Home /News /entertainment /

சன் டிவி சுந்தரி சீரியல் கேப்பிரில்லா யாருக்கும் தெரியாமல் இப்படியொரு வேலை செய்து வருகிறாரா?

சன் டிவி சுந்தரி சீரியல் கேப்பிரில்லா யாருக்கும் தெரியாமல் இப்படியொரு வேலை செய்து வருகிறாரா?

சுந்தரி கேப்ரில்லா

சுந்தரி கேப்ரில்லா

கேப்பிரில்லா செல்லஸ் தற்போது ‘தியேட்டர் ஃபேக்டரி’ என்ற நாடகக் குழு ஒன்றையும் தொடங்கியுள்ளார்.

    கலை உணர்வுக்கும், திறமைக்கும் நிறத்திற்கும் தொடர்பு இல்லை என்பதை நிரூபித்தவர் கேப்ரில்லா செல்லஸ். பார்ப்பதற்கு சற்று கருப்பாக இருந்தாலும், அழகுக்கு ஒரு குறையும் இல்லாதவர். சன் டிவியில் ஒளிபரப்பாகி வரும் ‘சுந்தரி’ சீரியல் மூலமாக ரசிகர்களின் மனதில் நீங்காத இடம் பிடித்தவர். விஜய் டிவியின் காமெடி ஷோ சிலவற்றிலும் நடித்து வருகிறார்.

    இதுமட்டுமல்லாமல், டிக் டாக், இன்ஸ்டாகிராம் என எப்போதும் பிஸியாக இருக்கிறார் கேப்ரில்லா செல்லஸ். சமூக வலைதளங்களில் குடும்ப பாங்கான கோணங்களில் இவர் அவ்வபோது வெளியிடும் புகைப்படங்களை பார்ப்பதற்கு ஏராளமான ரசிகர் பட்டாளமே இருக்கிறது.

    நாடகக் குழு தொடக்கம்

    சீரியல்களுக்கான சூட்டிங், சமூக வலைதளங்களில் வெளியிடும் பதிவுகள் என எப்போதும் இடைவிடாமல் பணியாற்றிக் கொண்டிருக்கும் கேப்பிரில்லா செல்லஸ் தற்போது ‘தியேட்டர் ஃபேக்டரி’ என்ற நாடகக் குழு ஒன்றையும் தொடங்கியுள்ளார். இனி ரசிகர்கள் இந்தக் குழுவினரின் படைப்புகளை சமூக வலைதளங்களில் அதிகம் பார்க்க நேரிடலாம்.

    இதையும் படிங்க.. திரும்ப திரும்ப தப்பு செய்யும் வெற்றி… அபி உனக்கு இது தேவையாம்மா?

    சுவாரஸ்யமான தகவல்கள்

    தன்னுடைய நிறம் காரணமாக சினிமா மற்றும் வெள்ளித் திரையில் நுழைவதற்கு பெரும் சிரமங்களை எதிர்கொண்டவர் கேப்பிரில்லா செல்லஸ். சுந்தரி சீரியலில் இது அப்படியே கதைக்களமாக பயன்படுத்திக் கொள்ளப்பட்டுள்ளது. சீரியலில் சுந்தரி என்ற பெயரில் வரும் இந்த பெண் கருப்பாக இருப்பதால் மிகுந்த கிண்டலுக்கும், கேலிக்கும் உள்ளாகிறார். இருந்தாலும் எதைப் பற்றியும் கவலைப்படாமல், தனது லட்சியத்தை நோக்கி நடை போடுகிறார் அவர். சுந்தரி மிகவும் திறமையான, துடிப்பான பெண் என்பதால், அனைத்து விதமான தடைகளையும் தகர்த்து எறிந்து வாழ்க்கையின் அடுத்த கட்டத்தை நோக்கி நகர்ந்து செல்கிறார். நிஜத்திலும் கேப்பிரில்லா செல்லெஸ் அப்படித்தானே இருக்கிறார்.

    வெள்ளித்திரை மட்டுமல்லாமல், திரைப்படங்களில் கேப்பிரில்லா அவ்வபோது நடித்து வருகிறார். ஐரா என்ற படத்தில்  இவர் நடித்திருந்தார். கடந்த 2016ஆம் ஆண்டில் வெளியான கபாலி திரைப்படத்திலும் இவர் நடித்திருந்தார். காஞ்சனா 3, சேதும் ஆயிரம் பொன் போன்ற படங்களிலும் அவர் நடித்துள்ளார்.

    கேப்பிரில்லாவின் ரசிகை ரஹ்மான்

    ஆஸ்கர் நாயகன் ஏ.ஆர்.ரஹ்மானுக்கு இந்தியாவில் மட்டும் அல்லாமல் உலகெங்கிலும் ரசிகர்கள் உண்டு என்பது நமக்கு தெரியும். அந்த ஏ.ஆர்.ரஹ்மான் இந்த கேப்பிரியெல்லாவுக்கு ரசிகர் என்பது உங்களுக்கு தெரியுமா? ஆமாம், உண்மைதான். ஏ.ஆர்.ரஹ்மானின் இன்ஸ்டாகிராம் ஃபுரொபைலை 6.1 மில்லியன் பேர் ஃபாலோ செய்கின்றனர். அவர் 64 பேரை மட்டுமே ஃபோலா செய்கிறார். அதில் கேப்ரியெல்லாவும் ஒருவர். மூப்பில்லா தமிழே தாயே என்ற பாடலுக்காக இருவரும் இணைந்து பணியாற்றியுள்ளனர். உலகமே கொண்டாடும் ஏ.ஆர்.ரஹ்மான் தனக்கு ரசிகராக இருப்பதை நினைத்து ரொம்பவே பூரித்து போனார் கேப்பிரில்லா.



    உடனடி செய்திகளுக்கு இணைந்திருங்கள்
    Published by:Sreeja
    First published:

    Tags: Sun TV, TV Serial

    அடுத்த செய்தி