Home /News /entertainment /

பரபரப்பாக சுந்தரி சீரியல் - மாமாவிடம் மாட்டி கொண்ட கார்த்தி.!

பரபரப்பாக சுந்தரி சீரியல் - மாமாவிடம் மாட்டி கொண்ட கார்த்தி.!

Sundari

Sundari

Sundari Serial Update | இந்த சீரியல் டி.ஆர்.பி ரேட்டிங்கிலும் டாப் 5ல் இடம் பெற்றுள்ளது. அதே போன்று இந்த சீரியல் தொடர்ந்து மக்கள் மனதை கவர்ந்த ஒரு சூப்பர் ஹிட் சீரியலாகவும் இருந்து வருகிறது.

பலவித சீரியல்கள் இருந்தாலும் சன் டிவியில் ஒளிப்பரப்பாகும் சீரியல்களுக்கென்று மக்களிடம் தனி வரவேற்பு உள்ளது. இதற்கு முக்கிய காரணம், அந்த சீரியல்கள் பலவும் சாதாரண குடும்ப கதைகளை பின்னணியாக கொண்டு அமைந்துள்ளது. வெப் சீரியஸ்களை பார்ப்பவர்கள் கூட அவற்றை காட்டிலும் சன் டிவி தொடர்களை அதிகம் விரும்பி பார்க்கின்றனர். தமிழகத்தை பொறுத்த வரை பல சேனல்கள் இருந்தாலும் சீரியல்கள் என்று வந்து விட்டால் சன் டிவி தான் மக்கள் அதிகம் விரும்பி பார்க்கும் சேனலாக உள்ளது.

சன் டிவியில் தினமும் எண்ணற்ற சீரியல்கள் ஒளிபரப்பாகி வருகிறது. பழைய சீரியல்களை போன்றே புதிய சீரியல்களுக்கு அதிக வரவேற்பு மக்கள் மத்தியில் இருந்து வருகிறது. புதிய சீரியல்களாக பூவே உனக்காக, சித்தி 2, திருமகள், கண்ணான கண்ணே, ரோஜா, சந்திரலேகா, அருவி, தாலாட்டு, அபியும் நானும், கயல், வானத்தை போல, எதிர்நீச்சல், அன்பே வா உள்ளிட்ட பல சீரியல்களை ஒளிபரப்பி வருகிறது.

இவற்றில் இரவு 7 மணிக்கு ஒளிபரப்பாகும் சுந்தரி சீரியல் அதிக பேரின் வரவேற்பை பெற்றுள்ளது. அது மட்டுமில்லாமல் இந்த சீரியல் டி.ஆர்.பி ரேட்டிங்கிலும் டாப் 5ல் இடம் பெற்றுள்ளது. அதே போன்று இந்த சீரியல் தொடர்ந்து மக்கள் மனதை கவர்ந்த ஒரு சூப்பர் ஹிட் சீரியலாகவும் இருந்து வருகிறது. குறிப்பாக சுந்தரி தொடரின் முக்கிய கதாநாயகி வேடத்தில் நடித்து வரும் நடிகை கேப்ரியெல்லா செல்லஸ் நடிப்புக்காக பலரும் இந்த தொடரை தொடர்ச்சியாக பார்த்து வருகின்றனர்.



தற்போது இவர் அனுவின் கம்பெனிக்கு சிஇஓ ஆகிவிட்டதால், இவர்கள் இருவரது கணவனான கார்த்தி எப்போதும் கடுப்பாகவே உள்ளார். அனுவிற்கு சுந்தரியின் கணவன் தான் கார்த்தி என்பது இப்போது வரை தெரியாது. ஆனால் சுந்தரிக்கோ அனுவை கார்த்தி ஏமாற்றி வருவது குறித்த பல விஷயங்களும் நன்கு தெரியும். இருப்பினும் ஒரே ஒரு காரணத்திற்காக தான் இவற்றை எல்லாம் சுந்தரி பொறுத்து கொள்கிறார்.

Also Read : எடையைக் குறைக்க பிளாஸ்டிக் சர்ஜரி செய்து உயிரிழந்த கன்னட நடிகை- நடந்தது என்ன?

அனு தற்போது கர்ப்பமாக இருப்பதால் மட்டுமே சுந்தரி எந்த விஷயத்தையும் அனுவிடம் சொல்லாமல் உள்ளார். இது போன்று பல திருப்பங்கள் இந்த தொடரில் வந்தவண்ணம் உள்ளது. அந்த வகையில் தற்போது, கார்த்தியின் அக்கா கணவரான முருகன், கார்த்தியின் நெருங்கிய நண்பனான கிருஷ்ணாவிற்கு போன் செய்து ஊரில் நடக்க உள்ள திருவிழாவிற்கு அழைப்பு விடுக்கிறார். அதே போன்று கார்த்தியையும் அழைத்து வருமாறு சொல்கிறார்.



சுந்தரியிடன் கார்த்திக்கு ஏற்பட்ட விபத்து குறித்து கூறுகிறார் கார்த்தியின் நண்பன் கிருஷ்னா. ஆனால், சுந்தரி அதை ஒரு பொருட்டாக கூட கண்டுகொள்ளாமல் அப்புறம் பேசலாம் என்று சொல்லி விடுகிறார். அதன் பிறகு கார்த்தி திருவிழாவிற்கு முதல் நாள் வரமாட்டார் என்பதை பற்றி சொல்கிறார். முதல் திருவிழாவிற்கு வந்தால் காப்பு கட்டி விடுவார்கள் என்பதை அறிந்து கொண்டு அதை தவிர்க்கவே கார்த்தி வரமாட்டேன் என்று சொல்வதாக சுந்தரியிடம் கூறுகிறார்.

Also Read : பிரியங்கா சோப்ரா முகத்தில் காயங்கள்... அதிர்ச்சியில் ரசிகர்கள்

ஆனால், சுந்தரி இதை எதையும் பெரிதாக நினைக்கவில்லை. அவருக்கு ஆபீசை எப்படி 10 நாட்கள் அப்படியே விட்டு வருவது என்பது குறித்த பிரச்சனை மட்டுமே மனதில் உள்ளதாக கூறுகிறார். எனவே கார்த்தி குறித்த விஷயத்தை பெரிதாக எடுத்து கொள்ளவேண்டாம் என்று சுந்தரி கூறுகிறார். பிறகு கிருஷ்னா அந்த இடத்தை விட்டு கிளம்பி விடுகிறார்.

அடுத்த சீனில் கார்த்திக்கு அவரது மாமா கால் செய்கிறார். அவர் கார்த்தி சென்னையில் தான் உள்ளார் என்பதால் திருவிழாவிற்கு முன்னாடியே வரும்படி கூறுகிறார். சுந்தரிதான் இதற்கெல்லாம் காரணம் என்று சுந்தரியை திருவிழாவிற்கு போகவிடாமல் தடுப்பதற்க்கு திட்டம் திட்டுகிறார் கார்த்தி. பரபரப்பாக ஒளிபரப்பாகி கொண்டிருக்கும் இத்தொடரில் அடுத்த என்ன நடக்கும் என்று, கார்த்தியின் திட்டங்களை சுந்தரி எப்படி முறியடிப்பார் என்று பார்ப்பதற்கு ரசிகர்கள் ஆர்வமுடன் காத்திருக்கின்றனர்.
Published by:Selvi M
First published:

Tags: Entertainment, Sun TV, TV Serial

அடுத்த செய்தி