வருகின்றனர். குறிப்பாக, அந்நாட்டில் கோதுமை விலை மும்மடங்கு உயர்ந்ததன் காரணமாக அடிப்படை உணவுகளின் விலை வெகுவாக உயர்ந்துள்ளது.

    அதேபோல, பால் பொருள்கள், சமையல் எண்ணெய் விலையும் தொடர்ந்து அதிகரித்து வருகிறது. உக்ரைன் மீதான ரஷ்யாவின் போரே இந்த விலை உயர்வுக்கு காரணமாக கருதப்படுகிறது. இந்த விலைவாசி உயர்வு தாக்கம் ஈரான் மக்களிடையே சில வாரங்களுக்கு முன்னதாகவே சலசலப்பை ஏற்படுத்த தொடங்கியது.

    மக்கள் சமூக வலைத்தளம் மூலம் அணி திரண்டு போராட்டம் நடத்த திட்டமிட்டிருந்த நிலையில், கடந்த வாரத்தில் அங்கு இணையதளங்கள், சமூக வலைத்தளங்கள் சேவையை முடக்கி அரசு உத்தரவிட்டது. இதையும் மீறி கடந்த இரு நாள்களாக அங்கு மக்கள் போராட்டம் வெடித்துள்ளது. இந்த போராட்டக்காரர்களை கலைக்கும் நடவடிக்கையில் காவல்துறை ஈடுபட்ட நிலையில், 15 பேரை காவல்துறை கைது செய்துள்ளது.

    போராட்டத்தில் ஒருவர் உயிரிழந்ததாக கூறப்படுகிறது. ஈரானின் அண்டை நாடுகளான ஈராக் மற்றும் ஆப்கானிஸ்தான் ஆகிய நாடுகளுக்கு கோதுமை கடத்தல் பெருமளவில் நடைபெறுவதாகவும் இதன் காரணமாக உள்நாட்டு சந்தையில் விலை உயர்வு ஏற்பட்டதாகவும் கூறப்படுகிறது. ஈரான் அதிபர் இப்ராஹிம் ராய்சி பதவி விலக வேண்டும் என நாட்டு மக்கள் வலியுறுத்தத் தொடங்கியுள்ளனர்.

    இதையும் படிங்க: வடகொரியாவில் கோர தாண்டவம் ஆடும் கொரோனா, மூன்று நாளில் 8 லட்சம் பேருக்கு பாதிப்பு

    இலங்கையில் கடந்த இரு மாதமாக விலைவாசி உயர்வு, அத்தியாவசிய பொருள்கள் தட்டுப்பாடு காரணமாக மாபெரும் போராட்டம் நடைபெற்றது. பொருளாதார வீழ்ச்சிக்கு ராஜபக்சேக்கள் தலைமையிலான அரசே காரணம் என போராட்டக்காரர்கள் போர்கொடித் தூக்கிய நிலையில், பிரதமர் பதவியில் இருந்து மகிந்த ராஜபக்சே விலகினார். புதிய பிரதமராக ரணில் விக்ரமசிங்கே பதவியேற்றுள்ளார். ரஷ்யா - உக்ரைன் போரால் ஏற்பட்டுள்ள தாக்கமானது பல்வேறு நாடுகளில் எதிரொலிக்கத் தொடங்கியுள்ளதாகவே இந்த  நிகழ்வுகள் பார்க்கப்படுகின்றன.
    Published by:Kannan V
    First published:

    Tags: Iran, Protest

    அடுத்த செய்தி