ரஷ்யாவுக்கு பொருளாதார தடைகளை விதிப்பதன் மூலம் உக்ரைன் பிரச்னையை முடிவுக்கு கொண்டுவர முடியாது : துருக்கி

ரஷ்யா மீது அடுக்கடுக்காக பொருளாதார, தொழில்நுட்ப தடைகளை அமெரிக்கா உள்ளிட்ட நாடுகள் விதித்து வரும் நிலையில், இவற்றின் மூலம் உக்ரைன் பிரச்னைக்கு தீர்வு காண முடியாது என்று துருக்கி கருத்து தெரிவித்துள்ளது.

நேட்டோ அமைப்பில் உக்ரைன் இணைய எதிர்ப்பு தெரிவித்து அந்நாட்டின் மீது ரஷ்யா நடத்தி வரும் தாக்குதல் 3 வாரங்களை கடந்துள்ளது. கிழக்கு-மத்திய நகரமான டினிப்ரோ மற்றும் மேற்கு லுட்ஸ்க் மற்றும் இவானோ-ஃபிரான்கிவ்ஸ்கில் உள்ள விமான நிலையங்கள் மீதும் ரஷ்ய படைகள் தாக்குதல் நடத்துகின்றன.

செர்னிவ், கார்கிவ், மரியுபோல் மற்றும் சுமி ஆகிய நகரங்கள் ஏற்கனவே சுற்றி வளைக்கப்பட்டு, தொடர்ந்து ஏவுகணைகளை வீசுவதாக உக்ரைன் அதிகாரிகள் கூறுகின்றனர். தாக்குதல்களில் காயமடைந்தவர்களுக்கு சிகிச்சை அளிக்க முடியாமல் மருத்துவமனைகள் நெருக்கடியை சந்தித்து வருகின்றன.

இதையும் படிங்க - ரஷ்யாவுக்கு உதவினால் சீனா கடும் விளைவுகளை சந்திக்க நேரிடும்... அமெரிக்கா எச்சரிக்கை

இதேபோன்று ரஷ்யாவும் பேஸ்புக், இன்ஸ்டாகிராம் சமூக வலை தளங்களுக்கு தடை விதித்திருக்கிறது. பொருளாதார தடைகளில் இருந்து மீள்வதற்கு உதவினால் சீனா மீது கடும் நடவடிக்கை எடுக்கப்படும் என்று அமெரிக்கா இன்று எச்சரிக்கை விடுத்துள்ளது.

இதையும் படிங்க - ரஷ்யாவில் நாளை முதல் இன்ஸ்டாகிராம், ஃபேஸ்புக்குக்குத் தடை... 8 கோடி யூசர்களுக்கு பாதிப்பு

ரஷ்யா - உக்ரைன் விவகாரம் சர்வதேச அளவில் அதிர்வலைகளை ஏற்படுத்தி வருகிறது. இந்நிலையில், இந்த பிரச்னை குறித்து கருத்து தெரிவித்துள்ள துருக்கி, 'பொருளாதார தடைகளை ரஷ்யாவின் மீது விதிப்பதன் மூலம் பிரச்னையை முடிவுக்கு கொண்டு வந்து விட முடியாது' என்று தெரிவித்துள்ளது.

கடந்த மாதம் 24-ம்தேதி தொடங்கிய உக்ரைன் மீதான ரஷ்யாவின் தாக்குதல் கடந்த சில நாட்களாக தீவிரம் அடைந்துள்ளது. ரஷ்ய படைகள் உக்ரைன் தலைநகர் கீவ்வை கைப்பற்றும் தீவிரத்துடன் முன்னேறி வருவதாக தகவல்கள் தெரிவிக்கின்றன.