Home /News /entertainment /

ஒரு வழியா சந்தியாவை புரிந்து கொண்ட மாமியார் சிவகாமி.. ஆனால் அதுக்குள்ள இப்படி ஆயிடுச்சு!

ஒரு வழியா சந்தியாவை புரிந்து கொண்ட மாமியார் சிவகாமி.. ஆனால் அதுக்குள்ள இப்படி ஆயிடுச்சு!

ராஜா ராணி 2

ராஜா ராணி 2

சிவகாமி அம்மாவுக்கு உடனே ஆப்ரேஷன் செய்ய வேண்டும் என பாரதி சொல்லி விடுகிறார்.

    ராஜா ராணி 2 தொடரில் இன்றைய எபிசோடில் சந்தியா மீது எந்த தவறும் இல்லை என்பதை மாமியார் சிவகாமி புரிந்து கொள்கிறார்.

    ராஜா ராணி 2 - பாரதி கண்ணம்மா மகா சங்கமம் எபிசோடு தற்போது ஒளிப்பரப்பாகி வருகிறது. இந்த எபிசோடில் சாமியாரின் பொய் மற்றும் பித்தலாட்டத்துக்கு முடிவு கட்டப்படுகிறது. அதாவது, போலி சாமியாரை கண்ணம்மாவும் சந்தியாவும் கண்டுபிடித்து பொதுமக்களிடம் சாட்சியுடன் நிரூப்பிக்கிறார்கள். நேற்றைய எபிசோடில் சாமியார் பேசிய வீடியோவை சந்தியா எல்லோருக்கும் காட்டி விட்டார். இப்படி இருக்கையில் இன்றைய எபிசோடில் சந்தியா மீது எந்த தவறும் இல்லை என்பது சிவகாமி அம்மாவுக்கு தெரிய வருகிறது. இதனால் அவர் சந்தியாவிடம் மன்னிப்பு கேட்கிறார்.

    பாலாவின் அந்த மனசுக்கு கிடைத்த 3 லட்சம்.. குக் வித் கோமாளி கடைசி நேர திருப்பம்!

    இது சரவணன் குடும்பத்தில் அடிக்கடி நடப்பது தான். அதன் பின்பு சந்தியா போலீஸ் ஆக சிவகாமி அம்மா ஏற்றிய 3 விளக்கில் ஒரு விளக்கை இந்த பிரச்சனையால் அணைத்து விட்டார். அது அவருக்கு ஞாபகத்திற்கு வர, உடனே தலை சுற்றி கீழே விழுந்து விடுகிறார். குடும்பத்தில் இருப்பவர்கள் பதறி போய் சிவகாமி அம்மாவை ஆஸ்பிட்டலுக்கு அழைத்து செல்கின்றனர். அவருக்கு பாரதி ட்ரீட்மெண்ட் பார்க்க, அனைவரும் பயந்து போய் நிற்கின்றனர்.

    மிகப் பெரிய பிரச்சனையில் இருந்து இப்போது தான் சந்தியா, பார்வதி, கண்ணம்மா தப்பித்து வந்தார்கள். அதற்குள் மீண்டும் சரவணன் குடும்பத்தில் புயல் வீச தொடங்குகிறது. சிவகாமி அம்மாவுக்கு உடனே ஆப்ரேஷன் செய்ய வேண்டும் என பாரதி சொல்லி விடுகிறார். இதனால் அனைவரும் அழ  தொடங்குகின்றனர். மைனர் ஆப்ரேஷன் தான் என்று பாரதி சொல்கிறார். இந்த நேரம் பார்த்து அர்ச்சனா அங்கு வருகிறார்.

    பாலாஜி முருகதாஸ் வாழ்க்கையில் சந்தோஷமான நாள்.. வாழ்த்துக்களை ஷேர் செய்யும் ரசிகர்கள்!

    பெரிய பிரச்சனை நடக்கும் சந்தியாவை சிவகாமி வீட்டை விட்டு துரத்துவார் என ஆவலுடன் அர்ச்சனா காத்துக் கொண்டிருந்தார். ஆனால் கடைசியில் எல்லாமே மாற  எரிச்சலுடன் செந்திலிடம் சண்டை போடுகிறார். இதோடு இன்றைய எபிசோடு முடிகிறது. இந்த வாரத்துடன் மகா சங்கமம் எபிசோடும் நிறைவு பெறுகிறது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
    Published by:Sreeja
    First published:

    Tags: Television, TV Serial, Vijay tv

    அடுத்த செய்தி