Explainer: கார்களில் ஏர்பேக்குகள் பொருத்துவது காட்டாயம் - மத்திய அரசின் புதிய விதிகள் கூறுவதென்ன?

Explainer: கார்களில் ஏர்பேக்குகள் பொருத்துவது காட்டாயம் - மத்திய அரசின் புதிய விதிகள் கூறுவதென்ன?

மாதிரி படம்

அனைத்து கார்களிலும் பயணிகள் பக்க ஏர்பேக்குகளை கட்டாயமாக்குவதாக மத்திய அரசு அறிவித்துள்ளது.

  • News18
  • Last Updated :
  • Share this:
    அனைத்து கார்களிலும் பயணிகள் பக்க ஏர்பேக்குகளை கட்டாயமாக்குவதாக மத்திய அரசு அறிவித்துள்ளது. சாலை போக்குவரத்து மற்றும் நெடுஞ்சாலை அமைச்சகம் (MoRTH)அறிமுகப்படுத்தியுள்ள புதிய விதியில், இந்தியாவில் உள்ள அனைத்து புதிய கார்களுக்கும் 2021 ஏப்ரல் 1 முதல் தொடங்கி அனைத்து கார்களிலும் முன் இருக்கையில் அமர்ந்திருக்கும் பயணிகளுக்கு ஏர்பேக் கட்டாயமாக இருக்க வேண்டும் என கூறியுள்ளது.

    இதேபோல், வாகன உற்பத்தியாளர்களுக்கு ஆகஸ்ட் 31, 2021 வரை நாட்டில் தற்போதுள்ள அனைத்து மாடல்களிலும் இரட்டை முன் ஏர்பேக்குகள் பொருத்த நேரம் வழங்கப்படும். இரட்டை முன் ஏர்பேக்குகளின் தேவையை கட்டாயமாக்குவதற்கான அறிவிப்பு சாலை பாதுகாப்பு தொடர்பான உச்ச நீதிமன்றக் குழுவின் பரிந்துரைகளின் அடிப்படையிலும் இந்த புதிய விதி உருவாக்கப்பட்டது. கார்களில் பயணிகளின் பாதுகாப்பை மேம்படுத்துவதற்கான அரசாங்கம் இந்த புதிய முயற்சியை எடுத்துள்ளது.

    இந்த முடிவின் தாக்கங்கள் என்ன?

    முன்னதாக டிசம்பர் 29, 2020 அன்று ஏப்ரல் 1, 2021 முதல் புதிய மாடல் கார்களுக்கு இரட்டை முன் ஏர்பேக்குகளை கட்டாயமாக்கப்பட வேண்டும் என மத்திய அமைச்சகம் கூறியிருந்தது. அதன்படி வரவிருக்கும் நிதியாண்டு முதல் அறிமுகப்படுத்தப்பட்ட அனைத்து புதிய மாடல்களும் தொடக்கத்தில் இருந்தே கட்டாயமாக இரண்டு ஏர்பேக்குகள் வைத்திருக்க வேண்டும் என்று அறிவித்தனர். மேலும் ஜூன் 1, 2021 முதல் ஏற்கனவே இருக்கும் வாகனங்களுக்கும் இரட்டை முன் ஏர்பேக்குகளை பொறுத்த வேண்டும் என கூறப்பட்டுள்ளது. ஜூலை 2019 முதல் ஒரு வாகனத்தின் ஓட்டுநர் பக்கத்தில் ஏர்பேக்குகள் கட்டாயமாக உள்ளன. மாருதி சுசுகி ஆல்டோ, எஸ்-பிரஸ்ஸோ, ஹூண்டாய் சாண்ட்ரோ, டாட்சன் ரெடி-ஜிஓ மற்றும் மஹிந்திரா பொலிரோ உள்ளிட்ட சில ஆரம்பகட்ட மாடல் கார்களில் ஒரு பக்க ஏர்பேக் இல்லாமல் விற்கப்படுகிறது. புதிய விதிமுறைகளுக்கு இணங்க இந்த மாதிரி கார்கள் புதுப்பிக்கப்பட வேண்டும், இருப்பினும் இதற்கு ஆகஸ்ட் 31, 2021 வரை நேரம் உள்ளது.

    சமீபத்திய உலக வங்கி அறிக்கையின்படி, உலகில் சாலை விபத்தில் பாதிக்கப்பட்டவர்களில் 10% இந்தியா தான். இதனையடுத்து கார்களில் இரண்டு ஏர்பேக் வைத்தால் விபத்தின் தீவிரம் குறைந்து பாதுகாப்பு மேம்படுத்தும் மற்றும் ஓட்டுநருக்கு அருகில் அமர்ந்திருக்கும் பயணிகளுக்கு கூடுதல் பாதுகாப்பு கிடைக்கும்.

    ஏர்பேக்குகள் ஏன் மிகவும் முக்கியம் தெரியுமா?

    ஏர்பேக்குகள் உயிர் காக்கும் பணியை சிறப்பாக செய்கின்றன. விபத்தின் போது பயணிகளுக்கும், காரின் டாஷ்போர்டுக்கும் இடையில் ஒரு பாதுகாப்பு குஷனாக ஏர்பேக் மேலெழுகிறது. விபத்துக்களின் போது ஒரு நபரின் தலை மற்றும் மார்பு வாகனத்தில் உள்ள கடினமான பகுதியில் மோதுவதை தடுக்கும் பொருட்டு முன் ஏர்பேக்குகள் உள்ளன.

    ஒவ்வொரு நாளும் 415 பேர் சாலை விபத்துக்களில் இறக்கும் நம் நாட்டில் ஏர்பேக்குகள் அவசியம். அமெரிக்காவின் மத்திய அரசாங்கத்தின் ஒரு நிறுவனமான தேசிய நெடுஞ்சாலை போக்குவரத்து பாதுகாப்பு நிர்வாகம் (என்.எச்.டி.எஸ்.ஏ) நடத்திய ஆய்வில், ஒவ்வொரு மாதமும் 44,869 உயிர்கள் ஏர்பேக்குகளால் காப்பாற்றப்பட்டுள்ளன என்று தெரிய வந்துள்ளது. விபத்துக்களில் முன் ஏர்பேக்குகள் ஓட்டுநர் இறப்புகளை 29 சதவீதம் குறைக்கின்றன, அதுபோல முன் இருக்கையில் இருக்கும் பயணிகளின் இறப்பு 32 சதவீதம் குறைகிறது. ஏர்பேக்குகள் மற்றும் சீட் பெல்ட்களின் கலவையானது விபத்துக்களில் 61 சதவிகிதம் இறக்கும் அபாயத்தை குறைக்கிறது என்று என்.எச்.டி.எஸ்.ஏ மதிப்பிடுகிறது.

    Also read... விமான அதிகாரிகளை தாக்கியதற்காக பிரெஞ்சு விமானத்தில் இருந்து பாதியிலேயே இறக்கிவிடப்பட்ட இந்தியப்பயணி!

    கார்களின் விலை உயருமா?

    தற்போது கொரோனா தொற்று பரவல் அச்சத்தால் ஏராளாமானோர் கார்கள் வாங்குவதில் ஆர்வம் காட்டி வரும் நிலையில், அரசாங்கத்தின் புதிய உத்தரவால் கார்களின் விலை உயருமா? என்ற அச்சமும் மக்களிடையே எழுந்துள்ளது. அரசாங்கத்தின் முடிவின் விளைவாக கார்களின் விலை 5,000-8,000 ரூபாய் உயரும் என்று எதிர்பார்க்கப்படுகிறது. இருப்பினும், ஏர்பேக் போன்ற உயிர்காக்கும் கருவிகளுக்கு விலை கொடுப்பதில் தவறில்லை.

    கார்களின் பாதுகாப்பு அம்சங்கள் :

    ஆன்டி-லாக் பிரேக்கிங் சிஸ்டம் (ஏபிஎஸ்): நெடுஞ்சாலைகளில் ஓட்டுநர்கள் மக்கள் மற்றும் விலங்குகளை கடக்கும்போது பிரேக்குகள் முக்கியமானவை. ஏபிஎஸ் தொழில்நுட்பம் சக்கரங்களை கடின பிரேக்கிங்கின் போது சிக்கல் உண்டாவதை தடுக்கிறது, மேலும் கட்டுப்பாட்டைத் தக்க வைத்துக் கொள்ள அனுமதிக்கிறது. ஏப்ரல் 2019 முதல் வாகன ஓட்டிகள் ஏபிஎஸ் பொருத்தத்தை கட்டாயமாக்கியது.

    ஸ்பீடு அலெர்ட் சிஸ்டம் :

    கார் மணிக்கு 80 கிமீ வேகத்தை தாண்டியதும், இந்த அமைப்பு ஒவ்வொரு 60 வினாடிக்கும் ஒரு எச்சரிக்கையை அனுப்புகிறது. மேலும் மணிக்கு 120 கிமீ / மணிநேரத்திற்கு மேல் வேகத்தில் சென்றால் தொடர்ந்து ஒலிக்கத் தொடங்குகிறது. மேலும் அதை மீறவோ அணைக்கவோ முடியாது.

    டிரைவர் மற்றும் பயணிகள் சீட் பெல்ட் நினைவூட்டல்:

    டிரைவர் மற்றும் முன் பயணிகள் இருவரும் பெல்ட் செய்யாவிட்டால் கார் அலாரம் ஒலிக்கும்.



    உடனுக்குடனான செய்திகளுக்கு இணைந்திருங்கள்.
    Published by:Vinothini Aandisamy
    First published: