• HOME
  • »
  • NEWS
  • »
  • explainers
  • »
  • பல நாள் கேள்விக்கான பதில்...18 வயதுக்கு முன்பே பான் கார்டுக்கு விண்ணப்பிக்க முடியுமா?

பல நாள் கேள்விக்கான பதில்...18 வயதுக்கு முன்பே பான் கார்டுக்கு விண்ணப்பிக்க முடியுமா?

பான் கார்டு

பான் கார்டு

Pan card: 18 வயதிற்கு முன்பே பெற்றோரின் உதவியோடு சில வழிமுறைகளைப் பின்பற்றி பான் கார்டைப் பெறலாம்.

  • Share this:
    இந்தியாவில் எந்தவொரு நிதி பரிவர்த்தனையையும் செய்ய ஒவ்வொரு இந்திய குடிமக்களுக்கும் PAN கார்டு ஒரு முக்கியமான ஆவணமாக பார்க்கப்படுகிறது.

    அரசு அலுவலகங்களில் பணப் பரிமாற்றம் செய்வதற்கும், வங்கிக் கணக்கு தொடங்குவதற்கும், முதலீடு செய்வதற்கும் பான் கார்டு அவசியம் தேவைப்படுகிறது. முன்பெல்லாம், 18 வயதுக்கு மேல் உள்ள அனைவரும் பான் கார்டை பெற்றிருக்க வேண்டும் என்று இருந்தது. ஆனால் இப்போது ஒருவர் 18 வயதை எட்டுவதற்கு முன்பே பான் கார்டுகளை பெற்றுக்கொள்ளலாம் எனக்கூறப்படுகிறது.

    அதாவது 18 வயதிற்கு முன்பே பெற்றோரின் உதவியோடு சில வழிமுறைகளைப் பின்பற்றி பான் கார்டைப் பெறலாம். இந்த கார்டு சொந்தமாக பான் கார்டுக்கு விண்ணப்பிக்க முடியாத சிறார்களுக்கானது என்று அறிவிக்கப்பட்டுள்ளது. அதாவது, சாதாரணமாக வழங்கப்படும் பான்கார்டுகளை போல் இல்லாமல், சிறுவர்களுக்காக ஒரு சில மாறுதல்களுடன் வழங்கப்படுகிறது. அதாவது சிறுவர்களின் சார்பாக குழந்தையின் பெற்றோர் பான் கார்டில் ஈடுபட்டிருப்பார்கள் என அறிவிப்பு வெளியாகியுள்ளது. மைனர் அல்லது குழந்தை குறிப்பிட்ட அளவு பணம் சம்பாதித்தால், அந்தக் குழந்தை முதலீட்டின் நாமினியாக கருதப்படுவார். அல்லது மைனரிடம் குழந்தையின் பெயர் இருந்தால், அவர்களுக்கு பான் கார்டு தேவைப்படும்.

    மொபைல் இருந்தால் போதும்! ஆதார் கார்டில் வந்துள்ள சூப்பர் அப்டேட் இதுதான்

    18 வயதுக்கு முன் பான் கார்டுக்கு விண்ணப்பிப்பதற்கான வழிமுறைகள்:

    * 18 வயதுக்கு முன் ஆன்லைனில் பான் கார்டுக்கு விண்ணப்பிக்க NSDL என்ற இணையதளத்தைப் பார்வையிடவும்.

    * இப்போது பொருத்தமான வேட்பாளர் விருப்பத்தைத் தேர்ந்தெடுத்து, அதில் கேட்கப்படும் தனிப்பட்ட தகவல் பகுதியை நிறைவு செய்யவும்.

    * பெற்றோரின் புகைப்படத்துடன் மைனரின் வயதுச் சான்றிதழை உள்பட மற்ற முக்கிய ஆவணங்களை பதிவேற்ற வேண்டும்.

    * இதையடுத்து பெற்றோரின் கையொப்பங்களை ஸ்கேன் செய்து பதிவேற்ற வேண்டும்.

    * படிவத்தை பூர்த்தி செய்த பிறகு ரூ.107 கட்டணத்தை ஆன்லைனில் செலுத்த வேண்டும்.

    * அதன்பிறகு, உங்கள் விண்ணப்பத்தின் நிலையைச் சரிபார்க்க உதவியாக இருக்கும் ரசீது எண் உங்களுக்கு வழங்கப்படும்.

    * அதே நேரத்தில், விண்ணப்பத்தை சமர்ப்பித்த உடனேயே உங்களுக்கு ஒரு மின்னஞ்சல் வரும்.

    * செயல்முறை முடிந்ததும், 15 நாட்களுக்குள் உங்கள் பான் கார்டைப் பெறுவீர்கள்.

    18 வயதுக்கு முன் பான் கார்டுக்கு விண்ணப்பிப்பதற்கு தேவையான ஆவணங்கள்:

    * மைனர் பெற்றோரின் முகவரி மற்றும் அடையாளச் சான்று.

    * விண்ணப்பதாரர்களின் முகவரி மற்றும் அடையாளச் சான்று.

    * மைனர் குழந்தைசார்பில் பான் கார்டுக்கு விண்ணப்பிக்கும் கார்டியன் ஆதார் அட்டை, ரேஷன் கார்டு, பாஸ்போர்ட், ஓட்டுநர் உரிமம் அல்லது வாக்காளர் ஐடி போன்ற ஏதேனும் ஒரு ஆவணத்தை வழங்க வேண்டும்.

    * முகவரி சரிபார்ப்புக்கு, ஆதார் அட்டையின் நகல், தபால் அலுவலக பாஸ்புக், சொத்து பதிவு ஆவணம் அல்லது அசல் குடியிருப்பு சான்றிதழ் தேவைப்படும்.



    உடனடி செய்திகளுக்கு இணைந்திருங்கள்

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Sreeja Sreeja
    First published: