• HOME
  • »
  • NEWS
  • »
  • explainers
  • »
  • NPCI அனுமதியை பெற்றது Whatsapp Pay.. விரைவில் பயன்பாட்டிற்கு வரும் எனத் தகவல்..

NPCI அனுமதியை பெற்றது Whatsapp Pay.. விரைவில் பயன்பாட்டிற்கு வரும் எனத் தகவல்..

வாட்ஸ்அப் பே

வாட்ஸ்அப் பே

வாட்ஸ்அப் பே-வில் உங்கள் கணக்கை எவ்வாறு அமைப்பது? வாட்ஸ்அப் பே மூலம் பணத்தை அனுப்புவது அல்லது பெறுவது எப்படி? என்பன போன்ற முழுவிவரங்களையும் தெரிந்து கொள்ளுங்கள்.

  • Share this:
பேஸ்புக்கிற்கு சொந்தமான மெசேஜிங் சேவையின் யுபிஐ கட்டண இன்டெர்பேசான வாட்ஸ்அப் பே இறுதியாக அதன் சேவைகளை இந்தியாவில் வழங்க இந்திய தேசிய கொடுப்பனவு நிறுவனம் (National Payments Corporation of India, NPCI) (என்.பி.சி.ஐ) அனுமதியைப் பெற்றுள்ளது.

வாட்ஸ்-அப்பின் கட்டணமுறை அதன் சேவைகளை இந்தியாவில் ஒரு சோதனை அடிப்படையில் சில காலத்திற்கு முன்பு தொடங்கியது. ஆனால் தரவு களமயமாக்குதல் மற்றும் தொடர்புடைய காரணிகளைப் பற்றிய கவலைகள் காரணமாக இதுவரை NPCI இன் அனுமதியைப் பெற தவறிவிட்டது.

நீண்ட நாட்களுக்கு பிறகு தற்போது NPCI-ன் அனுமதியை வாட்ஸ்அப் பே பெற்றிருந்தாலும் அது முழுமையாக இல்லை. அதாவது, வாட்ஸ்அப் அதன் சேவைகளை தரப்படுத்தப்பட்ட முறையில் செயல்படுத்த மட்டுமே அனுமதிக்கப்பட்டுள்ளது.

அந்த வகையில் இந்தியாவில் அதன் பொது வெளியீட்டின் ஒரு பகுதியாக, முதல் தொகுதியில் 20 மில்லியன் பயனர்களுக்கு
வாட்ஸ்அப் பே அறிமுகப்படுத்தப்படும். அந்த முதல் இருபது மில்லியன் வாட்ஸ்அப் பே பயனர்களில், ஏற்கனவே அதன்
சோதனைக் கட்டத்தில் சேவைக்காக பதிவுசெய்தவர்கள் உள்ளடங்கியிருப்பார்களா என்பது தெளிவாகத் தெரியவில்லை.

முன்னதாக இந்தியாவில் வாட்ஸ்அப் பேயின் சாத்தியமான அறிமுகம் இந்தியாவின் உள்நாட்டு டிஜிட்டல் நிதி
சேவைகளுக்கு எச்சரிக்கையாக இருந்தது. தரவுகளின்படி, வாட்ஸ்அப் இந்தியாவில் 400 மில்லியனுக்கும் அதிகமான பயனர்களைக் கொண்டுள்ளது. அதாவது, அதன் உலகளாவிய பயனர்களில் ஐந்தில் ஒரு பங்கை கொண்டுள்ளது.

வாட்ஸ்அப் டிஜிட்டல் கட்டண சேவைகளின் பெரும் புகழ் காரணமாக, அவர்களின் வணிக மாதிரிக்கு கணிசமான அச்சுறுத்தல் ஏற்படக்கூடும். குறிப்பாக வாட்ஸ்அப்பின் யுபிஐ பேமெண்ட் இன்டெர்பேஸ், பயன்பாட்டின் தகவல்தொடர்பு
அம்சங்களுடன் எவ்வாறு ஒருங்கிணைக்கப்படுகிறது என்பதை பொறுத்தது. வாட்ஸ்அப்பின் தரவு உள்ளூர்மயமாக்கல் கொள்கைகள் குறித்து NPCI முன்னர் சில கருத்துக்களை எழுப்பியிருந்தது.

வாட்ஸ்அப் வழியாக நடத்தப்பட வேண்டிய அனைத்து நிதி பரிவர்த்தனைகளும் இந்திய தரவு சேவையகங்கள் மூலம்
நடத்தப்பட வேண்டும் என்று பரிந்துரைத்தது. இந்த நிலையில் கடந்த ஜூலை 2020 இல், இந்திய ரிசர்வ் வங்கி உச்சநீதிமன்றத்தில் தாக்கல் செய்த மனுவில், இந்திய தரவு உள்ளூர்மயமாக்கல் சட்டங்களுடன் வாட்ஸ்அப் இணங்குவதை என்.பி.சி.ஐ உறுதிப்படுத்தியிருந்தது.

இந்தியாவில் யுபிஐ பரிவர்த்தனைகள் மாதத்திற்கு 2 பில்லியனைத்
தாண்டிவிட்டன என்பதையும் என்.பி.சி.ஐ சமீபத்தில் வெளியிட்டது. மேலும் வாட்ஸ்அப் பேவின் இந்திய டிஜிட்டல் பேமென்ட் சுற்றுச்சூழல் அமைப்புக்கான அதிகாரப்பூர்வ அறிமுகம் அதை மேலும் கணிசமாக உயர்த்தக்கூடும் என
எதிர்பார்க்கப்படுகிறது.



வாட்ஸ்அப் பே-வில் உங்கள் கணக்கை எவ்வாறு அமைப்பது?

* உங்கள் தொலைபேசியில் வாட்ஸ்அப் பயன்பாட்டை திறந்து, திரையின் மேல் வலது மூலையில் வைக்கப்பட்டுள்ள மூன்று புள்ளிகள் கொண்ட ஐகானைத் கிளிக் செய்யவேண்டும்.

* அதில் ,பேமென்ட் ,கட்டண முறையைச் சேர்க்க, என்ற ஆப்ஷனில் சென்றால், நீங்கள் வங்கி பெயர்களின் பட்டியலைப் பெறுவீர்கள்.

* வங்கியின் பெயரைத் தேர்ந்தெடுத்த பிறகு, உங்கள் மொபைல் எண் (வங்கியுடன் இணைக்கப்பட்ட எண்) சரிபார்க்கப்படும். இதற்காக, நீங்கள் எஸ்எம்எஸ் வழியாக சரிபார்க்கும் ஆப்ஷனை கிளிக் செய்ய வேண்டும். குறிப்பாக வாட்ஸ்அப் எண்ணும் உங்கள் வங்கிக் கணக்கில் இணைக்கப்பட்ட மொபைல் எண்ணும் ஒன்று தான்
என்பதை உறுதிப்படுத்திக் கொள்ளுங்கள்.

* சரிபார்ப்பு செயல்முறை முடிந்ததும், நீங்கள் கட்டணங்களை அமைப்பதை முடிக்க வேண்டும். பிற பயன்பாடுகளில் உள்ளதை போலவே, பரிவர்த்தனைகளைச் செய்வதற்கு நீங்கள் ஒரு UPI பின் எண்ணை அமைக்க வேண்டும். அதற்கு பிறகு, நீங்கள் தேர்ந்தெடுக்கப்பட்ட வங்கியை பேமென்ட் பக்கத்தில் காண முடியும்.

வாட்ஸ்அப் பே மூலம் பணத்தை அனுப்புவது அல்லது பெறுவது எப்படி?

* வாட்ஸ்அப்பில் நபரின் அரட்டையைத் திறந்து இணைப்பு ஐகானுக்குச் செல்ல
வேண்டும்.



* அதில் பேமென்ட் ஆப்ஷனை கிளிக் செய்து, நீங்கள் தனிநபருக்கு அனுப்ப விரும்பும் தொகையை சேர்க்க வேண்டும். அதில் ஒருவருக்கு தேவையான குறிப்பையும் சேர்க்கலாம்.

* வாட்ஸ்அப் கட்டணம் செலுத்தும் செயல்முறையை முடிக்க, உங்கள் யுபிஐ பின்னை உள்ளிட வேண்டும். பரிவர்த்தனை முடிந்ததும், உங்களுக்கு உறுதிப்படுத்தல் செய்தி கிடைக்கும்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Sankaravadivoo G
First published: