Home /News /india-china /

சீன எல்லையில் ராணுவம் தயார்நிலையில் இருக்குமாறு அறிவுறுத்தல்

சீன எல்லையில் ராணுவம் தயார்நிலையில் இருக்குமாறு அறிவுறுத்தல்

பாதுகாப்புத்துறை அமைச்சர் ராஜ்நாத் சிங்

பாதுகாப்புத்துறை அமைச்சர் ராஜ்நாத் சிங்

எல்லையில் ராணுவம் தயார்நிலையில் இருக்குமாறு முப்படை தளபதிகளுடன் நடந்த ஆலோசனைக்கு பிறகு மத்திய அமைச்சர் ராஜ்நாத்சிங் அறிவுறுத்தியுள்ளார்.

    எல்லை பாதுகாப்பு தொடர்பாக முப்படை தளபதிகளுடன் பாதுகாப்புத்துறை அமைச்சர் ராஜ்நாத் சிங் ஆலோசனை நடத்தினார். இந்த ஆலோசனையில் முப்படை தலைமை தளபதி பிபின் ராவத், முப்படைகளின் தளபதிகள் பங்கேற்றனர். அப்போது லடாக் எல்லை பிரச்னை குறித்தும், அடுத்தகட்ட நடவடிக்கைகள் குறித்தும் விவாதிக்கப்பட்டது.

    கல்வான் பள்ளத்தாக்கு பகுதியில் இந்திய - சீனப்படைகளுக்கிடையே நிகழ்ந்த மோதலை அடுத்து சூழ்நிலைக்குத் தகுந்தவாறு நடவடிக்கை மேற்கொள்ளும் வகையில் தளபதிகளுக்கு முழு சுதந்திரம் அளிக்கப்பட்டுள்ளதாக தகவல் வெளியாகியுள்ளது.

    ஆயுதங்களைப் பயன்படுத்துவதற்கு தளபதிகளுக்கு எந்தவிதமான கட்டுப்பாடும் கிடையாது என்றும், அசாதாரண சூழ்நிலைகளை சமாளிக்கும் வகையில் அவர்களுக்கு முழு அதிகாரம் வழங்கப்பட்டுள்ளதாகவும் ராணுவ வட்டாரங்கள் தெரிவித்துள்ளன.

    மேலும் படிக்க...

    நாகையில் மனித எலும்புக்கூடு கண்டெடுப்பு: கொலையா? போலீஸ் விசாரணை

    ராஜ்நாத்சிங் நாளை அரசுமுறை பயணமாக ரஷ்யா புறப்பட உள்ள நிலையில், முப்படை தளபதிகளுடன் ஆலோசனை நடத்தியுள்ளது குறிப்பிடத்தக்கது.
    Published by:Vaijayanthi S
    First published:

    Tags: Rajnath singh

    அடுத்த செய்தி