முடிவுக்கு வரும் அபியும் நானும் சீரியல்!

பிரபல தொலைக்காட்சி தொடரான அபியும் நானும் தனது பயணத்தை விரைவில் முடிக்கவுள்ளது. நம்பத் தகுந்த வட்டாரங்களின்படி, இத்தொடர் பிப்ரவரி 25 அன்று முடிவடைகிறது.

அக்டோபர் 2020-ல் இந்த சீரியல் தனது ஒளிபரப்பை தொடங்கியது. தற்போது 867 எபிசோடுகளை கடந்துள்ள அபியும் நானும் சீரியல், விரைவில் முடிவடைகிறது. அபியும் நானும் கன்னட தொடரான 'அபி மாட்டு நானு'வின் ரீமேக்காக ஒளிபரப்பாகி பார்வையாளர்களிடையே மிகவும் பிரபலமாகியுள்ளது.

அபியும் நானும் சீரியலில் அரவிந்த் ஆகாஷ், ரியா மனோஜ், வித்யா மோகன், பேபி நிதிஷ் மற்றும் பலர் முக்கிய வேடங்களில் நடித்துள்ளனர். இவர்களுடன் லதா சேதுபதி, யமுனா சின்னதுரை, கிரிஜா, ரம்யா கவுடா, அகிலா பிரகாஷ், குறிஞ்சி நாதன் மற்றும் ராஜ்கமல் ஆகியோரின் நடிப்பு பெரிதும் பாராட்டப்பட்டது.

அபியும் நானும் சீரியலை எழுதி இயக்கியவர் நடராஜன். ஆர்.பி.சத்தியமூர்த்தி ஒளிப்பதிவு செய்ய, படத்தொகுப்பை எம்.எஸ்.தியாகராஜன், எம்.பிரபாகரன், முருகேசன் கணேசன் ஆகியோர் செய்திருந்தனர்.

இந்தத் தொடரின் கதைக்களம் அபி என்றழைக்கப்படும் அபிராமியை பற்றியது. அவள் ஒரு பணக்கார குடும்பத்தில் டிரைவராக வேலை செய்யும் சரவணனன் என்பவரின் வளர்ப்பு மகள். சரவணனின் முதலாளியான மீனாவுடன் அவளுக்கு ஒரு பிணைப்பு உருவாகிறது. மீனா தான் அபியின் உண்மையான அம்மா என்பது பின்னர் தெரிய வந்தது குறிப்பிடத்தக்கது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.