Explainer: யார் இந்த உய்குர்கள்? இவர்களை சீனா இனப்படுகொலை செய்வதாக அமெரிக்கா ஏன் குற்றம் சாட்டுகிறது?

கோப்புப் படம்

சின்ஜியாங் பிராந்தியத்தில் வடமேற்கு சீனாவில் சுமார் 12 மில்லியன் உய்குர்கள் வாழ்ந்து வருகின்றனர். இவர்கள் வாழும் பகுதி அதிகாரப்?

  • News18
  • Last Updated :
  • Share this:
ஜின்ஜியாங்கின் வடமேற்கு பிராந்தியத்தில் பெரும்பாலும் முஸ்லீம் உய்குர் சமூகத்தை சேர்த்த மக்கள் வாழ்ந்து வருகின்றனர். மேலும் அவர்களை வழிநடத்துவது தொடர்பாக சீனா உலகம் முழுவதிலும் இருந்து பல்வேறு விமர்சனங்களை எதிர்கொண்டு வருகிறது.

கடந்த சில ஆண்டுகளில் "மறு கல்வி முகாம்கள்" என்று அரசு வரையறுக்கும் விஷயத்தில் சீனா ஒரு மில்லியனுக்கும் அதிகமான உய்குர்களை தடுத்து வைத்திருப்பதாக ரைட்ஸ் குரூப்ஸ் நம்புகின்றன. அந்த முகாம்களில் உய்குர்கள் கட்டாய உழைப்பிற்கு பயன்படுத்தப்படுவதாகவும், பெண்கள் வலுக்கட்டாயமாக கருத்தடை செய்யப்படுவதற்கு உட்படுத்தப்படுவதாகவும் அதிக சான்றுகள் உள்ளன. உய்குர்களை அடக்குவதன் மூலம் சீனா மனிதகுலத்திற்கு எதிரான இனப்படுகொலை மற்றும் குற்றங்களைச் செய்ததாக அமெரிக்கா குற்றம் சாட்டி வருகிறது.

யார் இந்த உய்குர்கள்?

சின்ஜியாங் பிராந்தியத்தில் வடமேற்கு சீனாவில் சுமார் 12 மில்லியன் உய்குர்கள் வாழ்ந்து வருகின்றனர். இவர்கள் வாழும் பகுதி அதிகாரப்பூர்வமாக ஜின்ஜியாங் உய்குர் தன்னாட்சி மண்டலம் (XUAR) என்று அழைக்கப்படுகிறது. உய்குர்கள் துருக்கியைப் போலவே தங்கள் சொந்த மொழியைப் பேசுகிறார்கள். மேலும் தங்களை கலாச்சார ரீதியாகவும் இன ரீதியாகவும் மத்திய ஆசிய நாடுகளுடன் மிக நெருக்கமானவர்களாக பார்க்கப்படுகிறார்கள். இந்த இனத்தவர் சின்ஜியாங் மக்கள்தொகையில் பாதிக்கும் குறைவாகவே உள்ளனர். கடந்த தசாப்தங்களில், சீனாவின் பெரும்பான்மை இனத்தவரான ஹான் சீனர்கள் சின்ஜியாங்கிற்கு பெருமளவில் இடம்பெயர்ந்துள்ளனர். இதன் காரணமாக உய்குர்கள் தங்கள் கலாச்சாரமும், வாழ்வாதாரமும் அச்சுறுத்தலுக்கு உள்ளாக்கப்படுவதாக உணர்கின்றனர்.

சின்ஜியாங் எங்கு உள்ளது?

சின்ஜியாங் சீனாவின் வடமேற்கில் அமைந்துள்ளது. இது நாட்டின் மிகப்பெரிய பிராந்தியமாகும். திபெத்தைப் போலவே, இது தன்னாட்சி மற்றும் சுயராஜ்யத்தின் சில சக்திகளைக் கொண்டுள்ளது. ஆனால் நடைமுறையில், இரு நாடுகளும் மத்திய அரசால் பெரும் கட்டுப்பாடுகளை எதிர்கொள்கின்றன. சின்ஜியாங் பெரும்பாலும் பாலைவனப் பகுதியாகும். இது உலகின் பருத்தியில் ஐந்தில் ஒரு பகுதியை உற்பத்தி செய்கிறது. மேலும் எண்ணெய் மற்றும் இயற்கை எரிவாயு உற்பத்தி செய்யும் பகுதியாகும். மத்திய ஆசியா மற்றும் ஐரோப்பாவிற்கு அருகாமையில் இருப்பதால் இதனை ஒரு முக்கியமான வர்த்தக இணைப்பாக பெய்ஜிங் பார்க்கிறது. 20 ஆம் நூற்றாண்டின் முற்பகுதியில், உய்குர்கள் சுருக்கமாக அதன் சுதந்திரத்தை அறிவித்தனர். ஆனால் இப்பகுதி 1949 இல் சீனாவின் புதிய கம்யூனிஸ்ட் அரசாங்கத்தின் முழு நிலப்பரப்பின் கீழ் கொண்டுவரப்பட்டது.

சீனா மீது வைக்கப்படும் குற்றச்சாட்டுகள் என்ன?

உய்குர்களுக்கு எதிராக சீனா இனப்படுகொலை செய்ததாக அமெரிக்கா குற்றம் சாட்டி வருகிறது. சர்வதேச மாநாட்டின் படி, இனப்படுகொலை என்பது ஒரு தேசிய, இன அல்லது மதக் குழுவை முழுவதுமாகவோ அல்லது பகுதியாகவோ அழிக்கும் நோக்கம் ஆகும். அதன்படி முகாம்களில் உய்குர்களைத் தடுத்து நிறுத்துவதோடு, உய்குர் குழந்தைகளை அவர்களது குடும்பங்களிலிருந்து பிரிப்பது, மக்கள்தொகையை அடக்குவதற்கு உய்குர் பெண்களை சீனா பலவந்தமாக கருத்தடை செய்ய வைப்பதாக சில குற்றச்சாட்டுகள் எழுந்துள்ளன.

சமீபத்தில் அமெரிக்க நிர்வாகத்தின் கீழ் டிரம்ப் பதவியில் இருந்த போது, அமெரிக்க வெளியுறவு மந்திரியாக இருந்த மைக் பாம்பியோ இந்த சம்பவம் குறித்து தெரிவித்ததாவது, "அங்கு இனப்படுகொலை நடந்து கொண்டிருக்கிறது என்று நான் நம்புகிறேன். மேலும் சீனக் கட்சி-அரசால் உய்குர்களை அழிக்க திட்டமிடப்பட்ட முயற்சியை நாங்கள் காண்கிறோம்." என்று கூறினார். சிஞ்சியாங்கில் உள்ள "தீவிரவாத எதிர்ப்பு மையங்களில்" சீனர்கள் ஒரு மில்லியன் மக்களை வைத்திருப்பதாக நம்பத்தகுந்த தகவல்கள் இருப்பதாக 2018 ஆம் ஆண்டில் ஐ.நா மனித உரிமைகள் குழு தெரிவித்துள்ளது.

ஆஸ்திரேலிய மூலோபாயக் கொள்கை நிறுவனம் 2020 ஆம் ஆண்டில் சின்ஜியாங்கில் இந்த "மறு கல்வி முகாம்களில்" 380 க்கும் மேற்பட்ட ஆதாரங்களைக் கண்டறிந்ததாக தெரிவித்துள்ளது. இது முந்தைய மதிப்பீடுகளில் 40% அதிகரித்துள்ளது. முன்னதாக, கடுமையான ஒழுக்கம் மற்றும் தண்டனைகளுடன், முகாம்களை உயர் பாதுகாப்பு சிறைகளாக நடத்த விரும்புவதாக சீனா கேபிள்ஸ் என அழைக்கப்படும் ஆவணங்களில் இருந்து கசிந்த தகவல்கள் இதனை தெளிவுபடுத்தின.

முகாம்களில் இருந்து தப்பிக்க முயற்சிக்கும் நபர்கள் உடல், மன மற்றும் பாலியல் சித்திரவதைகளை எதிர்கொண்டதாகவும், பெண்கள் வெகுஜன கற்பழிப்பு மற்றும் பாலியல் துஷ்பிரயோகத்திற்கு ஆளானதாகவும் குற்றசாட்டுக்கள் பதிவாகியுள்ளன. டிசம்பர் 2020இல் பிபிசி நடத்திய ஆய்வில் அரை மில்லியன் மக்கள் பருத்தி எடுக்க வேண்டிய கட்டாயத்தில் உள்ளதாகவும், மறு கல்வி முகாம்களின் அடிப்படையில் புதிய தொழிற்சாலைகள் கட்டப்பட்டுள்ளன என்பதற்கான சான்றுகள் இருப்பதையும் கண்டறிந்துள்ளது.

ஒடுக்குமுறை உருவாவதற்கான காரணம் என்ன?

1990-களில் இருந்து சின்ஜியாங்கில் ஹான் மக்களிடையே எதிர்ப்பு மற்றும் பிரிவினைவாத உணர்வு உயர்ந்தது. சில சமயங்களில் பிராந்தியம் வன்முறையில் மூழ்கியது. 2009 ஆம் ஆண்டில் சின்ஜியாங்கில் ஏற்பட்ட மோதல்களில் சுமார் 200 பேர் இறந்தனர். இந்த சம்பவத்திற்கு சீனர்கள் தங்கள் சொந்த மாநிலத்தை விரும்பும் உய்குர்கள் மீது குற்றம் சாட்டினர். இப்பொது வரை போலீஸ், சோதனைச் சாவடிகள் மற்றும் கேமராக்கள் உள்ளிட்ட கண்காணிப்பு வலையமைப்பால் ஜின்ஜியாங் பிராந்தியம் முழுவதும் கண்காணிப்பில் உள்ளது. அதன் மூலம் வாகன எண் முதல் தனிப்பட்ட முகங்கள் வரை ஸ்கேன் செய்யப்படுகின்றன.

மனித உரிமைகள் கண்காணிப்பகத்தின் கூற்றுப்படி, அப்பகுதியில் மக்கள் எவ்வளவு மின்சாரம் பயன்படுத்துகிறார்கள். எத்தனை முறை தங்கள் வீட்டுக் கதவைப் பயன்படுத்துகிறார்கள் போன்ற மக்களின் நடத்தைகளைக் கண்காணிக்க ஒரு மொபைல் பயன்பாட்டையும் போலீசார் பயன்படுத்துவதாக செய்தியை வெளியிட்டுள்ளது. சீனாவில் உள்ள அனைத்து மதங்களும் நோக்குநிலையில் சீனர்களாக இருக்க வேண்டும் என்று ஜனாதிபதி ஜி ஜின்பிங் கடந்த 2017ஆம் ஆண்டு முதல் உத்தரவு பிறப்பித்ததில் இருந்து, அங்கு மேலும் ஒடுக்குமுறைகள் அதிகரித்துள்ளன. இந்த நிலையில் உய்குர் கலாச்சாரத்தை ஒழிக்க சீனா முயற்சிப்பதாக பல குற்றச்சாட்டுகள் எழுந்துள்ளன.

குற்றசாட்டை மறுக்கும் சீனா:

உய்குர்களை தடுத்து வைத்ததாக வெளியான தகவல்கள் முற்றிலும் பொய்யானவை என்று சீனா கூறியுள்ளது. பயங்கரவாதத்தைத் தடுப்பதற்கும் இஸ்லாமிய தீவிரவாதத்தை வேரறுப்பதற்கும் இந்த ஒடுக்குமுறை அவசியம் என்றும் பயங்கரவாதத்திற்கு எதிரான போராட்டத்தில் கைது செய்யப்படுபவர்களுக்கு மீண்டும் கல்வி கற்பதற்கான முகாம்கள் தான் அவை என்றும் சீனா கூறியுள்ளது. குண்டுவெடிப்பு, நாசவேலை மற்றும் குடிமை அமைதியின்மை ஆகியவற்றைத் திட்டமிடுவதன் மூலம் உய்குர் போராளிகள் ஒரு சுதந்திர அரசுக்கு எதிராக வன்முறை பிரச்சாரத்தை நடத்தி வருவதாக சீன அரசாங்கம் குற்றம் சாட்டியுள்ளது. ஆனால் உய்குர்களின் அடக்குமுறையை நியாயப்படுத்தும் பொருட்டு அச்சுறுத்தலை பெரிதுபடுத்துவதாக கூறியுள்ளது. மேலும் பெண்களில் கருத்தடைகள் செய்கிறோம் என்பது முற்றிலும் ஆதாரமற்றது என சீன அரசாங்கம் குறிப்பிட்டுள்ளது.

Also read... Explainer: காலநிலை மாற்றத்தால் இன்னும் 30 ஆண்டுக்குள் வரப்போகும் அரிசி பற்றாக்குறை - ஆய்வில் வெளியான தகவல்!

மேற்கத்திய நாடுகள் அனுமதி

சித்திரவதை, கட்டாய உழைப்பு மற்றும் பாலியல் துஷ்பிரயோகம் போன்ற குற்றச்சாட்டுகள் வெளிவந்துள்ள சின்சியாங்கின் வடமேற்கு பிராந்தியத்தில் உள்ள முகாம்களில் சீனா உய்குர்களை தடுத்து வைத்ததற்கு மற்றொரு காரணமும் கூறப்படுகிறது. அதாவது, ஐரோப்பிய ஒன்றியம், இங்கிலாந்து, அமெரிக்கா மற்றும் கனடா ஆகியவற்றின் ஒருங்கிணைந்த முயற்சியாக இந்த தடைகள் அறிமுகப்படுத்தப்பட்டதாகவும் ஒரு தகவல் வெளியாகியுள்ளது.



உடனுக்குடனான செய்திகளுக்கு இணைந்திருங்கள்.
Published by:Vinothini Aandisamy
First published: