Home /News /entertainment /

ஒரு வழியா ராஜா ராணி 2 சீரியலில் அது நடந்துடுச்சு.. ரசிகர்கள் செம்ம ஹாப்பி!

ஒரு வழியா ராஜா ராணி 2 சீரியலில் அது நடந்துடுச்சு.. ரசிகர்கள் செம்ம ஹாப்பி!

ராஜா ராணி பார்வதி

ராஜா ராணி பார்வதி

ராஜா ராணி 2 சீரியலில் பார்வதி பாஸ்கர் திருமணம் எந்த பிரச்சனையும் இன்றி முடிந்து விட்டது

    ராஜா ராணி 2 சீரியல் ரசிகர்களுக்கு சூப்பரான அப்டேட் தற்போது வெளியாகியுள்ளது. ரசிகர்கள் ஆவலுடன் காத்துக் கொண்டிருக்கும் எபிசோட்,  பார்வதி மற்றும் பாஸ்கர் கல்யாணம். இந்நிலையில் இருவருக்கும் ஒருவழியாக கல்யாணம் முடிந்து விட்டது.

    விஜய் தொலைக்காட்சியில் ஒளிபரப்பாகி வரும் சீரியல்களில் ‘ராஜா ராணி 2 ’ சீரியல் ரசிகர்கள் மனதில் தனி இடம் பிடித்ததுள்ளது. அதற்கு முக்கியமான காரணம் ஆல்யா - சித்து என்று சொன்னால் அது மிகையாகாது. சீரியலின் ஒன்லைன் பார்த்தால், ஐ.ஏ.எஸ். அதிகாரியாக ஆக வேண்டும் என நினைத்த சந்தியாவிற்கு, எதிர்பாராதவிதமாக சரவணன் உடன் திருமணம் நடக்கிறது. திருமணமான பிறகு சந்தியாவின் லட்சியத்தை அறிந்து கொள்ளும் சரவணன், அவரது கனவை நிறைவேற்ற குடும்பத்தினருக்கு தெரியாமல் உதவி வருகிறார். ஏனென்றால் படிக்கவில்லை என நினைத்த மருமகள் நன்றாக படித்திருப்பதே சரவணனின் அம்மாவிற்கு பேரதிர்ச்சியாக இருந்தது. அதன் பின்னர் சந்தியாவை அவரது மாமியார் புரிந்து கொண்டார். இப்போது தான் குடும்பத்தினர் சந்தியாவை ஏற்றுக்கொண்டதால், சரவணன் யாருக்கும் தெரியாமல் அவரை ஐ.ஏ.எஸ் ஆக்க முயற்சித்து வருகிறார்.

    விறுவிறுப்பான திருப்பங்களுடன் சீரியல் ஓடிக்கொண்டிருக்கிறது. ஆனால் ஆல்யா தான் மிஸ்ஸிங். அவருக்கு 2வது குழந்தை பிறந்துள்ளதால் ஆல்யா சீரியலில் இருந்து விலகி விட்டார்.தற்போது ஆல்யா மானசா நடித்து வந்த சந்தியா கேரக்டரில் ரியா என்பவர் நடித்து வருகிறார். அவரின் நடிப்பும் பலரின் பாராட்டுக்களை பெற்றுள்ளது. சீரியலில் கடந்த சில வாரமாக சரவணன் தங்கை பார்வதி கல்யாண எபிசோடு தான் பரபரப்பாக சென்றுக் கொண்டிருக்கிறது.



    அதாவது ஒரு பக்கம் விக்கியும் அர்ச்சனாவும் இந்த கல்யாணத்தை எப்படியாவது நிறுத்த வேண்டும் என துடியாய் துடிக்கின்றனர். இந்த பக்கம் அர்ச்சனா சாமியார் வரை சென்று விட்டார். ஆனால் இந்த தடைகளை எல்லாம் தகர்த்து எறிந்து பார்வதி கல்யாணத்தை நடத்தியே தீருவேன் என சந்தியா சபதம் போட்டு இருக்கிறார். மாப்பிள்ளை பாஸ்கருக்கும் விக்கி பற்றிய எல்லா உண்மைகளும் தெரிந்து விட்டது. பார்வதி விக்கி காதலித்த விஷயத்தையும் சரவணன் சொல்லி விட்டார். இப்படி இருக்கையில் பார்வதி திருமணம் நடக்குமா? அர்ச்சனா கடைசி நேரத்தில் ஏதாவது பிரச்சனை செய்வாரா? என ரசிகர்கள் ஆர்வத்துடன் இருக்கின்றனர்.

    இந்நிலையில் இதுக் குறித்த அப்டேட் தற்போது வெளியாகியுள்ளது.அதாவது பார்வதி பாஸ்கர் திருமணம் எந்த பிரச்சனையும் இன்றி முடிந்து விட்டது. இதுக் குறித்த புகைப்படமும்  இணையத்தில் வைரலாகி வருகிறது. பார்வதி - பாஸ்கர் திருமண எபிசோடுகளின் ஷூட்டிங்கும் முடிந்து விட்டது. அடுத்த வாரத்தில் இந்த எபிசோடுகளை சீரியலில் பார்க்கலாம் என தெரிகிறது.



    உடனடி செய்திகளுக்கு இணைந்திருங்கள்
    Published by:Sreeja
    First published:

    Tags: TV Serial, Vijay tv

    அடுத்த செய்தி