அந்தியூர் திமுக எம்எல்ஏ சென்ற கார் கவிழ்ந்து விபத்து... மருத்துவமனையில் அனுமதி

விபத்து நடந்த சாலை பகுதி- ஈரோடு

Erode | ஈரோடு மாவட்டம் பவானி அருகே அந்தியூர் எம்எல்ஏ சென்ற கார் கட்டுப்பாட்டை இழந்து விபத்துக்குள்ளானது. இதில் காயமடைந்த எம்எல்ஏ ஏஜி வெங்கடாசலம் கோவை தனியார் மருத்துவமனையில் சிகிச்சை பெற்று வருகிறார்.

News18 Tamil
Last Updated : July 28, 2022, 12:29 IST

ஈரோடு மாவட்டம் அந்தியூர் சட்டமன்றத் தொகுதியை சேர்ந்தவர் திமுக எம்எல்ஏ ஏஜி வெங்கடாசலம். இவர் தமிழக அரசின் மாற்றுத்திறனாளி நல வாரிய தலைவராகவும் இருந்து வருகிறார். இந்நிலையில் நேற்று இவர் செஸ் ஒலிம்பியாட் நிகழ்ச்சியில் பங்கேற்க ஈரோடு ரயில் நிலையத்திலிருந்து சென்னை செல்லுவதற்காக அந்தியூரிலிருந்து பவானி வழியாக ஈரோட்டிற்கு காரில் தனது உதவியாளருடன் சென்று கொண்டிருந்தார். அப்போது பவானி அருகே வாய்க்கால் பாளையம் பகுதியில் கார் வந்து கொண்டிருந்தது.

அப்போது பெய்து கொண்டிருந்த மழை காரணமாக கார் ஓட்டுநர் கட்டுப்பாட்டை இழந்து சாலையில் நடுவே கவிழ்ந்து விபத்துக்குள்ளானது. இதில் எம்எல்ஏ ஏஜி வெங்கடாசலம் உட்பட மூன்று பேர் படுகாயமடைந்தனர். இதையடுத்து அப்பகுதியினர் ஈரோட்டில் உள்ள தனியார் மருத்துவமனையில் சிகிச்சைக்காக சேர்த்தனர்.

Also see... அனைத்து செஸ் வீரர்களுக்கும் ரஜினிகாந்த் வாழ்த்து!

இதில் எம்எல்ஏ ஏஜி வெங்கடாசலம் கை முறிவு ஏற்பட்டதால் மேல் சிகிச்சைக்காக கோவை தனியார் மருத்துவமனைக்கு சிகிச்சைக்காக கொண்டு சேர்க்கப்பட்டு சிகிச்சை பெற்று வருகிறார். சட்டமன்றத் உறுப்பினர் சென்ற கார் கட்டுப்பாட்டை இழந்து விபத்துக்குள்ளானது அப்பகுதியில் பெரும் பரபரப்பை ஏற்படுத்தியது.

செய்தியாளர்: தினேஷ், திருப்பூர்

உங்கள் நகரத்திலிருந்து(ஈரோடு)

ஈரோடு

Published by:Vaijayanthi S

First published: July 28, 2022, 12:29 IST

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE - 50, TCCL - 57, SCV - 28, VK Digital - 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.

Tags: Accident, DMK, Erode, MLA

erode