Home /News /entertainment /

அமீருக்கும் உங்களுக்கும் எப்போது திருமணம் - பிக் பாஸ் பாவ்னியின் அதிரடி பதில்!

அமீருக்கும் உங்களுக்கும் எப்போது திருமணம் - பிக் பாஸ் பாவ்னியின் அதிரடி பதில்!

பாவ்னி - அமீர்

பாவ்னி - அமீர்

அமீர் பாவ்னிக்கு தனது காதலை தெரிவித்து இருந்தாலும் பாவ்னி தனக்கு அமீரின் மீது காதல் இருந்ததாக எங்கும் குறிப்பிடவில்லை.

விஜய் டிவியின் மிகப்பெரிய ஹிட்டான பிக் பாஸ் நிகழ்ச்சி மக்களின் பேராதரவோடு ஒவ்வொரு சீசனிலும் வெற்றிநடை போட்டது. தினசரி பிக் பாஸ் வீட்டுக்குள் நடக்கும் புரோமோவைப் பார்ப்பதற்காகவே ஒரு கூட்டம் எப்போதும் இருக்கும். அதே போன்று அந்த புரோமோவை வைத்து அடுத்து நடக்க உள்ள மற்றவற்றையும் எளிதில் கணித்து விடுவார்கள் பிக் பாஸ் ரசிகர்கள். அந்த அளவிற்கு பிக் பாஸ் மோகம் கொண்டவர்கள் இங்கு அதிகம். இதுவரை 5 பிக் பாஸ் சீசன்கள் வெற்றிகரமாக முடிவு பெற்றுள்ளது. ஒவ்வொரு சீசனிலும் நாம் எதிர்பாராத திருப்பங்களும், சில நல்ல விஷயங்களும் இருப்பதுண்டு.

பொதுவாக பிக் பாஸ் நிகழ்ச்சி என்றாலே எல்லோருக்கும் மிகவும் பிடிக்கும். அதே போன்று இது பொழுதுபோக்கான நிகழ்ச்சியும் கூட. 5 சீசன்கள் இருந்தாலும் பலருக்கும் பிடித்தது பிக் பாஸ் சீசன் 1 தான். இதற்கு காரணம் அந்த சீசனில் இருந்த ஓவியா என்று தான் சொல்லியாக வேண்டும். முக்கியமாக ஓவியா மற்றும் ஆரவ் இருவரின் காதல் கதை ரசிகர்களை வெகுவாக கவர்ந்து இருந்தது. அதே போன்று அடுத்தடுத்த சில சீசன்களிலும் இது போன்ற சுவாரஸ்யமான காதல் கதைகள் இருந்தன. இந்த காதல் ஜோடிகளை வைத்தே பிக் பாஸ் நிகழ்ச்சியில் பல திருப்பங்களை கொண்டு வந்து உள்ளனர்.

அந்த வகையில் இறுதியாக சில மாதங்களுக்கு முன்பு முடிந்த பிக் பாஸ் சீசன் 5 நிகழ்ச்சியிலும் இது போன்ற ஒரு காதல் கதை இருந்தது. பாவ்னி மற்றும் அமீரின் காதல் கதை தான். அமீர் பாவ்னிக்கு தனது காதலை தெரிவித்து இருந்தாலும் பாவ்னி தனக்கு அமீரின் மீது காதல் இருந்ததாக எங்கும் குறிப்பிடவில்லை. இருப்பினும் நெட்டிசன்கள் சும்மா விடுவார்களா! தீக்குச்சி கிடைத்தாலே வீட்டை பற்றி விடுவார்கள். இப்படி ஒரு கன்டென்ட் கிடைத்திருந்தால் இதை உண்மையான காதல் கதையை போன்று மாற்றி விட்டனர். எனவே பாவ்னி எங்கு சென்றாலும் இது குறித்த கேள்விகள் சாதாரணமாக வர தொடங்கியது.

சமீபத்தில் மகளிர் தின ஸ்பெஷலாக சென்னையில் உள்ள ஒரு கல்லூரிக்கு சிறப்பு விருந்தினராக பாவ்னி அழைக்கப்பட்டு இருந்தார். அந்த நிகழ்ச்சியில்  பிக் பாஸ் நிகழ்ச்சியின் தனது அனுபவங்களை சில வரிகள் பகிர்ந்து கொண்டார். அதே போன்று ஆரம்பித்ததில் இருந்து இறுதி வரை தனக்கு ஓட்டு போட்ட அனைத்து மக்களுக்கும் நன்றியையும் தெரிவித்து கொண்டார். தொடக்கத்தில் இருந்தே நாமினேஷனில் அவர் இருந்தாலும் தன்னை காப்பாற்றியதற்கு நன்றி என்றும் கூறிக்கொண்டார்.

Also read... மாறன் படம் எப்படி இருக்கு? திரை விமர்சனம்

மேலும் பெண்கள் தினத்தை அனுசரிக்கும் விதமாக பெண்கள் எப்போது தைரியமாக இருக்க வேண்டும், திருமணத்திற்கு பிறகும் பெண்கள் தனது கணவரை எதிர்ப்பார்க்காமல் தானாக தன்னை பார்த்துக்கொள்ள வேண்டும், சுதந்திரமாக இருக்க வேண்டும் போன்ற கருத்துக்களை பகிர்ந்து கொண்டார். அதே போன்று நிகழ்ச்சியின் இறுதியில் அமீருடன் திருமணம் குறித்து சில கல்லூரி மாணவர்கள் கேட்டனர். அதற்கு பாவ்னி, தனக்கு தற்போது வீட்டில் மாப்பிள்ளை பார்ப்பதாக கூறியுள்ளார். மேலும் அமீர் ஒரு நல்ல நண்பர். அதைத் தவிர்த்து வேறு ஒன்றுமில்லை என்று பதில் கூறியுள்ளார்.
Published by:Vinothini Aandisamy
First published:

Tags: Bigg Boss Tamil 5

அடுத்த செய்தி