Home /News /entertainment /

இரண்டரை ஆண்டாக கர்ப்பம்... இப்போவாச்சும் குழந்தை பிறந்ததே!

இரண்டரை ஆண்டாக கர்ப்பம்... இப்போவாச்சும் குழந்தை பிறந்ததே!

சந்திரலேகா

சந்திரலேகா

சந்திரலேகா தொடரில் மிகவும் வித்தியாசமாக இரண்டரை ஆண்டுகளாக கர்ப்பமாகவே இருக்கிறார்கள் ஹீரோயின்கள்.

  • Trending Desk
  • 2 minute read
  • Last Updated :
    தமிழகத்தில் நிறைய தமிழ் சேனல்கள் இருந்தாலும் சன் டிவி-க்கு என்று தமிழ் சின்னத்திரை ரசிகர்கள் மத்தியில் தனி இடம் இருக்கிறது. மெட்டி ஒலி, சித்தி, செல்வி, அண்ணாமலை, நாதஸ்வரம், கல்யாணவீடு தெய்வமகள், ரோஜா உள்ளிட்டஏராளமான ஹிட் சீரியல்கள் மூலம் ரசிகர்களை கவர்ந்துள சன் டிவி-யில் தினமும் பிற்பகல் 2 மணிக்கு சந்திரலேகா சீரியல் ஒளிபரப்பாகி வருகிறது. கடந்த 2014 அக்டோபர் முதல் இப்போது வரை வெற்றிகரமாக ஓடி கொண்டிருக்கும் இந்த சீரியல் தமிழ் சீரியல்களில் மிகவும் நீண்ட காலமாக ஒளிபரப்பான சீரியல்களில் ஒன்றாக இடம்பிடித்துள்ளது.

    மெகா தொடர் என்றாலே நீண்ட காலத்திற்கு ஒளிபரப்பாகும் என்ற பெயருக்கு ஏற்றவாறே சந்திரலேகா சீரியல் பல ஆண்டுகளாக ஒளிபரப்பாகி வருகிறது. ஒரு சில விஷயங்களில் சீரியலில் லாஜிக் பார்க்கக்கூடாது என்று கூறுவார்கள். அது எல்லா விஷயத்துக்கும் பொருந்துமா என்ற கேள்வியும் சந்தேகமும் தற்போது எழுந்துள்ளது! சந்திரலேகா சீரியலில் தற்போது பரபரப்பாக சீமந்தம் மற்றும் வளைகாப்பு சம்மந்தப்பட்ட சீக்வென்ஸ் வெளியாகி வருகிறது. சமீபத்தில் வெளியான ப்ரோமோவில் கூட சீமந்தம் நல்லபடியாக நடக்குமா என்று சந்தேகிக்கும் வகையில் கடத்தல் காட்சிகளும் இருக்கின்றன.

    இதில் வேடிக்கையான விஷயம் என்னவென்றால் சீரியலின் பிரதான பாத்திரங்கள் இருவரும் கர்ப்பமாகி கிட்டத்தட்ட இரண்டரை ஆண்டுகள் ஆகின்றன. இரண்டரை ஆண்டுகளாக 10 மாதத்திற்குண்டான கதைதான் காட்டப்படுகிறதா என்பது மிகப்பெரிய கேள்வியாக எழ, ரசிகர்கள் பலரும் கலாய்த்து வருகின்றனர். சீரியல்களைப் பொறுத்தவரை இவருக்கு பதில் இவர், இத்தனை ஆண்டுகளுக்கு பிறகு, இத்தனை மாதங்களுக்குப் பிறகு என்று ஒரே ஒரு ஸ்லைடிலேயே மொத்த கதைக்களமும் மாறிவிடும்.

    ஆனால், சந்திரலேகா தொடரில் மிகவும் வித்தியாசமாக இரண்டரை ஆண்டுகளாக கர்ப்பமாகவே இருக்கிறார் என்ற காட்சிகளும், குழந்தை எப்போது தான் பிறக்கும் என்று ரசிகர்கள் கேள்வி கேட்கும் அளவுக்கு கதைக்களம் காட்டப்பட்டு வருகின்றது. இந்த அளவுக்கு லாஜிக் கூட பார்க்காமல் சீரியல் எடுப்பார்களா என்று பல பார்வையாளர்களும் கேள்வி கேட்டு வருகின்றனர்.

    Maaran: ஹாட் ஸ்டாரில் வெளியானது தனுஷின் மாறன்!

    ஆனால், எல்லா கேள்விகளுக்கும் பதில் அளிக்கும் விதமாக, ஒருவழியாக குழந்தை பிறந்துள்ளது. தற்போது வெளியான ப்ரோமோவில் பரபரப்பான காட்சிகள் இருந்தாலும், இவர்களுக்கு குழந்தை பிறந்ததை உறுதிசெய்யும் புகைப்படம் இன்ஸ்டாவில் பதிவாகியுள்ளது.



     




    View this post on Instagram





     

    A post shared by SUNTELEVISIONS (@suntv_fanzclub)






    இதே போல, பாரதி கண்ணம்மா சீரியலும் அதிகப்படியான ரசிகர்களால் கலாய்க்கப்பட்டது.  ஹீரோயின் கர்ப்பமாக இருக்கும் பொழுது அவர் நடந்து கொண்டே இருக்கிறார் என்பது போல பல நாட்கள் காட்சிகள் ஒளிபரப்பானது.

    நடிகர் தனுஷின் பிரமாண்ட வீட்டைப் பார்த்திருக்கிறீர்களா? புகைப்படம் இதோ...

    கிட்டத்தட்ட 7 வருடங்களுக்கும் மேலாக வெற்றிகரமாக ஒளிபரப்பாகி வரும் இந்த சீரியலில் இருந்து அருண் விலகுவதாக அறிவித்தார். தற்போது சந்திரலேகா சீரியலில் சபரி ரோலில் நடிகர் அஸ்வின் குமார் நடிக்க போவதையும் அருண் குறிப்பிட்டிருந்தார்.



    உடனடி செய்திகளுக்கு இணைந்திருங்கள்
    Published by:Shalini C
    First published:

    Tags: Sun TV, TV Serial

    அடுத்த செய்தி