Home /News /explainers /

ஃபிரண்ட்-எண்ட் டெவலப்பர் ஆக விருப்பமா? தேவைப்படும் திறன்கள், வேலை வாய்ப்புகள் பற்றிய முழு விவரங்கள்

ஃபிரண்ட்-எண்ட் டெவலப்பர் ஆக விருப்பமா? தேவைப்படும் திறன்கள், வேலை வாய்ப்புகள் பற்றிய முழு விவரங்கள்

மாதிரி படம்

மாதிரி படம்

டேட்டாவின் அளவு மற்றும் எந்த அதன் பயன்பாடு ஆகியவற்றின் அடிப்படையில் கிளவுட் டேட்டாவாகவும், அதற்கு பிக் டேட்டா தொழில்நுட்ப ஆதரவும் தேவைப்படும்.

    1990களில் இருந்து உலக அவுட்சோர்சிங் மையங்களில் ஒன்றாக இந்தியா செயல்பட்டு வருகிறது. இருப்பினும், கடந்த சில ஆண்டுகளாக சப்ஜக்ட் மேட்டர் எக்ஸ்பர்ட்ஸ் என்ற பிரிவில், குறிப்பாக பொறியியல் மற்றும் தகவல் தொழில்நுட்பத் துறையில் இந்தியா மாபெரும் வளர்ச்சியைக் கண்டுள்ளது. கோவிட் தொற்றுநோய் பொருளாதாரத்தை தீவிரமாக பாதித்து இருந்தாலும், பெரும்பாலான துறைகள் டிஜிட்டல் மயமாக்கப்பட்டன. இதன் விளைவாக, அலுவலகத்தில் பல்வேறு புதிய மாற்றங்கள் ஏற்படுத்தப்பட்டன. முன்னெப்போதும் இல்லாத வகையில் வேலையில் நெகிழ்வுத்தன்மையை எல்லா நிறுவனங்களும் அனுமதித்தன.

    ஐடி டெவலப்பர்கள், மென்பொருள் பொறியாளர்கள், ஆப்பரேஷன் ஊழியர்கள், கிளவுட் ஆபரேட்டர்கள், டேட்டா இன்ஜினியர்கள் மற்றும் காக்னிட்டிவ் தொழில்நுட்ப வல்லுநர்களின் தேவை கணிசமாக வளர்ந்துள்ளது. ஒவ்வொரு நாளும் புதிய திறமைகளை நிறுவனங்கள் கண்டறிந்து வருகின்றன. திறமை இருந்தால் மட்டும் போதும், வீட்டில் இருந்தே வேலை செய்யலாம். சம்பளத்திற்கும் வரம்புகள் இல்லை. இந்தத் துறைகளில் கேட்கும் சம்பளத்தை வழங்க நிறுவனங்கள் தயாராக உள்ளன. ஆனால், திறமை முக்கியம்.

    IT துறையில் ஆர்வமுள்ள இந்திய இளைஞர்களுக்கு என்னென்ன வேலைகள் உள்ளன, குறிப்பாக மென்பொருள் மேம்பாட்டில் என்னென்ன வேலைகள் உள்ளன, அவற்றைப் பெறுவதற்கு அவர்களுக்குப் பயிற்சி அளிப்பது எப்படி என்பதை இங்கே பார்க்கலாம். இது பின்வரும் திறன்களைக் கொண்டிருக்க வேண்டும்

    • தேவைகளைக் கண்டறிதல் (BA)

    • மென்பொருள் செயல்பாடு (PM) பற்றி சிந்தித்தல்

    • பயன்பாடு மற்றும் ஈடுபாடு (UI / UX))

    • எப்படி உருவாக்குவது என்று திட்டமிடுதல் (கட்டிடக்கலை)

    • வெவ்வேறு வழிகளில் தயாரித்தல் (டெலிவரி)

    • அதை பராமரித்தல் (DevOps)

    • புதுப்பித்தல் மற்றும் மேம்படுத்தல் (அவ்வப்போது புதுப்பித்தல் (CI / CD / CM))


    • இந்த மென்பொருள் எப்படி வேலை செய்யும் என்பதை நீங்கள் தீர்மானிக்கலாம்! அதாவது மென்பொருள் இன்ஸ்டால் செய்யப்பட்ட கணினிகளில் மட்டும் தான் வேலை செய்யுமா அல்லது இணையம் பயன்படுத்தும் எல்லாருமே அதை பயன்படுத்தலாமா என்பதை பற்றிய முடிவுகளை நீங்கள் எடுக்கலாம். அதுமட்டுமில்லாமல் மென்பொருளின் டேட்டாவை எப்படி நிர்வகிப்பது மற்றும் அதை எப்படி கட்டுப்படுத்துவது, அதன் பாதுகாப்பு அம்சங்கள் மற்றும் மத்த மென்பொருளுடன் உங்களுடைய மென்பொருள் எவ்வாறு இன்டர்ஆக்ட் செய்யும் என்பதை பற்றிய அனைத்து விஷயங்களையுமே நீங்கள் தேர்வு செய்ய முடியும்.

      Gmail யூஸர்களே உஷார்... மெயில் மூலம் நடக்கும் ஆன்லைன் மோசடிகளில் இருந்து தற்காத்துக்கொள்ளும் வழிகள்!

      டேட்டாவின் அளவு மற்றும் எந்த அதன் பயன்பாடு ஆகியவற்றின் அடிப்படையில் கிளவுட் டேட்டாவாகவும், அதற்கு பிக் டேட்டா தொழில்நுட்ப ஆதரவும் தேவைப்படும். உங்கள் மென்பொருளின் அளவு மற்றும் பயன்பாடு சிறியதாகவும், குறைந்த எண்ணிக்கையில் யூசர்கள் இருக்கும் பொழுது அனைத்து டேட்டாவையும் நீங்கள் கிளவுடில் சேகரித்து வைக்கலாம். ஆனால் எண்ணிக்கை அதிகரிக்க அதிகரிக்க, உங்களுக்கு பிக் டேட்டா தொழில்நுட்ப சப்போர்ட் அவசியமாக தேவைப்படும். ஏனென்றால் தற்போது பெரும்பாலான நிறுவனங்கள் டவுன்லோடு செய்து பயன்படுத்தக்கூடிய மென்பொருளை விற்பனை செய்வதில்லை. அதற்கு மாற்றாக SaaS எனப்படும் சாஃப்ட்வேர் அஸ் எ செக்யூரிட்டி சர்வீஸ் என்ற மாடூலை ஆன்லைன் வழியாகவே பயன்படுத்தும் அம்சத்தை வணங்கி வருகிறார்கள். இதன் மூலம் நீங்கள் எந்த ஒரு மென்பொருளையும் டவுன்லோடு செய்யாமலேயே ஆன்லைன் வழியாக பயன்படுத்தலாம்.

      இது தொடர்பான நான்கு வேலைகள்.

      • ஃப்ரண்ட் எண்ட் டெவலப்பர்கள் - மென்பொருளானது எப்படி இருக்கும் மற்றும் மக்களுக்கு எப்படி தெரியும்

      • பேக்-எண்ட் டெவலப்பர்கள் - மென்பொருள் எவ்வாறு செயல்படுகிறது

      • டேட்டாபேஸ் மேம்பாடு – ஃப்ரண்ட் எண்ட் மற்றும் பேக் எண்ட் எவ்வாறு டேட்டா பிராசசிங் செயலாக்கம் மற்றும் ஸ்டோரேஜ் உடன் செயல்படுகிறது

      • APIகள் மற்றும் DevOps - மென்பொருளை உருவாக்கி மற்ற மென்பொருளுடன் இணைத்து எவ்வாறு செயல்படுகிறது மற்றும் கிளவுடில் எவ்வாறு நிர்வாகம் செய்யப்படுகிறது


      • தொழில்நுட்பம் அற்புதமாக வளர்ச்சியடைந்து வருவதால், பல்வேறு சாதனங்கள், இயந்திரங்கள் மற்றும் மேம்பட்ட நிறுவன அமைப்புகளை இயக்க மென்பொருள் தேவைப்படுகிறது. அடுத்த 25 ஆண்டுகளில் பெரும்பாலான பணிகள் இந்தத் துறைகளில் காணப்படும்.

        • ஏன் ஒரு ஃப்ரண்ட் எண்ட் டெவலப்பர் ஆக வேண்டும்?


        • இன்று பெரும்பாலான மக்கள் ஆன்லைனில் அதிக நேரம் செலவிடுகிறார்கள். நீங்கள் இணையதளத்தில் உள்நுழையும்போது, ​​வரவேற்புப் பக்கம், மெனு, மற்றும் நேவிகேஹ்சன் மற்றும் பயன்பாட்டை எளிதாக்கும் பல விஷயங்களைக் காண்பீர்கள். இந்த கூறுகள் அனைத்தும் 'ஃப்ரண்ட் எண்ட்' என்று அழைக்கப்படுகின்றன. ஒரு ஃப்ரண்ட் எண்ட் டெவலப்பர் என்பது இன்டர்ஃபேசை வடிவமைத்து செயல்படுத்துவதற்கு பொறுப்பான நபர். சந்தேகத்திற்கிடமான பயன்பாடுகளை அணுக பயனர்களுக்கு இந்த இன்டர்பேஸ் தேவை.

          ஒரு வெப் டிசைனர் என்பது ஒரு வலைத்தளம் எப்படி இருக்க வேண்டும் என்பதை முடிவு செய்பவர். வெப் டிசைனிங் ஆன்லைனில் செயல்படுவதை உறுதிசெய்ய, ஃப்ரண்ட் எண்ட் டெவலப்பர் CSS, HTML மற்றும் JavaScript போன்ற குறியீட்டு மொழிகளைப் பயன்படுத்துகிறார்.

          1. ஃப்ரண்ட் எண்ட் டெவலப்பர்களை எந்த நிறுவனங்கள் பணியமர்த்துகின்றன?


          பெரும்பாலான மென்பொருள் நிறுவனங்களுக்கு ஃப்ரண்ட் எண்ட் டெவலப்பர்கள் தேவை - இந்த பணியிடங்கள் இளைய, நடுத்தர அல்லது மூத்த நிலைகளில் இருக்கும். இணையம் மற்றும் அப்ளிகேஷன் நிறுவனங்கள், தகவல் தொழில்நுட்ப நிறுவனங்கள், ஆலோசனை நிறுவனங்கள் மற்றும் சுகாதாரம், நிதி மற்றும் சில்லறை வணிகத் துறைகளில் உள்ள நிறுவனங்கள் அனைத்திற்கும் ஃப்ரண்ட் எண்ட் டெவலப்பர்கள் தேவை.

          1. எந்தெந்த நாடுகளில் நிறுவனங்கள் செயல்படுகின்றன?


          இந்தியா, ஜெர்மனி, அமெரிக்கா, பெல்ஜியம், பிரான்ஸ் மற்றும் பிரேசில் போன்ற முக்கிய நாடுகளில் இத்தகைய நிறுவனங்கள் உள்ளன. ஆப்பிரிக்கா மற்றும் தென் அமெரிக்காவில் இதற்காகவே புதிய ஸ்கில் சென்டர்கள் உருவாகி வருகின்றன, மேலும் இந்தியாவில் இரண்டாம் மற்றும் மூன்றாம் நிலை நகரங்களில் இதே போன்ற நிறுவனங்கள் உள்ளன.

          1. ஒரு ஃப்ரண்ட் எண்ட் டெவலப்பராக நீங்கள் எவ்வளவு சம்பாதிக்க முடியும்?


          உங்கள் அனுபவம், திறன்கள் மற்றும் நிபுணத்துவத்தைப் பொறுத்து, நீங்கள் ஆண்டுக்கு ரூ.3 லட்சம் முதல் ரூ.15 லட்சம் வரை சம்பளம் பெறலாம்.

          1. நான் ஃப்ரண்ட் எண்ட் டெவெலப்பராக தகுதி பெற என்ன தெரிந்து கொள்ள வேண்டும்?



          • ஒரு மென்பொருளில் உங்களை ஈர்க்கும் விஷயங்களைக் கண்டறிய வேண்டும். உங்கள் நிறுவனத்தின் இணையதளம் எல்லாச் சாதனங்களிலும் சிறப்பாக செயல்படுவதை உறுதிசெய்ய, இணைய வடிவமைப்புத் தரங்களைப் பயன்படுத்தவும்.

          • ஆப்ஸ்களை உருவாக்குவதற்கான கட்டமைப்பை உருவாக்கவும் மற்றும் பயனர்களின் தேவைகளை அறிந்து கொள்ளவும்.

          • யூசர்களுக்கு மென்பொருள் பயன்பாட்டை எளிதாக்கவும்.

          • செயல்திறனைக் கண்காணித்தல், டிராஃபிக் நெரிசலைக் கண்காணித்தல் மற்றும் சிக்கல்களைச் சீக்கிரம் சரிசெய்தல்.

          • இணையதளத்தை எவ்வாறு மேம்படுத்துவது என்பதை டெவலப்மென்ட் குழுவுடன் கலந்துரையாடுங்கள்.

          • கணினி அறிவியல் அல்லது அதனுடன் தொடர்புடைய பாடங்களில் பட்டம் பெறவும். அல்லது YouTube வீடியோக்களைப் பார்க்கவும்.

          • HTML, CSS, JavaScript மற்றும் jQuery உள்ளிட்ட குறியீட்டு மொழிகளை நன்றாக அறிந்து கொள்ள வேண்டும்

          • சர்வர் பேஜில் CSS ஐப் புரிந்து கொள்ளுங்கள்.

          • கிராஃபிக் டிசைன் மென்பொருளில் (எ.கா. அடோப் இல்லஸ்ட்ரேட்டர்) நிபுணத்துவம் பெற்றிருக்கவும்.

          • எஸ்சிஓவின் அடிப்படைகளை அறிக.

          • சிக்கலைத் தீர்க்கும் திறன்களை மேம்படுத்திக் கொள்ள வேண்டும் மற்றும் சக பணியாளர்கள், மேலாளர்கள் மற்றும் வாடிக்கையாளர்களுடன் இணைப்பில் இருக்க வேண்டும்

          • குழுவுடன் இணைந்து நன்றாக வேலை செய்வதற்கான திறன்களை வளர்த்துக் கொள்ள வேண்டும்.



          1. எவ்வாறு பயிற்சி பெறுவது?


          CSS, JavaScript மற்றும் HTML ஆகியவற்றைக் கற்றுக்கொள்ளுங்கள். படிப்பதன் மூலமும் ஆராய்ச்சி செய்வதன் மூலமும் உங்கள் பணியைப் பற்றி நன்றாக தெரிந்து வைத்துக் கொள்வது உதவியாக இருக்கும். தொடர்ந்து பயிற்சி செய்து கொண்டே இருக்க வேண்டும். டம்மி இணையதளங்கள் மற்றும் ஆப்ஸ் ஆகியவற்றை உருவாக்கி உங்கள் போர்ட்ஃபோலியோவை மேம்படுத்தவும்.

          1. Front End Skills கற்றுக்கொண்ட பிறகு நான் என்ன செய்ய வேண்டும்?


          பயிற்சிகள், கருவிகள் மற்றும் ஓப்பன் சோர்ஸ் திட்டங்களைப் பார்க்கவும்.

          ஃப்ரண்ட்-எண்ட் டெவலப்பர் வகுப்பில் சேரவும். அனுபவம் வாய்ந்த நிபுணர்களிடமிருந்து கற்றுக்கொள்ளுங்கள்.

          ஜூனியர் ஃப்ரண்ட்-எண்ட் டெவலப்பராக செயல்படுங்கள். அதிக திறமையும் அனுபவமும் பெற்றவர்களின் கீழ் பணிபுரிவது புதிய திறன்களை வளர்த்துக் கொள்வதற்கான சிறந்த வழியாகும்.
    Published by:Vijay R
    First published:

    அடுத்த செய்தி