Home /News /entertainment /

சூர்யாவுக்கு தெரிய வந்த ஜெகதீஷின் நாடகம்.. காணாமல் போன மாரி - மாரி சீரியல் அப்டேட்

சூர்யாவுக்கு தெரிய வந்த ஜெகதீஷின் நாடகம்.. காணாமல் போன மாரி - மாரி சீரியல் அப்டேட்

மாரி சீரியல் அப்டேட்

மாரி சீரியல் அப்டேட்

இன்றைய எபிசோடில் மாரி கோயிலில் அமர்ந்து இந்த திருமணம் வேண்டுமா வேண்டாமா என யோசிக்க சூர்யா ஹாஸ்பிடலில் மாரி எப்படியும் திருமணத்தை நிறுத்தி விடுவாள் என்ற நம்பிக்கையோடு இருக்கிறான்.

  • News18
  • 2 minute read
  • Last Updated :
  • Tamil Nadu, India
    சூர்யாவுக்கு தெரிய வந்த ஜெகதீஷின் நாடகம், காணாமல் போன மாரி, அடுத்து நடந்தது என்ன மாரி சீரியல் இன்றைய எபிசோட் அப்டேட்.

    ஜீ தமிழ் தொலைக்காட்சியில் ஒளிபரப்பாகி வரும் புத்தம் புதிய சீரியல் மாரி. சூர்யா விபத்தில் சிக்க மாரி அவனைக் காப்பாற்றினாள். பின்னர் தாராவின் சூழ்ச்சியிலிருந்து சூர்யாவை காப்பாற்றிய மாரியை திருமணம் செய்து வைக்க வேண்டும் என ஜெகதீஷ் முடிவு செய்த நிலையில் சூர்யா மாரியை சந்தித்து கல்யாணத்தில் விருப்பம் இல்லை என சொல்ல சொல்கிறான். மாரியும் அப்படியே சொல்ல ஜெகதீஷ் சூர்யாவுக்கு இருக்கும் ஆபத்து குறித்து சொல்லி திருமணத்திற்கு சம்மதிக்க வைக்கிறான்.

    இப்படியான நிலையில் இன்றைய எபிசோடில் மாரி கோயிலில் அமர்ந்து இந்த திருமணம் வேண்டுமா வேண்டாமா என யோசிக்க சூர்யா ஹாஸ்பிடலில் மாரி எப்படியும் திருமணத்தை நிறுத்தி விடுவாள் என்ற நம்பிக்கையோடு இருக்கிறான். இந்த நேரத்தில் ஜெகதீஷ் டாக்டரிடம் தனக்கு ஹார்ட் அட்டாக் என போட்ட நாடகம் குறித்து பேச சூர்யா இதை கேட்டுவிட்டு திருமணம் செய்து கொள்ள மாட்டேன் என அடம் பிடிக்கிறான். இந்த கல்யாணம் நடக்கவில்லை என்றால் நான் உயிரோடவே இருக்க மாட்டேன் என ஜெகதீஷ் சொல்ல வேறு வழியில்லாமல் திருமணத்திற்கு ஒப்புக்கொள்கிறான்.

    Also read... 100-வது நாள் எட்பிசோடை கொண்டாடிய கன்னத்தில் முத்தமிட்டால் சீரியல் குழு!

    அடுத்ததாக தினேஷ் தன்னுடைய அம்மா தாராவுக்கு போன் போட்டு விபத்து நடந்த விஷயத்தையும் போலீஸ் விசாரணை நடத்திக் கொண்டிருக்கும் விஷயத்தை சொல்கிறான். தன்னுடைய புருஷன் ஜெகதீஷ் சூர்யாவுக்காக என்னமோ செய்யப் போகிறான் என்பதை அறிந்து தாரா சமயபுரத்துக்கு கிளம்புகிறாள்.

    பிறகு சூர்யா மணமேடையில் வந்து அமர்ந்து கொண்டிருக்க அந்த நேரத்தில் மாரியை காணவில்லை என சொல்ல அனைவரும் அதிர்ச்சியடைய சூர்யா மகிழ்ச்சி அடைகிறான். அப்படி மாரி எங்கே போனாள்? ஜெகதீஷின் ஆசைப்படி இந்த கல்யாணம் நடக்குமா? நடக்காதா? சமயபுரத்துக்கு வரும் தாரா என்ன செய்யப் போகிறாள்?என்பது இனிவரும் எபிசோடுகளில் தெரியவரும்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
    Published by:Vinothini Aandisamy
    First published:

    Tags: TV Serial, Zee tamil

    அடுத்த செய்தி