• HOME
  • »
  • NEWS
  • »
  • international
  • »
  • அமெரிக்காவில் 3-வது தவணை தடுப்பூசி .. 65 வயதுக்கு மேற்பட்டோருக்கு போட பரிந்துரை

அமெரிக்காவில் 3-வது தவணை தடுப்பூசி .. 65 வயதுக்கு மேற்பட்டோருக்கு போட பரிந்துரை

மாதிரிப் படம்

மாதிரிப் படம்

இரண்டு தவணை தடுப்பூசி போட்டு 8 மாதங்களை நிறைவடைந்த மக்களுக்கு மூன்றாவது தவணை தடுப்பூசி போடும் பணிகள் விரைவில் தொடங்கும் என்று அதிபர் ஜோ பைடன் தெரிவித்திருந்தார். இதனை அடுத்த வாரத்தில் தொடங்க அரசு திட்டமிட்டுள்ளது.

  • Share this:
    அமெரிக்காவில் 65 வயதுக்கு மேற்பட்ட மக்களுக்கு மூன்றாவது தவணை தடுப்பூசி செலுத்தலாம் என்று உணவு மற்றும் மருந்து அமைப்புக்கு வல்லுநர்கள் குழு பரிந்துரை செய்துள்ளது.

    சுமார் 33 கோடி மக்கள்தொகையைக் கொண்ட அமெரிக்காவில் இதுவரை 38 கோடியே 40 லட்சம் தடுப்பூசிகள் போடப்பட்டுள்ளது. இதில், 18 கோடியே 10 லட்சம் பேர் இரண்டு தவணை தடுப்பூசிகளையும் போட்டு முடித்துள்ளனர்.

    இந்நிலையில், இரண்டு தவணை தடுப்பூசி போட்டு 8 மாதங்களை நிறைவடைந்த மக்களுக்கு மூன்றாவது தவணை தடுப்பூசி போடும் பணிகள் விரைவில் தொடங்கும் என்று அதிபர் ஜோ பைடன் தெரிவித்திருந்தார். இதனை அடுத்த வாரத்தில் தொடங்க அரசு திட்டமிட்டுள்ளது.

    இதன்படி, தாங்கள் இணைந்து தயாரித்துள்ள தடுப்பூசியை 16 வயதுக்கும் மேற்பட்ட அனைவருக்கும் மூன்றாவது தவணையாக போட அனுமதிக்குமாறு பைசர் மற்றும் பயோன்டெக் நிறுவனங்கள் கோரிக்கை விடுத்தன.

    இதுகுறித்து உணவு மற்றும் மருந்து நிர்வாக அமைப்பின் வல்லுநர் குழு ஆலோசனை நடத்தியது. அப்போது, அனைருக்கும் தடுப்பூசி போடும் திட்டத்துக்கு வல்லுநர்கள் எதிர்ப்புத் தெரிவித்தனர். இதுதொடர்பான தரவுகள் போதுமான அளவில் இல்லை என்றும், இது இளம் வயதினருக்கு பாதிப்பை ஏற்படுத்தும் என்றும் குறிப்பிட்டனர்.

    எனினும், 65 வயதுக்கும் மேற்பட்டவர்கள் மற்றும் தீவிர கொரோனா பாதிப்பு ஏற்பட வாய்ப்பு உள்ள மக்களுக்கு மூன்றாவது தவணை தடுப்பூசி போடுவது குறித்து ஆலோசனை நடத்தப்பட்டது. இந்தத் திட்டத்துக்கு ஆதரவாக 18 வல்லுநர்களும் வாக்களித்தனர். இதுகுறித்து உணவு மற்றும் மருந்து நிர்வாக அமைப்பு ஆலோசனை நடத்த உள்ளது. நோய் கட்டுப்பாடு மற்றும் தடுப்பு அமைப்புக்கு மற்றொரு குழுவும் பரிந்துரைகளை வழங்க உள்ளது.

    ALSO READ |  இனி ஏசி தேவையில்லை.. இந்த வெள்ளை பெயிண்டை அடித்தால் போதும்.. ஆராய்ச்சியாளர்களின் புதிய கண்டுபிடிப்பு!

    இதனடிப்படையில், அனைத்து வயதினருக்கும் மூன்றாவது தவணை தடுப்பூசி போடலாமா அல்லது 65 வயதுக்கு மேற்பட்டவர்களுக்கு மட்டும் போடலாமா என்பது குறித்து விரைவில் முடிவுசெய்யப்பட உள்ளது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Sankaravadivoo G
    First published: