Home /News /entertainment /

பாரதி கண்ணம்மா சீரியலில் ஏற்பட்ட திடீர் திருப்பம்! கோயிலில் நடந்த சந்திப்பு...

பாரதி கண்ணம்மா சீரியலில் ஏற்பட்ட திடீர் திருப்பம்! கோயிலில் நடந்த சந்திப்பு...

Bharathi Kannamma

Bharathi Kannamma

Bharathi Kannamma Serial: பாரதி கண்ணம்மா சீரியலில் தமிழும் சரஸ்வதியும் சீரியல் சங்கமம் நடந்துள்ளது. நேற்றைய எபிசோட்டின் போது கண்ணம்மாவிடம் லட்சுமிக்கு நீங்கள் தான் அப்பா என சொல்லப்போகிறேன் என சொல்கிறார்.

    தனக்கென தனி பாணியைக் கொண்டு ரசிகர்களை முழுமையாக எண்டர்டெயின் செய்வதில் விஜய் தொலைக்காட்சி எப்போதுமே முதலிடத்தில் உள்ளது. சினிமா பட தலைப்புகளுடன் வரும் சீரியல்கள் ஆனாலும் சரி, வித்தியாசமான நிகழ்ச்சிகள் என்றாலும் சரி ரசிகர்களின் நம்பர் ஒன் விருப்பம் விஜய் தொலைக்காட்சியாக தான் இருக்கிறது. ஏற்கனவே விஜய் தொலைக்காட்சியில் ஒளிபரப்பாகி வரும் ‘பாண்டியன் ஸ்டோர்ஸ்’, ‘ராஜா ராணி சீசன் 2’, ‘பாரதி கன்ணம்மா’ ‘பாக்கியலட்சுமி’ ஆகிய சீரியல்கள் ரசிகர்களிடையே நல்ல வரவேற்பை பெற்று வருகிறது.

    இந்த சீரியலில் உள்ள பிரபலங்கள் ஒன்றாக சந்திக்கும் படியான ஸ்பெஷல் எபிசோட்களை அவ்வப்போது விஜய் தொலைக்காட்சி ஒளிபரப்பி வருகிறது. சமீபத்தில் விஜய் தொலைக்காட்சியில் புதிதாக ஒளிபரப்பாகி வரும் ‘தமிழும் சரஸ்வதியும்’ தமிழுக்கும், சரஸ்வதிக்கும் நடந்த திருமணத்தின் போது ‘பாக்கியலட்சுமி’, ‘பாண்டியன் ஸ்டோர்ஸ்’ சீரியல்கள் மகா மெகா சங்கமாக சில வாரங்களுக்கு ஒளிபரப்பானது.

    பாரதி கண்ணம்மா சீரியலில் தமிழும் சரஸ்வதியும் சீரியல் சங்கமம் நடந்துள்ளது. நேற்றைய எபிசோட்டின் போது கண்ணம்மாவிடம் லட்சுமிக்கு நீங்கள் தான் அப்பா என சொல்லப்போகிறேன் என சொல்கிறார். இதனால் கோபமான பாரதி லட்சுமியின் உண்மையான அப்பா யாருன்னு போய் அவங்க கிட்ட சொல்லு, நான் எப்படி அவ அப்பா ஆக முடியும் என கோபத்தில் கத்துகிறார். அந்த இடத்திற்கு வரும் குழந்தை லட்சுமி டாக்டர் தான் தனது அப்பா என தெரிந்து கொள்கிறார்.

    அங்கிருந்து கோயிலுக்குச் செல்லும் லட்சுமி, என்னையும் என் அப்பாவையும் ஏன் பிரிச்சி வச்சியிருக்க என கடவுளிடம் கண்ணீருடன் வேண்டுகிறார். என் அம்மாவை ஏன் அப்பாவுக்கு சுத்தமா பிடிக்காமல் போய்விட்டது, அப்பாவுக்கு என்னை பிடிக்காததால் தான் அம்மா உண்மையை சொல்லவில்லை போல என பீல் செய்து அழுகிறாள்.

    அப்போது கோயிலுக்குச் சாமி கும்பிட வந்திருக்கும் சரஸ்வதி, குழந்தை லட்சுமியை பார்த்து, ‘பாப்பா ஏன் இப்படி அழுதுக்கிட்டு இருக்க?’. ‘நீ தனியாவா வந்த, ஏன் இப்படி அழுதுக்கிட்டு இருக்கேன்னு’ கேட்குறாங்க. நான் பிறந்ததில் இருந்து அப்பா என்னை வந்து பார்க்கவே இல்லை, அவர் முகம் எப்படி இருக்கும், குரல் எப்படியிருக்குன்னு கூட தெரியலை. அம்மாவை கேட்டால் அப்பா துபாயில் வேலை பார்க்குறதா சொன்னாங்க, ஆனால் அப்பா இங்க தான் இருக்காங்க. அவரை நான் தேடி கண்டுபிடிச்சிட்டேன். ஆனால் அந்த சமயத்தில் அப்பா வாயில் இருந்து வந்த வார்த்தையே என்ன பிடிக்கலைங்குறது தான் என சரஸ்வதியிடம் சொல்லி சிறுமி லட்சுமி அழுகிறாள்.

    எல்லார் வீட்டிலயும் இதுமாதிரி பிரச்சனை இருக்குன்னு சொல்லுற சரஸ்வதி, குழந்தை லட்சுமியிடம் நான் சொன்ன ஒரு சின்ன பொய்யால் எல்லாரும் என்னை வெறுக்க ஆரம்பிச்சிட்டாங்கன்னு உருக்கமாக சொல்லுறாங்க. அதுக்கு என்ன செய்யனும் அக்கா, அப்படின்னு லட்சுமி கேட்க . நான் 12வது பாஸ் பண்ணினால் எல்லாம் சரியாகிடுன்னு சொல்லுறாங்க. நீங்க இன்னும் 12வது பாஸ் பண்ணலையா, சரி விடுங்க சாமிக்கிட்ட சொல்லிட்டீங்க இல்ல இனி எல்லாம் சரியாகிடுன்னு லட்சுமி சொல்லுறாங்க. சரி பாப்பா, அடுத்தமுறை நான் உன்ன உன் அப்பா கூட தான் பார்க்கனுன்னு சொல்லிட்டு, சரஸ்வதி கோயிலை விட்டு கிளம்பி போறாங்க. இந்த திடீர் சந்திப்பு எபிசோட் ரசிகர்களிடையே நல்ல வரவேற்பை பெற்றுள்ளது.

     
    Published by:Elakiya J
    First published:

    Tags: Vijay tv

    அடுத்த செய்தி