Home /News /entertainment /

வெண்பா திமிரை அடக்கப்போவது யார்? ‘பாரதி கண்ணம்மா’ சீரியலில் செம்ம ட்விஸ்ட்..

வெண்பா திமிரை அடக்கப்போவது யார்? ‘பாரதி கண்ணம்மா’ சீரியலில் செம்ம ட்விஸ்ட்..

பாரதி கண்ணம்மா சீரியல்

பாரதி கண்ணம்மா சீரியல்

Vijay Tv Bharathi Kannamma serial : பாரதி கண்ணம்மா சீரியலில் வரப்போகும் ட்விஸ்ட் என்னான்னு தெரியுமா?

பாரதி கண்ணம்மா சீரியலில் வில்லி கதாபாத்திரத்தில் நடித்து வரும் வெண்பாவிற்கு விரைவில் வேறு ஒருவருடன் திருமணம் நடக்க உள்ளதாக ஜோதிடர் தெரிவிக்கும் ப்ரோமோ தற்போது வெளியாகியுள்ளது .

விஜய் டிவி-யில் சூப்பர் ஹிட் சீரியல்களில் ஒன்றாக இருந்து கொண்டிருக்கிறது பாரதி கண்ணம்மா. இந்த சீரியல் மக்களிடையே பிரபலமாக முக்கிய காரணம் இதில் முன்பு கண்ணம்மாவாக நடித்த நடிகை ரோஷினி ஹரிபிரியன் தான். தற்போது கண்ணம்மா கேரக்ட்ரில் நடிகை வினுஷா தேவி நடித்து வருகிறார். இந்த சீரியாலில் ஹீரோயினுக்கு அடுத்து முக்கியத்துவம் வாய்ந்த வில்லி கதாபாத்திரத்தில் வெண்பா ரோலில் நடிகை மற்றும் விஜே-வான ஃபரீனா ஆசாத் நடித்து வருகிறார்.

சீரியலில் மட்டுமல்ல நிஜத்தில் எங்காவது வெளியில் பார்த்தால் கூட ஃபரீனாவை நேரிலும் கரித்து கொட்டும் அளவிற்கு இல்லத்தரசிகள் கடுப்புடன் சுற்றுகின்றனர். அந்த அளவிற்கு வில்லத்தனத்தில் பின்னிபெடலெடுத்து வருகிறார். கண்ணம்மாவின் மீதான சந்தேகம் காரணமாக பல ஆண்டுகளாக பாரதியும், கண்ணம்மாவும் பிரிந்து வாழ்ந்து வருகிறார்கள். இதில் பாரதியிடம் வளரும் ஹேமாவும், கண்ணம்மாவிடம் வளரும் லட்சுமியும் தங்களது அப்பா, அம்மாவை ஒன்றாக சேர்க்க முயற்சிக்கிறார்கள்.

also read : தனுஷ் பட நடிகையின் கர்ப்பகால போட்டோ ஷூட் வைரல்

அதற்கு ஏற்றார் போல் பாரதிக்கு லட்சுமி மீது கொஞ்சம், கொஞ்சமாக பாசம் வர ஆரம்பிக்கிறது. கடைசியாக ஒளிபரப்பான் எபிசோட்டில், பாரதி தான் தனது அப்பா என தெரிந்த பிறகு லட்சுமி முதல் முதலாக அம்மா அப்பா மற்றும் தங்கையுடன் பள்ளியில் அழைத்துச்சென்ற சுற்றுலாவிற்கு செல்கிறாள். அங்கு எதிர்பாராத விதமாய் லட்சுமி நீச்சல் குளத்தில் தவறி விழுந்ததும் பாரதி துடிதுடித்து காப்பாற்றுகிறான். பின்னர் 4 பேரும் காரில் வர, அழும் கண்ணம்மாவிற்கு பாரதி நன்றி சொல்லி தேற்றுகிறார்.



இதனையடுத்து பள்ளியில் சுற்றுலா சென்றது பற்றி டீச்சர் அனைவரையும் ஒரு கட்டுரை எழுத சொல்கிறார். அதில் ஹேமா ‘எங்க அப்பாவும், சமையல் அம்மாவும் கல்யாணம் செஞ்சிக்கிட்ட நல்லா இருக்கும்’ என எழுதி வைத்திருந்ததாக கண்ணம்மாவிடம் அவருடைய டீச்சர் தெரிவிக்கிறார். இதனைக் கேட்டு ஷாக் கண்ணம்மாவிடம், உங்களுக்கும் பாரதிக்கும் கல்யாண பண்ற ஐடியா இருக்கா? நான் வேண்டும் என்றால் அவரிடம் பேசட்டுமா? என சொல்லி அடுத்த குண்டை தூக்கி போடுகிறார். இதற்கு மறுப்பு தெரிவிக்கும் கண்ணம்மா, லட்சுமி தனது கட்டுரையில் என்ன எழுதி வைத்திருந்தாள் என கேட்கிறார்.



அய்யய்யோ... அம்மாவுக்கு கட்டுரையில் எழுதி இருப்பது தெரிந்தால், பாரதி தான் என் அப்பா என்பது எனக்கு தெரியும் என அறிந்துகொள்வாரே? என லட்சுமி அஞ்சு நடுங்குகிறாள். அந்த சமயத்தில் டீச்சரை வேறு ஒரு டீச்சர் கூப்பிட, அவர் கிளம்பிச் செல்கிறார். லட்சுமியும் அம்மாவுடன் வெளியே வருகிறார். அங்கு மரத்தடி உட்கார்ந்து பேசும் போது, ‘ஹேமாவின் அம்மா யார்?’ என லட்சுமி கண்ணம்மாவிடம் கேட்கிறாள். “தேவையில்லாத கேள்வியை எல்லாம் ஏன் கேட்குற?” என கண்ணம்மா சத்தம் போடுகிறார். என் அப்பா யாரென கண்டுபிடித்ததைப் போல் ஹேமா அம்மாவையும் நானே கண்டுபிடிக்கிறேன் என மனதில் நினைத்துக் கொள்கிறாள்.



also read : விஜய் டிவி ரக்‌ஷனுக்கு கிடைத்த மிகப்பெரிய அங்கீகாரம்... குவியும் வாழ்த்துகள்!

மற்றொருபுறம் வெண்பா வீட்டில் வேலைக்காரி ஜோசியர் ஒருவரை அழைத்து வருகிறார். அவரிடம் வெண்பாவின் ஜாதகத்தை கொடுத்து கல்யாணம் எப்போது நடக்கும் என கேட்கிறார். அதற்கு அந்த ஜோசியரோ, வெண்பா மனதில் நினைத்துக் கொண்டிருக்கும் நபருடன் கல்யாணம் நடக்காது என்றும், அவரது திமிரை அடக்கி ஆளக்கூடிய புதிய நபருடன் விரைவில் திருமணம் நடக்கும் என்றும் கணித்து சொல்கிறார்.

இதனால் கடுப்பான வெண்பா அந்த ஜோசியரை வீட்டை விட்டு விரட்டிவிடுகிறார். பாரதி கண்ணம்மா சீரியலில் பாரதியும், கண்ணம்மாவும் இணைய வேண்டும் என்றால் வெண்பாவிற்கு வேறு ஒருவருடன் திருமணம் நடப்பதும் நல்ல ட்விஸ்ட்டாக தான் இருக்கும். அப்படியானால் விரைவில் வெண்பாவிற்கு ஜோடியாக புதிய நபர் அறிமுகம் ஆகலாம் என்ற எதிர்பார்ப்பு ரசிகர்களிடையே எழுந்துள்ளது.

 
Published by:Tamilmalar Natarajan
First published:

Tags: Bharathi Kannama, Vijay tv

அடுத்த செய்தி