Explainer: ஃபானி புயலை போல 20 ஆண்டுகளுக்கு முன்பு ஒடிசாவை புரட்டி போட்ட "சூப்பர் சூறாவளி" ... 10,000 பேர் மடிந்த கோரச்சம்பவம்!

சூப்பர் சூறாவளி

சூப்பர் சூறாவளியின் தீவிரத்தை மாநில அரசு அதிகாரிகள் குறைத்து மதிப்பிட்டு அதன் பாதையை தவறாக கணக்கிட்டனர்.

  • Share this:
    ஒடிசாவில் அன்றையதினம் மக்களுக்கு ஒரு அபாயகரமான தினமாக இருந்தது. மரணமும் மற்றும் அதன் குமட்டல் துர்நாற்றமும் எல்லா இடங்களிலும் இருந்த நாள். எல்லா நகரமும் சீர்குலைந்து, என்ன செய்வது என்று யாருக்கும் தெரியாத நாள். நம்பிக்கையில் வாழ்க்கையை வழிநடத்திய மக்களுக்கு அந்த தினத்தில் அவர்களின் நம்பிக்கை கூட உயிரிழந்தது. அப்படியொரு கோரசம்பவம் நிகழ்ந்த நாள் தான் அக்டோபர் 29, 1999. அன்றைய தினத்தில் ஒடிசாவை 'சூப்பர் சூறாவளி' தாக்கியது. பின்னர் அப்பகுதி ஒரிசா என்று அழைக்கப்பட்டது. அந்த தினத்தில் சூறாவளி வரும் என்று மக்கள் அனைவரும் அறிந்திருந்தனர். ஆனால், அது இவ்வளவு மோசமானதாக இருக்கும் என்று யாருக்கும் தெரியவில்லை.

    சூப்பர் சூறாவளியின் தீவிரத்தை மாநில அரசு அதிகாரிகள் குறைத்து மதிப்பிட்டு அதன் பாதையை தவறாக கணக்கிட்டனர். இதனால் ஒரிசாவின் பல்லாயிரக்கணக்கான மக்களைப் பாதுகாக்க போதுமான பேரிடர் பாதுகாப்பு முகாம்கள் அமைக்கப்படவில்லை. மேலும், அரசாங்க இயந்திரங்கள் ஒழுங்கற்ற நிலையிலும் குழப்பத்திலும் சீர்குலைந்து இருந்தன. இதன் முடிவு? 1999 ஆம் ஆண்டு வெளியான இந்தியா டுடே அறிக்கையின்படி, ஆயிரக்கணக்கான சிதைந்த அடையாளம் தெரியாத உடல்கள் ஒரு பரந்த இடத்தில் புல்டோசர்களை கொண்டு அடக்கம் செய்யப்பட வேண்டிய அளவுக்கு இறந்தவர்களின் எண்ணிக்கை இருந்ததாக செய்தி வெளியானது.

    1999ம் ஆண்டு தாக்கிய சூப்பர் சூறாவளி தான் அப்போது இந்தியாவின் மிக மோசமான இயற்கை பேரழிவுகளில் ஒன்றாக இருந்தது. உத்தியோகபூர்வ மதிப்பீடுகளின்படி, கிட்டத்தட்ட 10,000 பேர் உயிரிழந்தனர். 3.5 லட்சத்துக்கும் மேற்பட்ட வீடுகள் தரைமட்டமாக்கப்பட்டன. பல கிராமங்கள் முற்றிலுமாகக் மூழ்கடிக்கப்பட்டன. இரண்டு லட்சத்துக்கும் மேற்பட்ட விலங்குகள் கொல்லப்பட்டன. 25 லட்சத்திற்கும் அதிகமானோர் வீடுகளை இழந்து தவித்து வந்தனர். அப்போது ஒடிசாவின் உள்கட்டமைப்புக்கு ஏற்பட்ட சேதம் மிகவும் மோசமானது. மேலும் தொலைத்தொடர்பு, இணைய வசதி, போக்குவரத்து என அந்த ஒரு நாள் முழுவதும் உலகின் பிற பகுதிகளின் தொடர்பில் இருந்து மாநிலம் விலகி இருந்தது.

    1999 அக்டோபர் 29ம் தேதி என்ன நடந்தது?

    சூறாவளி குறித்த எச்சரிக்கை குறைந்தது இரண்டு நாட்களுக்கு முன்னதாக மக்களுக்கு வழங்கப்பட்டது. ஆபத்து ஏற்படும் என கருதப்பட்ட இடங்களில் இருந்து  மக்களை வெளியேற்ற சில முயற்சிகள் மேற்கொள்ளப்பட்டன. ஆனால் அந்த சமயத்தில், இரண்டு பெரிய சவால்களை அரசாங்கம் சந்தித்தது. அதில் ஒன்று மக்கள் தங்கள் குடியிருப்பு பகுதிகளை விட்டு வெளியேற மறுத்தனர். மற்றொன்று ஒடிசாவில் அப்போது போதுமான பேரிடர் முகாம்கள் இல்லாமல் இருந்ததே காரணம். அப்போது மாநிலத்தில் வெறும் 21 தங்குமிடங்கள் மட்டுமே இருந்தன. ஒவ்வொன்றும் 2,000 பேருக்கு இடமளிக்கும் திறன் கொண்டதாக இருந்தது. சூப்பர் புயல் கரையை கடந்த சமயம் மக்கள் அனைவரும் அவர்களது வீடுகளிலேயே தங்கியிருந்தனர்.

    சூப்பர் சூறாவளி


    சூறாவளியால் ஏற்பட்ட நிலச்சரிவு:

    சூப்பர் சூறாவளி அக்டோபர் 29, 1999 அன்று நண்பகலில் பரதீப் எனும் பகுதியில் நிலச்சரிவை ஏற்படுத்தியது. மேலும், ஒடிசா மட்டும் தனியாக பாதித்தது.

    பேரழிவு புயலின் தீவிரம்:

    சூறாவளி காற்று மணிக்கு 260 கி.மீ வேகத்தில் கரையை கடந்து அனைவரையும் ஆச்சரியத்தில் ஆழ்த்தியது. மேலும் சூறாவளி ஒடிசாவை தரைமட்டமாக்குவதை பார்ப்பதைத் தவிர அரசாங்கத்திற்கு வேறு வழியில்லாமல் இருந்தது. முதலில் இந்த புயலால் புவனேஸ்வர் மற்றும் கட்டாக் பகுதிகள் பெரிதும் பாதிக்கப்படாது என்று அரசாங்க அதிகாரிகளின் கணக்கீடு செய்திருந்தனர். அவர்களின் கணக்கு அப்போது தவறானது. சூப்பர் சூறாவளியின் பின்விளைவுகளால் இரு நகரங்களும் கடுமையாக பாதிக்கப்பட்டன. இதற்கிடையில், அப்போதைய வங்காள முதல்வர் கிரிதர் கமாங், மோசமான பேரிடரை சமாளிக்க மத்திய அரசிடம் இருந்தும் மற்ற மாநிலங்களில் இருந்தும் உதவிகளை பெற அரும்பாடுபட்டார். தொலைபேசிகள் மூலம் உதவிகளை நாட பல முயற்சிகளை தீவிரமாக எடுத்து வந்தார்.

    ஆனால் நேரம் ஓடிக்கொண்டே இருந்தது. புயலின் தாக்கம் விட்டபாடில்லை. பெரும்பாலான சூறாவளிகள் எட்டு மணி நேரத்திற்குள் தங்கள் கோபத்தை வெளிப்படுத்தி பிறகு ஓயும். 1999 சூப்பர் சூறாவளியின் விளைவுகள் ஒரு நாள் முழுவதும் உணரப்பட்டன. ஒடிசா முழுவதும் மின்சாரம் மற்றும் தகவல் தொடர்பு இணைப்புகளை முற்றிலும் முடங்கியது. இரவு 9 மணியளவில் முதல்வர் கமாங்கின் வீட்டில் இரண்டு தொலைபேசிகள் மட்டுமே வேலை செய்தது. இரவு 11 மணிக்கு, ஒன்று மட்டுமே வேலை செய்தது. நள்ளிரவில், அதுவும் முடங்கியது. அந்த சமயம், ஒடிசாவின் வெளி உலகத்துடனான ஒரே இணைப்பும் முறிந்தது. அடுத்த இரண்டு நாட்களுக்கு அரசு இணக்கமற்ற நிலைக்கு செல்ல வேண்டிய கட்டாயம் ஏற்பட்டது.

    சூப்பர் சூறாவளிக்கு பின்:

    சூப்பர் சூறாவளி ஓய்ந்த பின்னர், ஒடிசாவில் புயல் தாக்கும் முன்பு காணப்பட்ட அதே குழப்பம் நீண்டது. தெருக்களில் கலவரங்கள் ஏற்பட்டன. தெருவில் தஞ்சம் அடைந்த மக்கள் உணவு நிவாரணங்களை வாங்க போராடினர். மோசமாக பாதிக்கப்படாவிட்டாலும் எளிதில் அணுகக்கூடிய பகுதிகளில் நிவாரணம் மற்றும் உதவிகளைக் வழங்குவதற்கான நிர்வாகத்தின் விவரிக்க முடியாத மூலோபாயத்தால் சிக்கல் அதிகரித்தது. நிதி மற்றும் நிவாரணப் பொருட்களின் மோசமாக தேவைக்கு பிறகு ஒடிசாவிற்கு உதவி இறுதியாக மத்திய அரசிடம் இருந்தும், உலகெங்கிலும் உள்ள அரசாங்கங்களிலிருந்தும் வரத் தொடங்கியது.

    பாடம் கற்றுக்கொடுத்த சூப்பர் சூறாவளி:

    வாழ்க்கையில், சில நேரங்களில் நிகழ்வுகள் அல்லது அத்தியாயங்கள் ஒரு நபரின் வாழ்க்கையில் முழுமையான மாற்றத்தைக் கொண்டுவருகின்றன. ஒடிசாவைப் பொறுத்தவரை, 1999 சூப்பர் சூறாவளி அத்தகைய ஒரு நிகழ்வு என்று சொல்லலாம். பேரழிவுகரமான சூறாவளிக்குப் பின்னர் அடுத்ததடுத்த ஆண்டுகளில், ஒடிசா போர்க்காலத்தில் சூறாவளி முகாம்களை உருவாக்கத் தொடங்கியது. 1999 ஆம் ஆண்டில், சூப்பர் சூறாவளி தாக்கப்படுவதற்கு முன்பு, ஒரிசாவில் 21 தங்குமிடங்கள் இருந்தன. இன்று, ஃபானி சூறாவளி தாக்கப்படுவதற்கு முன்பு, அரசு கிட்டத்தட்ட 900 பேரிடர் முகாம்களை தயார் செய்துள்ளது.

    ஒடிசா மாநில பேரிடர் மேலாண்மை ஆணையத்தையும் ஒடிசா அமைத்தது. இது இந்தியாவில் அமைக்கப்பட்ட முதல் பேரழிவு மேலாண்மை  ஆணையமாகும். பேரழிவுகளை திறம்பட நிர்வகிப்பதில் ஒடிசாவின் வெற்றி இதுதான். முன்னர் வந்த பைலின் சூறாவளியை நிர்வகித்ததற்காக ஐக்கிய நாடுகள் சபை கடந்த 2013 ஆம் ஆண்டில் ஒடிசா அரசைப் பாராட்டியதும் குறிப்பிடத்தக்கது. இது ஒரு "முக்கிய வெற்றிக் கதை" என்று கூறியது.

    1999 ஆம் ஆண்டின் சோகம் மீண்டும் நிகழக்கூடாது என்று ஒடிசா அரசாங்கம் சபதம் எடுத்தது. ஃபானியின் சூறாவளி காரணமாக ஏற்பட்ட உயிரிழப்பு எண்ணிக்கை கூட, இனி வரும் காலங்களில் ஏற்படக்கூடாது என்று அரசு கருதி வருகிறது.
    Published by:Arun
    First published: