Home /News /erode /

முகத்தில் பிளாஸ்டிக் கவர் மூடி இளம்பெண் தற்கொலை… திருமணமான 4 மாதத்தில் சம்பவம்... ஈரோட்டில் பரபரப்பு

முகத்தில் பிளாஸ்டிக் கவர் மூடி இளம்பெண் தற்கொலை… திருமணமான 4 மாதத்தில் சம்பவம்... ஈரோட்டில் பரபரப்பு

திருமணமாகி நான்கு மாதங்களே ஆவதால் இந்துவின் தற்கொலைக்கான காரணம் குறித்து கோபி கோட்டாட்சியர் மற்றும் டிஎஸ்பி விசாரணை நடத்தி வருகின்றனர்.

  • News18 Tamil
  • 2 minute read
  • Last Updated :
  • Erode, India
    ஈரோடு மாவட்டம் கோபிசெட்டிபாளையம் அருகே உள்ள பொலவக்காளிபாளையம் தோட்டக்காட்டூரில், திருமணமான 4 மாதமே ஆன இந்து என்ற பட்டதாரி பெண், முகத்தில் பிளாஸ்டிக் கவரை சுற்றி டேப் வைத்து ஒட்டிக்கொண்டு ஹீலியம் வாயுவை, டியூப் மூலமாக சுவாசித்து தற்கொலை செய்து கொண்ட சம்பவம் பரபரப்பை ஏற்படுத்தி உள்ளது.

    கோபிசெட்டிபாளையம் அருகே உள்ள பொலவக்காளிபாளையம் தோட்டக்காட்டூரை சேர்ந்தவர் திருவேங்கடசாமி மரகதமணி தம்பதியரின் மகள் இந்து. இவர் பி.இ. கம்ப்யூட்டர் சயின்ஸ் முடித்துவிட்டு கோவையில் உள்ள தனியார் ஐடி நிறுவனத்தில் வேலை செய்து வந்தார்.

    இவருக்கும் கோபிசெட்டிபாளையம் அருகே உள்ள நல்லகண்டன் பாளையம் துளசி நகரை சேர்ந்த விஷ்ணுபாரதி என்பவருக்கும் இடையே கடந்த ஜூன் மாதம் திருமணம் நடைபெற்றது.
    அவரும் சென்னையில் உள்ள ஐடி நிறுவனத்தின் வேலை செய்து வந்தார்.

    சிறுவர்களிடம் தீண்டாமை காட்டிய கடைக்காரர்.. சர்ச்சையை ஏற்படுத்திய வீடியோ

    திருமணத்திற்கு பிறகு கணவன் மனைவி இருவருமே சென்னையில் தங்கி வேலை செய்து வந்தனர். இந்நிலையில் கடந்த 10 நாட்களுக்கு முன்னர் பொலவகாளிபாளையம் அருகே உள்ள தோட்டக்காட்டூரில் உள்ள இந்துவின் பாட்டி உடல்நிலை சரியில்லாத நிலையில் பாட்டியை பார்ப்பதற்காக வந்துள்ளார்.

    தற்கொலை செய்துகொண்டவர்


    நேற்று மதியம் வீட்டிலிருந்து தனது அறைக்குள் சென்று கதவை பூட்டிக்கொண்ட இந்து இரவு வரை வெளிய வரவில்லை.
    இதனால் அருகில் இருந்தவர்கள் கதவை உடைத்து உள்ளே சென்று பார்த்த பொழுது முகத்தில் பிளாஸ்டிக் கவரை  சுற்றி கழுத்தை சுற்றி முழுமையாக டேப் வைத்து ஒட்டிவிட்டு ஹீலியம் வாயுவை அந்த கவருக்குள் செலுத்தி தற்கொலை செய்து கொண்டிருப்பது போலீசார் விசாரணையில் தெரிய வந்தது.

    தகவல் அறிந்த கோபிசெட்டிபாளையம் காவல்துறையினர் இந்துவின் சடலத்தை கைப்பற்றி பெருந்துறை அரசுமருத்துவமனைக்கு அனுப்பி வைத்து  விசாரணை நடத்தி வருகின்றனர். இவர் ஹீலியம் வாயு அடங்கிய சிலிண்டரை ஆன்லைனில் வாங்கி இருப்பது தெரிய வந்தது. திருமணமாகி நான்கு மாதங்களே ஆவதால் இந்துவின் தற்கொலைக்கான காரணம் குறித்து கோபி  கோட்டாட்சியர் மற்றும் டிஎஸ்பி விசாரணை நடத்தி வருகின்றனர்.




    மன அழுத்தம் ஏற்பட்டாலோ, தற்கொலை எண்ணம் உண்டானாலோ, அதனை மாற்ற, கீழ்காணும் எண்களுக்கு அழைக்கவும். மாநில உதவி மையம்: 104 சினேகா தற்கொலை தடுப்பு உதவி மையம் - 044 -24640050




     
    Published by:Musthak
    First published:

    Tags: Crime News, Erode

    அடுத்த செய்தி