சவாலில் ஜெயித்து ராதிகா முன் சொடக்குப் போட்ட பாக்கியா!

ஒருவழியாக ஆங்கிலம் பேசும் சவாலில் ஜெயித்து, ராதிகாவை அதிர்ச்சியில் ஆழ்த்திவிட்டார் பாக்யா.

விஜய் டிவி-யில் திங்கள் முதல் சனி வரை இரவு 8.30 முதல் 9 மணி வரை ஒளிபரப்பாகி வரும் சூப்பர் ஹிட் சீரியல் பாக்கியலட்சுமி. இந்த சீரியலில் பாக்கியலட்சுமியாக நடிகை சுசித்ரா ஷெட்டி, கோபியாக நடிகர் சதீஷ்குமார், பாக்கியாவின் மாமனாராக, ராமமூர்த்தி கேரக்டரில் நடிகர் எஸ்டிபி ரோசரி, மாமியார் ஈஸ்வரியாக பிரபல நடிகை ராஜலக்ஷ்மி, மூத்த மகன் செழியனாக விகாஷ் சம்பத், இளையமகன் எழிலாக விஜே விஷால், மகள் இனியாவாக நடிகை நேஹா மேனன், மருமகள் ஜெனியாக திவ்யா கணேஷ் உள்ளிட்டோர் நடித்து வருகின்றனர்.

பாக்கியாவை விவாகரத்து செய்துவிட்டு ராதிகாவை இரண்டாவதாக திருமணம் செய்துக் கொள்ளும் கோபி பக்கத்து வீட்டிற்கு குடி வருகிறான். அவ்வப்போது பாக்கியாவை சீண்டுவதை வாடிக்கையாக வைத்திருக்கிறான். கேட்டரிங் தொழில் செய்து, குடும்பத்தை காப்பாற்றி வரும் பாக்கியா, கூடவே பல பிரச்னைகளையும் சாமாளித்து வருகிறாள்.

பிள்ளைகளை வைத்து என்னை மிரட்டுகிறாள்... முன்னாள் மனைவியின் வில்லத்தனங்களை பட்டியலிட்ட 'பேட்ட’ வில்லன்!

முந்தைய எபிசோடில் கேட்டரிங் ஆர்டர் எடுக்கப் போகும் பாக்கியாவிடம் ஆங்கிலத்தில் பேசினாள் ராதிகா. ஆனால் அது புரியாத பாக்கியா என்ன பேசுவதென்று தெரியாமல் முழித்தாள். அப்போது இங்கிலீஷ் கூட தெரில, எப்படி ஆர்டர் தருவது என தனது உயர் அதிகாரியிடம் கூறினாள் ராதிகா. நம் பிஸினெஸுக்கு ஆங்கிலம் தேவை என்பதை உணர்ந்து, தற்போது ஸ்போக்கன் இங்கிலீஸ் கிளாஸ் போகிறாள் பாக்யா.

' isDesktop="true" id="905354" youtubeid="S1DExCcDVNQ" category="television">

இதையடுத்து ராதிகாவின் அலுவலகத்தில் பாக்யாவின் ஈஸ்வரி கேண்டின் திறக்கப்படுகிறது. வந்ததற்கு நன்றி என ஆங்கிலத்தில் சொல்லும் பாக்யாவை பார்த்து அதிர்ச்சியில் உறைகிறாள் ராதிகா. தெரியாத விஷயத்தை வச்சு நம்மள யாராச்சும் அடிக்கிறாங்கன்னா, அவங்களுக்கு அந்த வாய்ப்பை கொடுக்கக் கூடாதுன்னு சொடக்குப் போட்டு வேறு சொல்கிறாள் பாக்யா.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.