குக் வித் கோமாளி புகழின் சர்ச்சை காட்சி நீக்கிய விஜய் டிவி

குக் வித் கோமாளி புகழின் சர்ச்சை காட்சி நீக்கிய விஜய் டிவி

குக் வித் கோமாளி புகழ்

குக் வித் கோமாளி நிகழ்ச்சியில் சர்ச்சையான காட்சி ஒன்று நீக்கப்பட்டுள்ளது.

  • Share this:
விஜய் டிவியில் ஒளிபரப்பாகி வெற்றி பெற்ற நிகழ்ச்சி குக் வித் கோமாளி. வனிதா விஜயகுமார், ரம்யா பாண்டியன், உமா ரியாஸ்கான் உள்ளிட்டோர் கலந்து கொண்ட இந்நிகழ்ச்சி ரசிகர்களிடையே நல்ல வரவேற்பைப் பெற்றது. அதைத்தொடர்ந்து குக் வித் கோமாளி சீசன் 2 கடந்த ஆண்டு நவம்பர் 14-ம் தேதியிலிருந்து ஒளிபரப்பாகி வருகிறது.

நடிகை ஷகிலா, பாபா பாஸ்கர், மதுரை முத்து, அஸ்வின், தர்ஷா குப்தா, பவித்ரா லட்சுமி, கடைக்குட்டி சிங்கம் தீபா மற்றும் கன்னி ஆகியோர் இடம்பெற்றிருக்கும் இந்நிகழ்ச்சியில் கோமாளிகளாக புகழ், பாலா, சிவாங்கி, மணிமேகலை, ஷரத், சுனிதா, வீஜே பார்வதி, டிக்டாக் சக்தி ஆகியோர் உள்ளனர். இவர்களின் நகைச்சுவையை ரசிக்க பெரிய ரசிகர் கூட்டமே இருக்கிறது.

மக்களிடம் பெரும் வரவேற்பைப் பெற்றிருக்கும் இந்நிகழ்ச்சிக்கு என்ட் கார்டு போட வேண்டாம் என்று ரசிகர்கள் கோரிக்கை வைத்து வரும் நிலையில் பிக்பாஸ் நிகழ்ச்சியைப் போல் வைல்ட் கார்ட் போட்டியாளர்கள் அறிமுகம் செய்யப்பட்டனர். அந்த வகையில் பிப்ரவரி மாதம் வைல்ட் கார்ட் போட்டியாளராக வந்த 3 வாரங்களில் எலிமினேட் செய்யப்பட்டார்.



இந்நிலையில் பிக்பாஸில் கன்பெஃஷன் அறை வைத்திருப்பது போல் குக் வித் கோமாளியிலும் கன்ஃப்யூஷன் அறைக்குச் சென்று குறிப்புகளை எடுத்து வந்து குக்குகளுக்கு சொல்ல வேண்டும் என்று கோமாளிகளுக்கு டாஸ்க் வழங்கப்பட்டது. அப்போது புகழ் கன்பெஃஷன் அறைக்கு வந்த போது நீங்கள் அழகாக இருக்கிறீர்கள். ஆண்களுக்கே உங்களை காதலிக்க தோன்றும் என்று பிக்பாஸ் ஸ்டைலில் குரல் ஒலித்தது.

இந்த வசனத்துக்கு நெட்டிசன்கள் மத்தியில் எதிர்ப்பு கிளம்பியதை அடுத்து டிவியில் ஒளிபரப்பாகும் போது அந்த வசனம் நீக்கப்பட்டது. ஆனால் ஹாட்ஸ்டாரில் அந்த வசனம் நீக்கப்படவில்லை என்பதும் குறிப்பிடத்தக்கது.
Published by:Sheik Hanifah
First published: