Home /News /entertainment /

Zee Tamil சேனலின் 'சூப்பர் குயின்' டைட்டிலை வென்றார் விஜே பார்வதி!

Zee Tamil சேனலின் 'சூப்பர் குயின்' டைட்டிலை வென்றார் விஜே பார்வதி!

VJ Parvathy

VJ Parvathy

VJ Parvathy | முழுக்க முழுக்க சீரியல் நடிகைகளை வைத்து நடத்தப்பட்ட இந்த ஷோவிற்கு நடிகை ராதா மற்றும் நடிகர் நகுல் நடுவர்களாக இருந்து வந்த நிலைப்பாட்டில் கடந்த ஞாயிறு அன்று இந்த ஷோவின் கிராண்ட் ஃபினாலே நிகழ்ச்சி நடைபெற்றது.

சன் டிவி, விஜய் டிவிக்கு இணையாக வளர வேண்டும், எக்கச்சக்கமான ரசிகர்களை குவிக்க வேண்டும் என்றால், டிஆர்பி ரேட்டிங்கை எகிற வைக்க வேண்டும் என்றால், புதுமையான கதைக்களங்களை கொண்ட சீரியல்களை ஒளிபரப்பினால் போதாது வித்தியாசமான ரியாலிட்டி ஷோக்களையும் ஒளிபரப்ப வேண்டும் என்பதை நன்றாக புரிந்து கொண்ட ஜீ தமிழ் சேனல் சில "தரமான" கேம் ஷோக்களை நடத்தி வருகிறது. அதில் மிகவும் குறிப்பிடத்தக்க ஒரு ரியாலிட்டி ஷோ தான் - சூப்பர் குயின். கடந்த ஜனவரி 16 முதல் ஒளிபரப்பாக தொடங்கிய இந்த ஷோ தற்போது முடிவுக்கு வந்துள்ளது.

முழுக்க முழுக்க சீரியல் நடிகைகளை வைத்து நடத்தப்பட்ட இந்த ஷோவிற்கு நடிகை ராதா மற்றும் நடிகர் நகுல் நடுவர்களாக இருந்து வந்த நிலையில் கடந்த ஞாயிறு அன்று இந்த ஷோவின் கிராண்ட் ஃபினாலே நிகழ்ச்சி நடைபெற்றது. இறுதி நிகழ்ச்சியின் சிறப்பு விருந்தினர்களாக இசை அமைப்பாளர் யுவன்சங்கர் ராஜா, ஆர்யா, மற்றும் அஸ்வின் போன்ற நடிகர்களும் கலந்து கொண்டனர். கிராண்ட் ஃபினாலேவில் அனைத்து சீரியல் நடிகைகளும் தத்தம் தனித்திறமைகளை வெளிப்படுத்திய பின்னர், இறுதியாக ஜீ தமிழ் சேனலின் ‘சூப்பர் குயின்’ டைட்டிலை 'புது புது அர்த்தங்கள்' சீரியலில் 'பவித்ரா' கதாபாத்திரத்தில் நடிக்கும் விஜே பார்வதி தட்டி சென்றார்.

சூப்பர் குயின் டைட்டில் வின்னர் ஆனது குறித்து பேசிய விஜே பார்வதி, "முதலில் இது ஒரு 'ரன்-ஆஃப்-ஏ-மில்' ரியாலிட்டி ஷோவாக இருக்கும் என்று நான் நினைத்தேன், இந்த டீம் உடன் சேர தயங்கினேன். ஆனால் இப்போது டைட்டிலை வென்று உள்ளேன். இந்த நிகழ்ச்சி ஒரு வாழ்நாள் அனுபவமாக இருந்தது, மேலும் இது வாழ்க்கையை ஒரு புதிய கண்ணோட்டத்துடன் திரும்பிப் பார்க்க வைத்தது" என்று கூறி உள்ளார்.



 




View this post on Instagram





 

A post shared by zeetamil (@zeetamizh)






அவர் மேலும் கூறுகையில், ஒரே நேரத்தில் எப்படி சூப்பர் குயின்ஸின் வெவ்வேறு சவால்களுக்குத் தயாராவது மற்றும் புதுப்புது அர்த்தங்கள் சீரியலில் நடிப்பது என்று கவலைப்பட்டேன். ஆனால் எல்லாமே நன்றாக நடந்ததில் தான் மகிழ்ச்சி அடைவதாகவும் பார்வதி கூறி உள்ளார். மேலும் இந்த ஷோ, தன் காதல், எமோஷன்ஸ் மற்றும் ஃபேஷன் உணர்வு போன்றவற்றை வெளிப்படுத்த உதவியதாகவும் பார்வதி குறிப்பிட்டுள்ளார். தவிர சூப்பர் குயின் வெறுமனே ஒரு ரியாலிட்டி ஷோ மட்டுமல்ல என்பதையும் பார்வதி உறுதியாக உணர்கிறார்.

Also Read : சோஷியல் மீடியாவில் வறுபடும் பீஸ்ட் க்ளைமேக்ஸ்… விஜய் ரசிகர்கள் பதிலடி

இதுபற்றி கூறுகையில், "புற்றுநோய் நிறுவனத்தில் ஒரு நாள் செவிலியராக பணிபுரிந்தது மறக்க முடியாத ஒரு நினைவாக இருந்தது. அந்த நாளின் முடிவில், அங்கு புற்றுநோயாளிகளாக இருந்த குழந்தைகளை நினைத்து மிகவும் உணர்ச்சிவசப்பட்டேன். அவர்களின் முகத்தில் உயிர் நிறைந்திருந்தது, அவர்கள் தங்களின் இந்த வயதில் விளையாடி மகிழ்ச்சியாக இருக்க வேண்டும். ஆனால் அவர்கள் கீமோதெரபிக்கு உட்படுத்தப்பட்டுள்ளனர். அது என்னை ஆழமாக உலுக்கியது. மறுநாள் நான் பரோட்டா மாஸ்டர் ஆக உருமாறினேன். நான் மட்டுமல்ல நிகழ்ச்சியில் இருந்த அனைவரும் 'லேபர் ரவுண்டின்' போது புதிய அனுபவத்தை கண்டனர். இப்படியாக இது வெறும் ஒரு ரியாலிட்டி ஷோ அல்ல." என்று கூறி உள்ளார் விஜே பார்வதி.
Published by:Selvi M
First published:

Tags: Entertainment, TV actress, Zee tamil

அடுத்த செய்தி