புதிய சாதனைப் படைத்த மகராசி சீரியல்... குவியும் வாழ்த்துகள்!

சன் டிவி-யில் ஒளிபரப்பாகி வரும் மகராசி சீரியல் 900 எபிசோட்களைக் கடந்துள்ளது.

தமிழ் சீரியல்களில் தினசரி அதிகம் பார்க்கப்படும் தொடர்களுள் ஒன்று மகராசி. TRP-யில் தொடர்ந்து நல்ல இடத்தைப் பிடித்து வரும் இந்த சீரியல் தற்போது 900 எபிசோட்களை நிறைவு செய்துள்ளது. தினமும் அதிகம் பார்க்கப்படும் முதல் ஐந்து சீரியல்களுள் மகராசியும் ஒன்று. இந்த சீரியலின் சாதனையை சன் டிவி ஒரு ஸ்பெஷல் போஸ்டர் மூலம் சமூக வலைதளங்களில் அறிவித்துள்ளது.

இது குறித்துப் பேசிய இயக்குநர் எஸ்.பி.ராஜ்குமார், "மகராசி சீரியல் புதிய மைல்கல்லை எட்டியதில் நான் மிகவும் மகிழ்ச்சியடைகிறேன். அந்தத் தொடரின் முழுமையான 'பயணம்' என் கேரியருக்கு உயிர் கொடுத்தது" என்றார்.

மகராசி சீரியல் 900 எபிசோட்களைக் கடந்ததில் மகிழ்ச்சியடைந்த நடிகர் ஆர்யன், "இயக்குனர் எஸ்.பி.ராஜ்குமாருடன் இணைந்து பணியாற்றுவதில் மகிழ்ச்சி அடைகிறேன். அதற்காக நன்றி, மகராசி சீரியலில் நான் இடம்பெற்றிருப்பதை ஆசீர்வாதமாகக் கருதுகிறேன்” என்றார்.

"மகராசி போன்ற அற்புதமான சீரியலில் நான் நடிப்பதில் பெருமைப்படுகிறேன். நாங்கள் 900-வது எபிசோடை எட்டியதில் மிகவும் மகிழ்ச்சியடைகிறேன்" என்று தெரிவித்தார் நடிகை ஸ்ரீத்திகா.

 

View this post on Instagram

 

A post shared by SunTV (@suntv)

மகராசி சீரியல் அக்டோபர் 2019 முதல் சன் டிவி-யில் ஒளிபரப்பாகி வருகிறது. இதில் ஆர்யன் மற்றும் ஸ்ரீத்திகா சனீஷ் ஆகியோர் முக்கிய வேடங்களில் நடித்து வருகிறார்கள். இவர்களுடன் விஜய், மௌனிகா தேவி, தீபன் சக்ரவர்த்தி, அஸ்வினி, செந்தில்நாதன், நேத்ரா ஸ்ரீ, ரவிசங்கர், சாத்விக், கீர்த்தனா, ராம்ஜி மற்றும் பலர் துணை வேடங்களில் நடித்துள்ளனர்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.