Home /News /entertainment /

ரேஷ்மாவுடன் ரொமான்ஸ் ஆட்டம் போட்ட ரோபா ஷங்கரை மிரள வைத்த விஜய் டிவி... வைரல் வீடியோ!

ரேஷ்மாவுடன் ரொமான்ஸ் ஆட்டம் போட்ட ரோபா ஷங்கரை மிரள வைத்த விஜய் டிவி... வைரல் வீடியோ!

விஜய் அவார்ட்ஸ்

விஜய் அவார்ட்ஸ்

Robo Shankar in Vijay Awards: அப்பவே எனக்கு அவர்னா ரொம்ப பிடிக்கும் பாக்கியலட்சுமி சீரியல் நடிகை விஜய் அவார்ட்ஸில் சொல்லி நடனம் ஆடிய காட்சிகள்

    ரசிகர்கள் எதிர்பார்க்காத கான்செப்ட்டில் சீரியல்கள் மற்றும் ரியாலிட்டி ஷோக்களை ஒளிபரப்பி மக்களின் மனதில் தனது முத்திரையை ஆழமாக பதித்து இருக்கிறது விஜய் டி.வி. . சூப்பர் ஹிட் சீரியல்கள் ஒருபக்கம், வரிசையான மெகாஹிட் ரியாலிட்டி ஷோக்கள் மறுபக்கம் என்று சின்னத்திரையில் தனி ஆதிக்கம் செலுத்தி முன்னணி சேனல்களில் ஒன்றாக தொடர்ந்து இருக்கிறது. முக்கியத்துவத்தை வார இறுதி நாட்களில் ரியாலிட்டி ஷோக்களுக்கு கொடுத்து வருகிறது.

    ரசிகர்கள் மட்டுமின்றி ஆண்டுதோறும், சின்னத்திரை நடிகர், நடிகைகளுக்கு விருது வழங்கி கெளரவித்து வருகிறது. 2014 ம் ஆண்டு முதல் தொடர்ந்து விஜய் டிவி விருதுகள் வழங்கப்பட்டு வருகின்றன. இப்போது 7வது விஜய் டிவி விருதுகள் விழா நடைபெற்றுள்ளது. ரியாலிட்டி ஷோக்கள் மற்றும் சீரியல்களுக்கு இடையே கடும் போட்டி நிலவிய நிலையில், பாக்யலட்சுமி சீரியல் அதிக விருதுகளை வாங்கிக் குவித்தது.

    சிறந்த ப்ரைம் டைம் சீரியல் மற்றும் சிறந்த எழுத்தாளர், சிறந்த இயக்குநர் உள்ளிட்ட 6 பிரிவுகளில் விருது வழங்கப்பட்டுள்ளது. சிறந்த நடிகைக்கான விருதினை பாக்கியலட்சுமி சுசித்ரா பெற்றுள்ளார். சிறந்த துணை நடிகைக்கான விருதினை பாக்கியலட்சுமி சீரியலில் நடித்த ரேஷ்மாவும், சிறந்த ஆண் வில்லன் நடிகருக்கான விருதினை பாக்கியலட்சுமி சீரியலில் பாக்யாவின் கணவராக கோபி என்ற கதாபாத்திரத்தில் நடித்து வரும் சதீஷும் பெற்றுள்ளனர்.

    இந்த நிகழ்ச்சியை விஜய் டி.வி. ஒளிபரப்பி வருகிறது. தற்போது இந்நிகழ்ச்சி தொடர்பாக விஜய் டி.வி. வெளியிட்டுள்ள புரோமோ வீடியோ ஒன்று சோசியல் மீடியாவில் வைரலாகி வருகிறது. அந்த வீடியோவில், சிறந்த துணை நடிகைக்கான விருதினை பாக்கியலட்சுமி சீரியலில் நடித்த ரேஷ்மா பெறுகிறார். அவரிடம் மா.கா.பா ஆனந்த் உங்களுக்கு யாரை மிகவும் பிடிக்கும் என கேட்கிறார். ரேஷ்மா சற்றும் யோசிக்காமல் பாக்கியலட்சுமி சீரியலில் தன்னுடன் கோபி கதாபாத்திரத்தில் நடித்து வரும் ராஜேஷை சொல்கிறார்.



    ஆனால் மா.கா.பா. விடாமல் கேட்க, ஆமா... ‘வேலைன்னு வந்துட்டா வெள்ளக்காரன்’ படத்தில் நானும் ரோபோ சங்கர் சாரும் நடிச்சோம். அப்பவே சொல்லனுன்னு நினைச்சேன் எனக்கு அவர்னா ரொம்ப பிடிக்கும் என்கிறார். உடனடியாக ரோபோ சங்கர் மேடைக்கு வர, மா.கா.பா ஆனந்த் ஒரு பாட்டு போடுங்க இரண்டு பேரும் டான்ஸ் ஆடுவாங்க என்கிறார். உடனே டிஜேவும் ‘ஓ சொல்லுறியா’ பாடலை போட, ரோபோ சங்கர், ரேஷ்மா இருவரும் டான்ஸ் ஆடுகிறார்கள். சூப்பராக ஸ்டெப்பு போட்டு இருவரும் ஆடிக்கொண்டிருக்க, அரங்கமே சிரிப்பலையில் நிறைகிறது.

    அந்த நேரம் பார்த்து டிஜே திடீரென ‘ஆனந்த யாழை மீட்டுகிறாள்’ பாடலை போட்டுவிடுகிறார். இதனால் மிரண்டு போன ரோபோ சங்கர், ரேஷ்மா இருவரும் மேடையை விட்டு தனித்தனியே விலகி ஓடுகின்றனர். இப்படியாய்யா பாட்டு போடுவீங்க என ரோபா சங்கர் ஏமாற்றத்துடன் கேட்கும் காட்சிகள் இடம் பெற்றுள்ளன. செம்ம காமெடியான இந்த வீடியோ தற்போது வைரலாகி வருகிறது. இதோ அந்த வீடியோ....

     
    Published by:Elakiya J
    First published:

    Tags: Vijay tv

    அடுத்த செய்தி