மாநாடு சிங்கிள் வெளியீடு தள்ளி வைப்பு - தயாரிப்பாளர் விளக்கம்!

மாநாடு பட போஸ்டர்

மாநாடு படத்தின் முதல் பாடலை மே 14 ரம்ஜானை முன்னிட்டு வெளியிடுவதாக இருந்தனர்.

  • News18
  • Last Updated :
  • Share this:
வெங்கட்பிரபு இயக்கத்தில் சிம்பு நடித்திருக்கும் மாநாடு படத்தின் முதல் பாடல் மே 14 ரம்ஜானை முன்னிட்டு வெளியாகும் என்று அறிவித்திருந்த நிலையில், பாடல் வெளியீட்டை சில தினங்களுக்கு தள்ளி வைத்துள்ளனர்.

மாநாடு படத்தை சுரேஷ் காமாட்சி தனது வி ஹவுஸ் நிறுவனம் சார்பில் தயாரிக்க, வெங்கட்பிரபு இயக்கியுள்ளார். சிம்பு, கல்யாணி, பாரதிராஜா, எஸ்..சந்திரசேகரன், ஒய்.ஜி.மகேந்திரன் நடித்துள்ளனர். வில்லனாக எஸ்.ஜே.சூர்யா. யுவன் இசை.

மாநாடு படத்தின் முதல் பாடலை மே 14 ரம்ஜானை முன்னிட்டு வெளியிடுவதாக இருந்தனர். இந்நிலையில், வெங்கட்பிரபுவின் தாயாரின் திடீர் மரணம் காரணமாக பாடல் வெளியீட்டை சில தினங்களுக்கு தள்ளி வைத்துள்ளனர். இது தொடர்பாக சுரேஷ் காமாட்சி ட்விட்டரில் பதிவிட்டுள்ளார்.

"நம் இஸ்லாமிய உறவுகள் கொண்டாடும் ரம்ஜான் தினத்தன்று வெளியிடுவதாக இருந்த நமது மாநாடு படத்தின் பர்ஸ்ட் சிங்கிள் நமது இயக்குனர் வெங்கட்பிரபு அவர்களின் தாயார் மறைவின் வருத்தத்தில் பங்கு கொள்ளும் பொருட்டு இன்னும் சில நாட்கள் தள்ளி வெளியாக உள்ளது என்பதை வருத்தத்துடன் தெரிவித்துக் கொள்கிறேன்."

Also read... போலி செய்தி பரப்பப்படுகிறது - ஹன்சிகா பட இயக்குனர் விளக்கம்!

அத்துடன், "இன்னொரு தேதியில் பர்ஸ்ட் சிங்கிள் வெளியிடுவோம். அதற்கான அறிவிப்பை விரைவில் தெரிவிப்போம். நண்பர்களின் துக்கத்தில் பங்கு கொள்வோம்" என குறிப்பிட்டுள்ளார்.



உடனுக்குடனான செய்திகளுக்கு இணைந்திருங்கள்.
Published by:Vinothini Aandisamy
First published: