Explainer: இந்த வருடம் நடக்கவிருக்கும் டோக்கியோ ஒலிம்பிக் போட்டிகள் பற்றிய தகவல்கள்!

(படம்: வாஷிங்டன் போஸ்ட்)

சர்வதேச ஒலிம்பிக் கமிட்டியும் டோக்கியோ ஏற்பாட்டுக் குழுவும் பல வருட திட்டமிடலுக்குப் பிறகு இந்த ஆண்டு விளையாட்டுகளை நடத்துவதில் உறுதியாக இருப்பதாகவும் தெரிவித்துள்ளது.

  • News18
  • Last Updated :
  • Share this:
நான்கு ஆண்டுகளுக்கு ஒருமுறை நடத்தப்படும் ஒலிம்பிக் போட்டிகள் கடந்த 2016-ல் ரியோ டி ஜெனிரோவில் நடைபெற்றது. அதன்பின் 2020 டோக்கியோ ஒலிம்பிக்ஸ் போட்டி கடந்த ஆண்டு ஜூலை 24 முதல் ஆகஸ்ட் 9-ஆம் தேதி வரை நடைபெறுவதாக இருந்தது. ஆனால் உலகம் முழுவதும் பரவிய கொரோனா பாதிப்பால், போட்டிகள் ஒத்திவைக்கப்பட்டது. கொரோனா வைரஸ் பரவலால் ஓராண்டுக்கு ஒத்திவைக்கப்பட்ட ஒலிம்பிக்ஸ் போட்டிகள் வருகிற ஜூலை 23ம் தேதி முதல் ஆகஸ்ட் 8-ம் தேதி வரையும், பாராலிம்பிக்ஸ் போட்டிகள் ஆக. 24ம் தேதி முதல் செப். 5ம் தேதி வரையும் நடைபெறவுள்ளன. ஆனால் கடந்த வருடங்களை போல் இல்லாமல் இந்த வருடம் சூழ்நிலைகள் சற்று அசாதாரணமாக இருக்கும்.

சர்வதேச ஒலிம்பிக் கமிட்டியும் டோக்கியோ ஏற்பாட்டுக் குழுவும் பல வருட திட்டமிடலுக்குப் பிறகு இந்த ஆண்டு விளையாட்டுகளை நடத்துவதில் உறுதியாக இருப்பதாகவும் தெரிவித்துள்ளது. மேலும் தொலைக்காட்சியில் ஒளிபரப்ப பில்லியன் கணக்கில் செலவு செய்ய திட்டமிட்டிருக்கையில் விளையாட்டு ரத்து செய்யப்பட்டால் அவர்கள் அப்பணத்தை இழக்க நேரிடும். எனவே மீண்டும் போட்டிகளை ஒத்திவைக்க முடியாது என்று அமைப்பாளர்கள் தெரிவித்து வருகின்றனர். அதேவேளையில் இந்த கோடையில் விளையாட்டுக்களை நடத்தக்கூடாது என்று ஜப்பானில் 70 சதவீதம் முதல் 80 சதவீதம் பேர் கருதுவதாக ஆய்வுகள் தெரிவிக்கின்றன. சரி இந்த வருடம் நடைபெற உள்ள ஒலிம்பிக் போட்டிகள் குறித்து சில தகவல்களை தெரிந்துகொள்வோம்.

இந்த ஒலிம்பிக் போட்டிகள் டோக்கியோ 2020 என்று அழைக்கப்படுகிறதா?

ஒரு வருடம் தாமதமாக வந்தாலும், விளையாட்டுக்கள் இன்னும் டோக்கியோ 2020 என்று அழைக்கப்படுகின்றன. டி-ஷர்ட்கள், மக்ஸ், சிக்னேஜ் மற்றும் பிற பிராண்டட் கியர் அனைத்தும் அதையே பிரதிபலிக்கும் என்று தெரிவிக்கப்பட்டுள்ளது. போட்டிகள் தாமதமானாலும் அதன் ஆண்டு மாறாது என்று தெரிவித்துள்ளது.

பார்வையாளர்கள் அனுமதிக்கப்படுவார்களா?

இப்போதைய தகவலின்படி ஜப்பானிய ரசிகர்கள் நிகழ்வுகளில் கலந்து கொள்ளலாம். ஆனால் பெரும்பாலான சர்வதேச பார்வையாளர்கள் ஒலிம்பிக் போட்டிகளை காண ஜப்பானுக்கு வர அனுமதிக்கப்பட மாட்டார்கள். அதுவே சர்வதேச விளையாட்டு வீரர்கள், அதிகாரிகள் மற்றும் சில செய்தி ஊடக உறுப்பினர்களுக்கு இதில் விதிவிலக்குகள் உண்டு என தெரிவிக்கப்பட்டுள்ளது. ஆனால் கடந்த ஆண்டு நடைபெற இருந்த போட்டிகள் ரத்து செய்யப்படுவதற்கு முன்பு ஏராளமான ரசிகர்கள் போட்டிகளை காண டிக்கெட்டை முன்பதிவு செய்திருந்தனர். ரத்து செய்யப்பட்ட பிறகு அவர்களது பணம் அவர்களுக்கு திருப்பி தரப்படவில்லை. அதனை எப்போது, எப்படி, டிக்கெட் பணத்தை திரும்பப் பெறுவோம் என்று கேள்வியை எழுப்பி வருகின்றனர். ஆனால் இதற்கு சிறிது காலம் ஆகலாம் என்று கூறப்படுகிறது.

ஒலிம்பிக் சுடர் நடைபெறுகிறதா?

மார்ச் 25 அன்று ஜப்பானின் புகுஷிமாவில் ஒலிம்பிக் சுடர் ஏற்றப்பட்டு அதற்கான தொடர் ஓட்டமும் ஆரம்பமானது. ஆனால் தொடக்க விழாவில் பார்வையாளர்கள் யாரும் அனுமதிக்கப்படவில்லை. மேலும் சுடர் ஓட்டம் ஆரம்பமாவதற்கு 30 நிமிடங்கள் இருக்கும் வரை அதன் பாதைகள் குறித்து எந்த தகவலும் அறிவிக்கப்படவில்லை. பார்வையாளர்கள் தங்கள் வீட்டுப் பகுதிகளில் மட்டுமே கலந்து கொள்ள முடியும் மற்றும் உற்சாகப்படுத்துவது தடைசெய்யப்பட்டுள்ளது என்றும் அறிவிக்கப்பட்டுள்ளது. மேலும் இந்த சுடர் ஓட்டம் 121 நாட்களுக்கு நடைபெறுகிறது. சில பிரபலங்கள் உட்பட சில சுடர் பியர்கள் இந்த நிகழ்விலிருந்து வெளியேறிவிட்டனர்.

ஒலிம்பிக் அதிகாரிகளின் பாலியல் கருத்து சர்ச்சை:

இரண்டு குறிப்பிடத்தக்க ஒலிம்பிக் அதிகாரிகள் பாலியல் தொடர்பான கருத்துக்களை தெரிவித்த பின்னர் தங்கள் பதவிகளை விட்டு விலகியுள்ளனர். பிப்ரவரியில், டோக்கியோ ஒலிம்பிக் ஏற்பாட்டுக் குழுவின் தலைவர் யோஷிரோ மோரி, கூட்டங்களில் பெண்கள் அதிகம் பேசுவதாகக் கூறிய பிறகு ராஜினாமா செய்தார். ஒலிம்பிக் படைப்பாக்க இயக்குனர் ஹிரோஷி சசாகி பிரபல நகைச்சுவை நடிகரும் பிளஸ்-சைஸ் ஆடை வடிவமைப்பாளருமான நவோமி வதனபேவை “ஒலிம்பிக்” என்று அழைத்த பின்னர் கடந்த மார்ச் மாதம் விலகினார்.

ஒலிம்பிக் எத்தனை முறை நடத்தப்படுகிறது?

கோடை மற்றும் குளிர்கால ஒலிம்பிக் ஒவ்வொரு இரண்டு வருடங்களுக்கும் ஒருமுறை நடக்கும். இந்த நிலையில் 2020 கோடைகால விளையாட்டுக்கள் தாமதமானதால், 2022 குளிர்கால விளையாட்டுக்கள், இந்த வருடம் டோக்கியோ ஒலிம்பிக் முடியும் ஆறு மாதங்களுக்குள் நடைபெறும் என்று தெரிவிக்கப்பட்டுள்ளது. இதையடுத்து கோடைகால விளையாட்டுக்கள் 2024-ல் மீண்டும் நடைபெறும். நான்கு ஆண்டுகளுக்கு ஒருமுறை நடைபெறும் ஒலிம்பிக்கின் பாரம்பரியம் கிரேக்கத்தில் நடைபெற்ற பண்டைய ஒலிம்பிக்கில் இருந்து பெறப்பட்டது. இது 776 பி.சி. மற்றும் ஏ.டி. 394 வரை நான்கு வருடங்களுக்கு ஒருமுறை நடைபெற்றது.

எதிர்கால விளையாட்டு எங்கே நடைபெறும்?

பெய்ஜிங் 2022 ஆம் ஆண்டில் குளிர்கால விளையாட்டுகளை நடத்துகிறது. இது கோடை மற்றும் குளிர்கால விளையாட்டுகளை நடத்தும் முதல் நகரமாகும். ஏற்கனவே கோடைகால விளையாட்டுக்கள் 2008ம் ஆண்டு நடைபெற்றன. இதையடுத்து 2024 கோடைகால விளையாட்டுக்கள் பாரிஸிலும், 2028 இல் லாஸ் ஏஞ்சல்ஸிலும் நடைபெறும். இதையடுத்து 2026 குளிர்கால விளையாட்டுக்கள் மிலன் மற்றும் இத்தாலியின் கோர்டினா டி ஆம்பெஸோவில் நடைபெறும். 2030 குளிர்கால விளையாட்டுக்கான புரவலன் நகரத்தில் நடைபெற வாய்ப்புள்ளது.

டோக்கியோவில் ஒலிம்பிக் விளையாட்டுகளை எத்தனை முறை நடைபெற்றது?

இதற்கு முன்னர், 1964 இல் நடைபெற்றது. அதேபோல ஜப்பான் குளிர்கால விளையாட்டுக்களை 1972 இல் சப்போரோவிலும், 1998 இல் நாகானோவிலும் நடத்தியது.

இதற்கு முன்னர் ஒலிம்பிக் ரத்து செய்யப்பட்டதா அல்லது ஒத்திவைக்கப்பட்டுள்ளதா?

ஒலிம்பிக் போட்டிகள் ஒருபோதும் ஒத்திவைக்கப்படவில்லை. ஆனால் அவை இரண்டு உலகப் போர்களால் ரத்து செய்யப்பட்டன. முதலாம் உலகப் போர் நடந்தபோது பெர்லினில் நடைபெற்றவிருந்த 1916 விளையாட்டுக்கள் ரத்து செய்யப்பட்டன. 1940 குளிர்கால விளையாட்டுக்கள் ஜப்பான் நாட்டின் சப்போரோ பகுதியில் நடத்த திட்டமிடப்பட்டன. ஆனால் அவை ஜெர்மனிக்கு மாற்றியமைக்கப்பட்டன. இதேபோல டோக்கியோவில் நடத்த திட்டமிடப்பட்டிருந்த கோடைகால விளையாட்டுகளும் நடக்கவில்லை. 1944-ல் இத்தாலி மற்றும் பிரிட்டனில் குளிர்கால மற்றும் கோடைகால விளையாட்டுக்களும் ரத்து செய்யப்பட்டன.

தொற்றுநோய்க்கு மத்தியில் போட்டிகள் நடத்த டோக்கியோ நகரம் தயாரா?

ஒலிம்பிக் விளையாடிகள் டோக்கியோவில் உள்ள ரியோ டி ஜெனிரோ மைதானத்தில் நடைபெற உள்ளது. அதன் அரங்கங்கள் மற்றும் உள்கட்டமைப்புகள் ஒழுங்காக உள்ளன. இருப்பினும் விளையாட்டு வீரர்கள் வரத் தொடங்கிய பிறகு தான் இதுகுறித்து தெரியும்.

விளையாட்டுகளின் சின்னம் என்ன?

இந்த கோடைகால விளையாட்டுகளின் சின்னம் மிரைடோவா ஆகும். மேலும் சோமிட்டி பாராலிம்பிக்ஸ் போட்டிகளின் சின்னம் ஆகும். மிரைடோவா என்ற பெயர் ஜப்பானிய சொற்களிலிருந்து “எதிர்காலம்” மற்றும் “நித்தியம்” என்பதிலிருந்து பெறப்பட்டது. சோமிட்டி பெயர் ஒரு வகை செர்ரி மரத்திலிருந்து எடுக்கப்பட்டது.

உசேன் போல்ட், மைக்கேல் பெல்ப்ஸ் ஆகியோர் நிகழ்வில் பங்கேற்பார்களா?

விளையாட்டு போட்டிகளின் மிகப்பெரிய நட்சத்திரங்களான இவர்கள் இரண்டு பேரும் ஓய்வு பெற்றனர். ஆனால் சிமோன் பைல்ஸ், கேட்டி லெடெக்கி, ரியான் லோச்ச்டே மற்றும் அலிசன் பெலிக்ஸ் போன்ற உயர்மட்ட அமெரிக்க விளையாட்டு வீரர்கள் இந்த நிகழ்வில் பங்கு பெறுவார்கள் என்று கூறப்படுகிறது.

இந்தாண்டு நடைபெறும் புதிய விளையாட்டுக்கள் மற்றும் நிகழ்வுகள் என்ன?

பேஸ்பால் மற்றும் சாப்ட்பால் ஆகியவை 13 ஆண்டுகள் கழித்து மீண்டும் நடக்கப்போகிறது. கராத்தே, சர்ஃபிங், ஸ்போர்ட் க்ளைம்பிங் மற்றும் ஸ்கேட்போர்டிங் ஆகியவை புதிய விளையாட்டுகளாக இடம்பெற்றுள்ளன. மூன்று புதிய கூடைப்பந்து மற்றும் இரண்டு நபர்கள் குழு நிகழ்வான மேடிசன் சைக்கிள் ஓட்டுதல் உள்ளிட்ட சில புதிய நிகழ்வுகள் பாரம்பரிய விளையாட்டுகளில் சேர்க்கப்பட்டுள்ளன. டிராக், நீச்சல், டிரையத்லான், வில்வித்தை மற்றும் டேபிள் டென்னிஸ் உள்ளிட்ட கலப்பு பாலின அணிகளுக்கான ரிலேக்கள் உள்ளிட்ட பல விளையாட்டுக்கள் இந்த வருடம் நடைபெற உள்ளது.

இந்த வருடம் சர்ஃபிங் உண்மையில் நடக்குமா?

ஆம், டோக்கியோவிலிருந்து 40 மைல் தொலைவில் உள்ள ஷிதாஷிதா கடற்கரைக்கு அப்பால் உள்ள கடலில் சர்பிங் போட்டிகள் நடைபெறும். டஹிடி, ஹவாய் மற்றும் ஆஸ்திரேலியா போன்ற இடங்களில் மிகவும் அறியப்பட்ட சில அலைகளை விட இங்கு அலைகள் கணிசமாக சிறியதாக இருக்கும். சர்ஃபர்ஸ் பெரிய அலைகளில் இருப்பதை விட இந்த பகுதியில் அக்ரோபாட்டிக்ஸ் மற்றும் திறன்களைக் காட்ட முடியும்.

எந்த விளையாட்டு இந்த வருடம் நடைபெறாது?

மல்யுத்தம் ஒரு கட்டத்தில் 2020 விளையாட்டுப் போட்டிகளில் இருந்து விலக்கப்பட்டிருந்தாலும், அது இறுதியில் மீண்டும் நிலைநிறுத்தப்பட்டது. எனவே இந்த வருடம் நடைபெறும் போட்டியில் எந்த விளையாட்டும் நீக்கப்படவில்லை. ஒட்டுமொத்த பாலின சமத்துவத்துடன் விளையாட்டுகளை நெருக்கமாகக் கொண்டுவருவதற்காக பல்வேறு விளையாட்டுகளில் சில ஆண்கள் மட்டும் பங்கேற்கும் போட்டிகள் பெண்களின் போட்டிகளுக்கு ஆதரவாக கைவிடப்பட்டன.

விளையாட்டுக்களை ரத்து செய்வதும், புதிதாக சேர்ப்பதும் யார்?

விளையாட்டுகளில் எந்த விளையாட்டுகளை சேர்க்க வேண்டும் என்பதை சர்வதேச ஒலிம்பிக் குழு தேர்வு செய்கிறது. இந்த குழு உலகளவில் பிரபலமடைந்த விளையாட்டுகள் குறித்து ஆராயும். மேலும் வெவ்வேறு பிராந்தியங்களுக்கு அவர்கள் வெற்றிபெறக்கூடிய ஒரு சில விளையாட்டுகளை வழங்க முயற்சிக்கிறது. பல தசாப்தங்களாக குழுவின் முதன்மை அக்கறையாக பாலின சமத்துவம் உள்ளது. எனவே இந்த நூற்றாண்டில் பெண்களுக்கான குத்துச்சண்டை மற்றும் மல்யுத்தம் போன்ற விளையாட்டுக்கள் சேர்க்கப்பட்டது குறிப்பிடத்தக்கது.

ரஷ்யா நாடு பங்கேற்கிறதா?

2014 சோச்சி ஒலிம்பிக்கில் அரசால் வழங்கப்பட்ட ஊக்கமருந்துக்கான சான்றுகள் வெளிவந்த பின்னர், 2019 டிசம்பரில் ரஷ்யாவுக்கு சர்வதேச விளையாட்டிலிருந்து நான்கு ஆண்டுகள் தடை விதிக்கப்பட்டது. இருப்பினும் அந்த தடை பின்னர் பாதியாக குறைக்கப்பட்டது. இதையடுத்து 2018 ஒலிம்பிக்கில் அவர்கள் சேர்க்கப்பட்டதைப் போலவே, டோக்கியோ ஒலிம்பிக்கில் போட்டியிட பின்னணி இல்லாத சில ரஷ்ய விளையாட்டு வீரர்கள் அனுமதிக்கப்படுவார்கள் என்று கூறப்படுகிறது. ஆனால் அவர்கள் முறையாக தங்கள் நாட்டை பிரதிநிதித்துவப்படுத்த மாட்டார்கள். "ரஷ்ய நடுநிலை விளையாட்டு வீரர்கள்" போல தீர்மானிக்கப்பட வேண்டிய தலைப்புடன் அவர்கள் பட்டியலிடப்படுவார்கள். ரஷ்ய கீதம் இசைக்கப்படாது, ரஷ்ய கொடி காட்டப்படாது. மேலும், ரஷ்யாவைச் சேர்ந்த தனிநபர் மற்றும் அணி விளையாட்டு வீரர்கள் அளவுகோல்களை பூர்த்தி செய்தால் போட்டியிடலாம். அந்தவகையில், பெண்களின் வாட்டர் போலோவில் ஒரு அணிக்கு ரஷ்யா தகுதி பெற்றுள்ளது.

Also read... ஐ.எஸ்.ஐ.எஸ் அமைப்பில் மொயின் அலி சேரந்திருப்பார்... தஸ்லிமா நஸ்ரீன் சர்ச்சை கருத்துக்கு வலுக்கும் எதிர்ப்பு

வட கொரியா வருகிறதா?

தீங்கிழைக்கும் வைரஸ் தொற்றினால் ஏற்படும் உலகளாவிய சுகாதார நெருக்கடியிலிருந்து எங்கள் விளையாட்டு வீரர்களைப் பாதுகாக்க விளையாட்டுகளைத் தவிர்ப்பதாக வடகொரியா தெரிவித்துள்ளது. 1972 லாஸ் ஏஞ்சல்ஸில், சோவியத் புறக்கணிப்பில் இணைந்ததும், 1988 ஆம் ஆண்டு தென் கொரியாவின் சியோலில் நடந்த போட்டிகளை புறக்கணித்ததையும் தவிர, 1972 முதல் ஒவ்வொரு கோடைகால விளையாட்டுகளிலும் வட கொரியா பங்கேற்றுள்ளது. வட கொரிய விளையாட்டு வீரர்கள் 16 தங்கப் பதக்கங்களை வென்றுள்ளனர். இதையடுத்து, 3ம் முறையாக கொரோனா தொற்று காரணமாக 2020 போட்டிகளை வட கொரியா புறக்கணித்துள்ளது.

விளையாட்டு வீரர்களுக்கு ஏதாவது பணம் கிடைக்குமா?

சர்வதேச ஒலிம்பிக் கமிட்டியிடமிருந்து வெற்றியாளர்களுக்கு பரிசுத் தொகை எதுவும் கிடைக்காது. ஆனால் பல தேசிய கூட்டமைப்புகள் பதக்கங்களை வென்றதற்காக விளையாட்டு வீரர்களுக்கு பணம் செலுத்துகின்றன. உதாரணமாக, 2018 ஆம் ஆண்டில், யுனைடெட் ஸ்டேட்ஸ் ஒலிம்பிக் கமிட்டி விளையாட்டு வீரர்களுக்கு தங்கப் பதக்கம் வென்றதற்காக 37,500 டாலர்களும், வெள்ளிக்கு 22,500 டாலர்களும், வெண்கலத்திற்கு 15,000 டாலர்களையும் வழங்கியது.

நவீன ஒலிம்பிக் போட்டிகள் எப்போது தொடங்கப்பட்டன?

1896 ஆம் ஆண்டில், ஒரு பிரெஞ்சுக்காரரான பியர் டி கூபெர்டின் பண்டைய கிரேக்க விளையாட்டுகளின் மறுமலர்ச்சியைத் தொடங்கினார். ஏதென்ஸில் நடைபெற்ற முதல் ஒலிம்பிக்கில், ஆண் போட்டியாளர்கள் மட்டுமே இருந்தனர். மொத்தம் ஒன்பது விளையாட்டுகள் நடத்தப்பட்டன.

ஒலிம்பிக் ரிங்ஸ்களுக்கு என்ன அர்த்தம்?

நீலம், மஞ்சள், கருப்பு, பச்சை மற்றும் சிவப்பு ஆகிய ஐந்து மோதிரங்களை 1912 ஆம் ஆண்டு டி கூபெர்டின் வடிவமைத்தன. உலகின் ஒவ்வொரு கொடிக்கும் குறைந்தது ஒரு பொருந்தக்கூடிய வண்ணம் இருக்க வேண்டும் என்பதற்காக வண்ணங்கள் தேர்ந்தெடுக்கப்பட்டன. ஐந்து மோதிரங்கள் இருப்பதற்கான காரணம், அவை ஐந்து மக்கள் தொகை கொண்ட கண்டங்களை குறிக்கலாம் அல்லது அவை வடிவமைக்கப்பட்ட நேரத்தில் நடத்தப்பட்ட ஐந்து ஒலிம்பிக் போட்டிகளையும் குறிக்கலாம். ஆனால் எந்தவொரு தனிப்பட்ட வளையத்திற்கும் குறிப்பிட்ட பொருள் இல்லை என்று கூறப்படுகிறது.



உடனுக்குடனான செய்திகளுக்கு இணைந்திருங்கள்.
Published by:Vinothini Aandisamy
First published: