Home /News /entertainment /

VJ பாவனா சொன்ன சந்தோஷமான செய்தி.. வாழ்த்து கூறும் ரசிகர்கள்!

VJ பாவனா சொன்ன சந்தோஷமான செய்தி.. வாழ்த்து கூறும் ரசிகர்கள்!

விஜே பாவனா

விஜே பாவனா

VJ Bhavana: கலர்ஸ் தமிழ் தொலைக்காட்சியில் ஒளிபரப்பாக உள்ள புதிய நிகழ்ச்சியை ஆங்கர் பாவனா தொகுத்து வழங்க உள்ளதாக அதிகாரப்பூர்வ அறிவிப்பு வெளியாகியுள்ளது. 

    கலர்ஸ் தமிழ் தொலைக்காட்சியில் ஒளிபரப்பாக உள்ள புதிய நிகழ்ச்சியை ஆங்கர் பாவனா தொகுத்து வழங்க உள்ளதாக அதிகாரப்பூர்வ அறிவிப்பு வெளியாகியுள்ளது.

    ஆண்கள் ஆதிக்கம் செலுத்தும் கிரிக்கெட் வர்ணனையாளர் உலகில், பிரபலமான ஸ்டார் ஸ்போர்ட்ஸ் தொகுப்பாளினியாக வலம் வரும் மாயந்தி லாங்கரைப் போல், தமிழில் பெண் கிரிக்கெட் வர்ணனையாளராக வலம் வருபவர் பாவனா. தொகுப்பாளர்களை தனியாக மிளிரவைக்கும் விஜய் டி.வி.யில் இருந்து வந்தவர். விஜய் தொலைக்காட்சி நிகழ்ச்சிகளில் பங்கேற்கும் தொகுப்பாளர்கள் எப்போதுமே ரசிகர்களின் தனி கவனத்தை ஈர்ப்பது உண்டு.

    இதையும் படிங்க.. சூப்பர் சிங்கர் பிரியங்கா போலவே நிகழ்ச்சியை விட்டு போகும் மா.கா.பா! என்ன காரணம்?

    அதனால் தான் விஜய் டி.வி.யில் ஆங்கராக இருந்த சிவகார்த்திகேயன் தற்போது முன்னணி நடிகராக வலம் வருகிறார். ரியோ, மா.க.பா. ஆனந்த் ஆகியோரும் ஹீரோவாக நடித்து வருகின்றனர். ரக்‌ஷன், துல்கன் சல்மான் உடன் செகண்ட் ஹீரோவாக நடித்த ‘கண்ணும் கண்ணும் கொள்ளையடித்தால்’ திரைப்படம் நல்ல வரவேற்பை பெற்றது.

    ரேடியோ நிகழ்ச்சி தொகுப்பாளராக தனது கேரியரை ஆரம்பித்த பாவனாவிற்கு, விஜய் தொலைக்காட்சியில் ‘சூப்பர் சிங்கர்’, ’ஜோடி’ போன்ற நிகழ்ச்சிகளை தொகுத்து வழங்கும் வாய்ப்பு கிடைத்தது. ஒல்லியான தேகம், நல்ல உயரம், தனித்துவமான குரல் என ரசிகர்கள் மனதில் சிறந்த தொகுப்பாளராக பாவனா இடம் பிடித்தார்.

    2017ம் ஆண்டு ஸ்டார் ஸ்போர்ட்ஸில் ஒளிபரப்பான இந்தியன் பிரிமீயர் லீக் மற்றும் புரோ கபடி லீக் ஆகிய நிகழ்ச்சிகளை தமிழில் தொகுத்து வழங்கி, விளையாட்டு வர்ணனையாளராக மாறினார். 2018ம் ஆண்டு இரண்டு பெண் வர்ணனையாளர்கள் மட்டுமே ஐபிஎல் போட்டியை தொகுத்து வழங்கினார்கள். அதில் ஒருவராக பங்கேற்ற பாவனாவின் கிரிக்கெட் கமெண்ட்ரி ரசிகர்களை வெகுவாக கவர்ந்தது.

    இதையும் படிங்க.. பரபரப்பான திருப்பத்தில் பாண்டியன் ஸ்டோர்ஸ் தொடர்.. முல்லைக்கு எல்லா உண்மையும் தெரிந்து விட்டது!

    மேலும் சினிமா தொடர்பான ஆடியோ லான்ச், பிரஸ் மீட், விருது வழங்கும் விழாக்களையும் தொகுத்து வழங்கி வருகிறார். சமீபத்தில் கூட மாஸ்டர், தலைவி, ஆர்ஆர்ஆர் போன்ற படங்களின் நிகழ்ச்சிகளை பாவனா தான் தொகுத்து வழங்கினார். பிசினஸ்மேனை திருமணம் செய்து கொண்டு மும்பையில் செட்டில் ஆன பாவனா, அதன் பின்னர் விஜய் தொலைக்காட்சி பக்கமே வரவில்லை. மூன்று ஆண்டுகளுக்குப் பிறகு மீண்டும் சின்னத்திரை பக்கம் வந்த விஜே பாவனா, கலர்ஸ் தமிழ் தொலைக்காட்சியில் டான்ஸ் நிகழ்ச்சி ஒன்றை தொகுத்து வழங்கி வருகிறார். இதற்கு ரசிகர்கள் மத்தியில் நல்ல வரவேற்பு கிடைத்ததை அடுத்து, புதிய ஷோ ஒன்றையும் பாவனா தொகுத்து வழங்க உள்ளார்.




    கலர்ஸ் தமிழ் தொலைக்காட்சியில் ஒளிபரப்பாக உள்ள ‘போட்டிக்கு போட்டி’ என்ற கேம் ஷோவை பாவனா தொகுத்து வழங்க உள்ளார். ஏப்ரல் மாதம் 3ம் தேதி முதல் இந்நிகழ்ச்சி கலர்ஸ் தமிழ் சேனலில் ஒளிபரப்பாக உள்ளது. இதுகுறித்து தனது இன்ஸ்டாகிராம் பக்கத்தில் ‘நியூ ஷோ அலர்ட்’ என பாவனா போட்டுள்ள பதிவு சோசியல் மீடியாவில் தாறுமாறு வைரலாகி வருகிறது. அத்துடன் அவர் பதிவிட்டுள்ள க்யூட் போட்டோவும் லைக்குகளை குவித்து வருகிறது.



    உடனடி செய்திகளுக்கு இணைந்திருங்கள்
    Published by:Sreeja
    First published:

    Tags: Colors Tamil | கலர்ஸ் தமிழ், TV Serial, Vijay tv

    அடுத்த செய்தி