விறு விறு கதைக்களம்... சின்னத்திரை ரசிகர்களின் பாராட்டு மழையில் சன் டிவி எதிர்நீச்சல்!

சன் டிவி-யின் எதிர்நீச்சல் சீரியல் ப்ரோமோ 1 மில்லியன் பார்வைகளைக் கடந்து யூ-ட்யூப் ட்ரெண்டிங்கில் முதலிடத்தில் உள்ளது.

சன் தொலைக்காட்சியில் பலவகையான சீரியல்கள் ஒளிபரப்பாகி வந்தாலும், இன்று வரையிலும் பலரது நினைவை விட்டு நீங்காத சீரியலாக பார்வையாளர்கள் மனதில் இடம் பெற்றிருக்கிறது கோலங்கள் சீரியல். தமிழ் சினிமாவில் முன்னணி நடிகையாக வலம் வந்த தேவயாணி நடிப்பில் வெளியான கோலங்கள் சீரியல் 2003-ம் ஆண்டு முதல் 2009-ம் ஆண்டு வரை வெற்றிகரமாக ஒளிபரப்பானது. கோலங்கள் சீரியலை இயக்கியது மட்டுமில்லாமல் அதில் முக்கிய கதாபாத்திரத்திலும் திருச்செல்வம் நடித்திருந்தார். அபி என்கிற கதாபாத்திரத்தில் தேவயானியும், தொல்காப்பிம் கதாபாத்திரத்தில் திருச்செல்வமும் நடித்திருந்தனர்.

இந்நிலையில் நீண்ட இடைவேளைக்குப் பிறகு திருச்செல்வம் மீண்டும் சன் தொலைக்காட்சியில் எதிர்நீச்சல் சீரியலை இயக்கி வருகிறார். கடந்த வருடம் பிப்ரவரி மாதம் முதல் இரவு 9.30 மணிக்கு தொடர் ஒளிபரப்பாகி வரும் இத்தொடரில் நடிகை ஹரிப்பிரியா, பிரியதர்ஷினி, கனிகா, மாரிமுத்து, கமலேஷ் உள்ளிட்டோர் இதில் நடித்து வருகின்றனர்.

இதில் ஜனனி என்ற கதாபாத்திரத்தில் கன்னடம் மற்றும் தெலுங்கு தொலைக்காட்சி நடிகை மதுமிதா நடித்து வருகிறார். பெண்களை அடிமையாக நடத்தும் மனநிலைக்கு எதிராக எதிர்நீச்சல் கதைக்களம் அமைக்கப்பட்டுள்ளது. வீட்டின் மருமகள்கள் ஈஸ்வரி, ரேணுகா, நந்தினி, ஜனனி நால்வரும் அப்பத்தாவின் உதவியோடு சுயமரியாதையுடன் பெண் அடிமைத்தனத்திற்கு எதிராக செயல்படுகின்றனர். பின்னர் இந்தப் பட்டியலில் ஜனனியின் கணவன் சக்தியும் இணைந்துக் கொண்டான். தன் தவறை உணர்ந்து, தனது மனைவிக்கும் அண்ணிக்களுக்கும் ஆதரவாக நிற்கிறான்.

' isDesktop="true" id="895281" youtubeid="8BsdbIH-QHg" category="television">

தற்போது வெளியாகியுள்ள ப்ரோமோவில், சாகுறதுக்குக் கூட தைரியம் இல்லை என அழுகிறார் ஞானம். அப்போது பொம்பளை பேச்ச கேட்டா அழிஞ்சு போய்டுவன்னு சொல்வாங்க, நம்பாத என அவரை தேற்றுகிறான் சக்தி. குணசேகரனுக்கு ஞானம் மேல் கோபம் அதிகமான நிலையில் வெளிப்படையாக தனது ஆதரவை ஞானத்திற்குக் கொடுத்து, குணசேகரன் உள்ளிட்ட அனைவரையும் அதிர்ச்சியில் ஆழ்த்துகிறான் சக்தி. இந்த ப்ரோமோ தற்போது யூ-ட்யூப் ட்ரெண்டிங்கில் முதலிடத்தில் இடம்பெற்றுள்ளது.

மற்ற சீரியல்கள் போல அரதப் பழசான கதை, ஜவ்வான திரைக்கதை போன்றவற்றிலிருந்து வேறுபட்டு பார்வையாளர்கள் மனதை வெகுவாக கவர்ந்துள்ளது எதிர்நீச்சல்!

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.