யமுனாவின் கல்யாணத்தை தடுத்து நிறுத்திய புஷ்பா - மீனாட்சி பொண்ணுங்க சீரியல் அப்டேட்

ஜீ தமிழ் தொலைக்காட்சியில் ஒளிபரப்பாகி வரும் சீரியல் மீனாட்சி பொண்ணுங்க. இந்த சீரியலில் இன்றைய எபிசோடில் யமுனா கல்யாணத்திற்கு வந்த சில பெண்கள் வெற்றியிடம் வழிந்து பேச இதைக்கண்டு சக்தி எரிச்சல் அடைகிறாள்.

கார்த்திக்கின் குடும்பம் மண்டபத்திற்கு வர அவர்களை முறைப்படி அழைத்துச் செல்ல இதையெல்லாம் நீதிமனி மறைந்திருந்து பார்க்கிறான். பிறகு கோகிலாவிடம் மீனாட்சி வீட்டார் நகைகளை ஒப்படைக்கிறார்கள். அதன் பிறகு யமுனா அணிந்தது போக மீதமுள்ள நகைகளை தனியாக சென்று கோகிலா அணிந்து கொள்கிறாள்.

மாப்பிள்ளைக்கு பாத பூஜை செய்யும் சடங்கை வெற்றி முன் நின்று செய்கிறான். மேலும் மணமேடையில் யமுனாவின் அப்பா ஸ்தானத்திலிருந்து எல்லா சம்பிரதாயங்களையும் வெற்றி செய்கிறான். இதனால் வெற்றியை சக்தி ஃபீலோடு பார்க்க நீதிமணி வெளியில் இருந்து ஆசீர்வாதம் செய்கிறார். மறுபக்கம் புஷ்பா காரில் வந்து கொண்டிருக்கிறாள்.

நகைக்கடைக்காரனையும் வர சொல்ல அவனும் வர, மண்டபத்திற்கு வெளியே நகைக்கடைகாரனை வெற்றிக்கு பயப்பட வேண்டாம் என்று கூறி அழைத்து செல்கிறாள். உள்ளே கார்த்திக் யமுனாவின் கழுத்தில் தாலி கட்ட போகும்போது புஷ்பா கல்யாணத்த நிறுத்தி விட நகைக்கடைகாரனும் வர வெற்றி, மீனாட்சி, சத்தி என எல்லோரும் பதட்டமாகின்றனர்.

என் பத்திரத்தை வைத்து தான் கல்யாணம் செய்கிறேன் என்று மீனாட்சி சொல்ல, அது ரங்கநாயகியின் பத்திரம் என்று புஷ்பாவும் நகைக்கடை காரனும் நடந்ததை சொல்கிறார்கள். மேலும் இன்னும் கொஞ்ச நேரத்தில் ரங்கநாயகி வருவாள் உண்மை தெரியும் என புஷ்பா சொல்ல அனைவரும் அதிர்ச்சியாகிறார்கள். இதனால் அடுத்து நடக்கப் போவது என்ன என்பது இனிவரும் எபிசோடுகளில் தெரியவரும்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.