Explainer: கோவிட்-19 தொற்றுக்கு மத்தியில் பிரபலமாகும் Buy now, pay later திட்டம் - இதில் இருக்கும் சிக்கல் என்னென்ன?

Explainer: கோவிட்-19 தொற்றுக்கு மத்தியில் பிரபலமாகும் Buy now, pay later திட்டம் - இதில் இருக்கும் சிக்கல் என்னென்ன?

மாதிரி படம்

கடந்த இரண்டு,மூன்று ஆண்டுகளில் ஏராளமான ஃபின்டெக்(fintech) நிறுவனங்கள் வந்துள்ளன, அவை இப்போது BNPL திட்டத்தின் கீழ் வாடிக்கையாளர்கள் பொருட்களை வாங்கி கொள்ள அனுமதிக்கின்றன.

  • News18
  • Last Updated :
  • Share this:
கொரோனா தாக்கம் காரணமாக ஏற்பட்டுள்ள தனிமனித பொருளாதார வீழ்ச்சி மீண்டும் எப்போது சரியாகும் என்று தெரியாமல் பலர் அன்றாட வாழ்க்கையை கழித்து வருகின்றனர். ஊதிய குறைப்பு அல்லது வேலை இழப்பு காரணமாக மாதாந்திர செலவுகளை சமாளிக்க முடியாமல் பலர் திண்டாடி வருகின்றனர். ஏற்கனவே கிரெடிட் கார்டு மூலம் பொருளை வாங்கிவிட்டு அதற்கு பணம் செலுத்துவது போதாதென்று இந்திய நுகர்வோர்கள் தற்போது பொருளை வாங்கும் போது காசு கொடுக்காமல், பின்னர் அதற்கான பணத்தை செலுத்தும் முறையான பை நவ் , பே லேட்டர் (Buy now, pay later- BNPL) திட்டத்தை பயன்படுத்தி பொருட்களை வாங்கி குவிக்கின்றனர்.

BNPL போன்ற திட்டங்கள் கிரெடிட் கார்டு போன்று வசதியாக தோன்றினாலும் குறித்த நேரத்தில் வாங்கிய பொருட்களுக்கான பணத்தை செலுத்தாவிட்டால் லேட் பேமெண்ட் கட்டணம் மற்றும் வட்டி செலவுகள் உங்கள் பாக்கெட்டை பதம் பார்த்து விடும். கடந்த இரண்டு,மூன்று ஆண்டுகளில் ஏராளமான ஃபின்டெக்(fintech) நிறுவனங்கள் வந்துள்ளன, அவை இப்போது BNPL திட்டத்தின் கீழ் வாடிக்கையாளர்கள் பொருட்களை வாங்கி கொள்ள அனுமதிக்கின்றன.

கடந்த ஆண்டில் ஏற்பட்ட கோவிட்-19 நிலைமை பல நுகர்வோரை இந்த திட்டத்தின் கீழ் பொருட்களை வாங்க தூண்டியுள்ளது. இந்திய EMI நிதி மற்றும் pay later நிறுவனமான ZestMoney கூற்றுப்படி, இதன் பயனர்களில் கிட்டத்தட்ட 68% பேர் தயார்Tier -2 மற்றும் Tier -3 நகரங்களைச் சேர்ந்தவர்கள். மீதமுள்ள 32 சதவீதம் பேர் அடுக்கு Tier-1 நகரங்களை சேர்ந்தவர்கள். புனேவைச் சேர்ந்த 27 வயதான ஷாலினி ராவ் என இளம்பெண் தன் அனுபவத்தை பகிர்ந்துள்ளார். கோவிட்-19 நிலை காரணமாக பலரைப் போல, இவரும் ஆன்லைனில் பொருட்களை வாங்கும் பழக்கத்திற்கு மாறியுள்ளார்.

குறிப்பாக அத்தியாவசிய பொருட்கள் மற்றும் மருந்துகளை BNPL திட்டத்தின் கீழ் ஆன்லைனில் வாங்கியுள்ளார். பண்டிகை காலங்களில் சிறிய மற்றும் பெரிய டிக்கெட் வாங்குதலுக்கான வசதியான மற்றும் விரைவான நிதியுதவியை இது அவருக்கு வழங்கியது. பின் அவற்றை EMI-க்களாக மாற்றியது. இதனால் ஷாலினி தாம் வாங்கிய பொருட்களுக்காக பின்னர் அதிக விலையை கொடுத்துள்ளார்.

2020-ஆம் ஆண்டில் இந்திய நுகர்வோர் BNPL திடத்தை எவ்வாறு தேர்வு செய்தனர் என்பது பற்றிய விவரங்களை ZestMoney கூறியுள்ளது. இத்திட்டத்தை தேர்வு செய்த நுகர்வோரின் சராசரி வயது 34. அறிக்கையின்படி, இந்த வசதியைப் பெற்ற நுகர்வோர், பொதுவாக ஆன்லைன் கல்வி, விலை உயர்ந்த ஸ்மார்ட் போன்கள், மின்னணு உபகரணங்கள், ஃபேஷன் மற்றும் ட்ராவலூக்காக வாங்கியுள்ளதாக குறிப்பிடப்பட்டுள்ளது.

ZestMoney தலைமை நிர்வாக அதிகாரியும் இணை நிறுவனருமான லிசி சாப்மேன் கூறுகையில், " பலர் 2020-ஆம் ஆண்டில் BNPL திட்டத்தை பயன்படுத்தி உள்ளனர். வாடிக்கையாளரின் எண்ணிக்கை அதிகரித்து வருவதால் இந்த ஆண்டும் நிறுவனம் வளர்ச்சியை சந்திக்கும்"என்று நம்பிக்கை தெரிவித்தார். மொபைல் POS வணிக நிறுவனமான எம்ஸ்வைப்(Mswipe) வணிகத் தலைவர் யோகேஷ் வர்மா கூறுகையில், மும்பை, பெங்களூரு மற்றும் டெல்லி போன்ற மெட்ரோ நகரங்களில் உள்ள மக்கள் BNPL மூலம் வாங்கும் பழக்கத்தை அதிகரித்திருக்கிறார்கள். சராசரி பரிவர்த்தனை அளவு ரூ .43,000 ஆக உள்ளது" என்றார்.

இந்த திட்டம் பிரபலமடைந்துள்ளது பற்றி கருத்து தெரிவித்துள்ள Pine Labs-ன் தலைமை வணிக அதிகாரி குஷ் மெஹ்ரா, வருமான நிச்சயமற்ற தன்மைக்கு மத்தியில் எழும் தேவைகள் நுகர்வோரை இந்த முறை கடனை நோக்கி தள்ளியுள்ளது என்று கூறியுள்ளார்.

எவ்வாறு செயல்படுகிறது?

BNPL என்பது ஃபிளிப்கார்ட், அமேசான், பிக்பாஸ்கெட் போன்ற மின்வணிக வலைத்தளங்களுடனும், சொமேட்டோ மற்றும் ஸ்விக்கி போன்ற உணவு விநியோக மொபைல் பயன்பாடுகளிலும், கிளியர் ட்ரிப் போன்ற பயண முன்பதிவு இணையதளங்களிலும் கிடைக்கும் ஒரு விருப்பமாகும். இதன் மிக அடிப்படையான வடிவம் நீங்கள் ஒரு ஃபின்டெக் நிறுவனத்துடன் சேரும் போது கிடைக்கும். நீங்கள் ஃபின்டெக் நிறுவனத்தில் சேர்ந்தவுடன், ஒரு குறிப்பிட்ட காலத்திற்குள் அதன் பார்ட்னர் வணிகர்களிடமிருந்து (ஆன்லைன் ஸ்டோர்களில்) தயாரிப்புகளை வாங்கவும், 15-30 நாட்களுக்குள் தவணை சொல்லவும், பின் சுழற்சியின் முடிவில் உங்கள் பில்கள் அனைத்தையும் க்ளியர் செய்யவும் அனுமதிக்கிறது.

இந்த சுழற்சியைத் தாண்டி நீங்கள் பணம் கட்டுவதை தாமதப்படுத்தினால் வாடிக்கையாளரின் பில் தொகையைப் பொறுத்து குறிப்பிட்ட அளவு வட்டி விதிக்கப்படுகிறது ஒருவேளை வாடிக்கையாளர் மிக அதிக விலையுள்ள பொருட்களை வாங்கி இருந்தால் அதற்கான கட்டணத்தை மூன்று முதல் ஆறு மாதங்களுக்கு வட்டியில்லா கடனாக மாற்றி தருகின்றன. அமேசான் பே, ஈபேலேட்டர், கிஷ்ட், லேஸி பே, சிம்பிள், ஸ்லைஸ், ஜெஸ்ட்மனி போன்றவை இந்த வசதியை தருகின்றன. அதே போல ஒரேநேரத்தில் பல ஃபின்டெக் நிறுவனங்களில் சைன்அப் செய்யலாம். உங்கள் கடன் சுயவிவரத்தைப் பொறுத்து கடன் வரம்பு கிடைக்கும். குறிப்பாக கிரெடிட் கார்டு இல்லாத நபர்களை குறிவைத்து இந்த BNPL திட்டம் பிரபலப்படுத்தப்படுகிறது.

Also read... Explainer: வெளிநாடுகளிலிருந்து வேலையிழந்து நாடு திரும்பிய இந்தியர்களுக்கு SWADES ஸ்கில் கார்டு எவ்வாறு உதவும்?

உதாரணமாக லேஸி பே பயன்படுத்தி அதன் 2,500-க்கும் மேற்பட்ட வணிகர்கள் மூலம் கிரெடிட் கார்டுக்கு மாற்றாக இருக்கும் BNPL திட்டத்தை பயன்படுத்தி பொருட்களை வாங்கிய பின், நுகர்வோரின் பில் ஒவ்வொரு 15 நாட்களுக்கு ஒரு முறை உருவாக்கப்படும். பில் தொகையை உரிய தேதிக்குள் கட்ட தவறினால், ரூ.250 அபராதம் விதிக்கப்படும். இந்த தொகை சிறியது என்றாலும் வேலை இழப்பு காரணமாக முறையாக பைகளை கட்ட தவறிய பலரது கடன் மதிப்பை இது பாதித்தது. மோசமான கடன் மதிப்பெண் எதிர்காலத்தில் கடன் பெறுவதற்கான வாய்ப்புகளை குறைக்கிறது என்பது இங்கு நாம் கவனத்தில் கொள்ள வேண்டியது.

நிலுவைத் தொகையை கட்டி முடிக்கும் வரை முறையான நிதி நிறுவனங்களிலிருந்து கடன் பெறுவது கடினம். அப்படியே கிடைத்தாலும் கடனுக்கான வட்டி விகிதம் அதிகமாக இருக்கும். எனவே கடன் வசதிகளைப் பயன்படுத்தும் போது திருப்பிச் செலுத்த வேண்டிய தேதிக்கு முன், பில் உருவாக்கப்பட்டவுடன் அல்லது தவணை செலுத்த வேண்டிய நேரம் வரும்போது நீங்கள் பணத்துடன் தயாராக இருக்க வேண்டும். இல்லை என்றால் வடிக்கையாளராது கடன் வரலாற்றில் பாதிப்பை ஏற்படுத்தி விடும். இதுபோன்ற எளிதான கடன் திட்டங்களைப் பொறுத்து உங்கள் மாத வருமானத்திற்குள் உங்கள் நிதிகளை நிர்வகிக்க கற்று கொள்ளவது நன்மை அளிக்கும்.



உடனுக்குடனான செய்திகளுக்கு இணைந்திருங்கள்.
Published by:Vinothini Aandisamy
First published: