Home /News /entertainment /

விஜய் டி.வி.யின் சூப்பர் டூப்பர் ஹிட்டான சீரியல் இனி இந்தியில்... எது தெரியுமா?

விஜய் டி.வி.யின் சூப்பர் டூப்பர் ஹிட்டான சீரியல் இனி இந்தியில்... எது தெரியுமா?

வோ தோ ஹை அல்பேலா

வோ தோ ஹை அல்பேலா

விஜய் டி.வி.யின் சூப்பர் ஹிட் தொடரான ‘ஈரமான ரோஜாவே சீசன் 1’ இந்தியில் "வோ தோ ஹை அல்பேலா"  என்ற பெயரில் ரீமேக் செய்யப்பட உள்ளது.

விஜய் டி.வி. எப்போதுமே ட்ரெண்டிங்கான நிகழ்ச்சிகளுக்கு மட்டுமல்ல, ரசிகர்களின் மனம் கவரும் விதமான சீரியல்களுக்கும் பெயர் போனதாக விளங்குகிறது. ரசிகர்களை வயிறு குலுங்க சிரிக்க வைக்கவும், நேரம் போவது கூட தெரியாமல் ரசிக்க வைக்கவும் குக் வித் கோமாளி, பிக்பாஸ், சூப்பர் சிங்கர், கலக்கப்போவது யாரு, அது இது எது என விதவிதமான ஷோக்கள் ஒளிபரப்பாகி வருகிறது.

அதே சமயத்தில் பாரதி கண்ணம்மா, பாண்டியன் ஸ்டோர்ஸ், மெளன ராகம், ராஜா ராணி, பாக்கிய லட்சுமி உள்ளிட்ட பல சீரியல்கள் ரசிகர்கள் மனதில் நீங்காமல் இடம் பிடித்துள்ளது. விஜய் தொலைக்காட்சி எப்போதுமே ரசிகர்கள் இடையே கிடைக்கும் வரவேற்பை பொறுத்து சீரியலின் அடுத்தடுத்த பாகங்களை சீசன் 2, 3, 4 என எடுத்து தள்ளுவார்கள். அப்படி ரசிகர்களிடையே நல்ல வரவேற்பை பெற்ற தொடர் ‘ஈரமான ரோஜாவே’. இந்த தொடரில் மலராக பவித்ரா நடித்திருந்தார். வெற்றியாக புதுமுக நடிகர் திரவியம் நடித்திருந்தார். இவர்களுடன் சியாம், சாய் காயத்ரி, பிரேமலதா, பிரவீன் உட்பட பல நடிகர்கள் நடித்திருந்தார்கள்.

ஈரமான ரோஜாவே தொடர் கடந்த 2018 முதல் விஜய் டிவில் ஒளிபரப்பாகி சிறப்பான வரவேற்பை பெற்றது. 807 எபிசோட்களுடன் கடந்த ஆகஸ்ட் 14ம் தேதி இந்த தொடர் நிறைவு பெற்றது. முதல் சீசனுக்கு கிடைத்த அமோக வரவேற்பை அடுத்து இரண்டாவது சீசன் விஜய் டி.வி.யில் ஒளிபரப்பாகி வருகிறது.

திருமணத்தின் போது மணப்பெண் கடத்தப்பட தங்கையை மணமகனுக்கும், கடத்தப்பட்ட மணப்பெண்ணை மணமகனின் தம்பிக்கும் திருமணம் செய்து வைக்க நேர்கிறது. மாறிய திருமணம், மாறாத காதல் மனம் என ஈரமான ரோஜாவே சீசன் 2 விறுவிறுப்பான கதைக்களத்துடன் சென்று கொண்டிருக்கிறது. ஈரமான ரோஜாவே சீசன் 2 தொடரில் சித்தார்த் , பிக்பாஸ் புகழ் கேப்ரில்லா நடித்து வருகின்றனர். தற்போது ஈரமான ரோஜாவே முதல் பாகம் பற்றி லேட்டஸ்ட் தகவல் ஒன்று வெளியாகியுள்ளது.



ஈரமான ரோஜாவே சீரியல் ‘மனசிச்சி சூடு’ என்ற பெயரில் தெலுங்கிலும், ,‘ஜீவா ஹூவாகிதே’ என்ற பெயரில் கன்னடத்திலும் ஒளிபரப்பானது. இந்நிலையில் இந்த சீரியல் விரைவில் இந்தியில் ஒளிபரப்பாக உள்ளது. விஜய் டி.வி.யின் சூப்பர் ஹிட் தொடரான ‘ஈரமான ரோஜாவே சீசன் 1’ இந்தியில் "வோ தோ ஹை அல்பேலா" என்ற பெயரில் ரீமேக் செய்யப்பட உள்ளது.



 




View this post on Instagram





 

A post shared by Tamil Serials (@tamilserialexpress)






இதில் "மஹாபாரதம்" புகழ் "ஷாஹீர்" கதாநாயகனாக நடித்தார். இது மார்ச் 14 ஆம் தேதி இரவு 9 மணிக்கு ஸ்டார் பரத்தில் ஒளிபரப்பாக உள்ளது. எப்போதுமே இந்தி அல்லது பிறமொழிகளில் ஹிட்டான சீரியல்களை விஜய் டி.வி. தமிழில் ஒளிபரப்புவார்கள். இப்போது தமிழில் சூப்பர் டூப்பர் ஹிட்டான சீரியல் இந்தியில் ஒளிபரப்பாக உள்ளது ஈரமான ரோஜாவே சீரியல் ரசிகர்களை மகிழ்ச்சியில் ஆழ்த்தியுள்ளது. இதுகுறித்த தகவல் சோசியல் மீடியாவில் தீயாய் பரவி வருகிறது.
Published by:Vinothini Aandisamy
First published:

Tags: Vijay tv

அடுத்த செய்தி