Home /News /entertainment /

அந்த விஷயத்திற்காக மீனாவை போட்டு கொடுத்த ஐஸ்வர்யா.. பாண்டியன் ஸ்டோர்ஸில் அடுத்த சண்டை!

அந்த விஷயத்திற்காக மீனாவை போட்டு கொடுத்த ஐஸ்வர்யா.. பாண்டியன் ஸ்டோர்ஸில் அடுத்த சண்டை!

பாண்டியன் ஸ்டோர்ஸ்

பாண்டியன் ஸ்டோர்ஸ்

மீனாவுக்கு எல்லா விஷயமும் முன்னாடியே தெரியும் என தனத்திடம் போட்டு கொடுக்கிறார்.

  • News18 Tamil
  • 2 minute read
  • Last Updated :
  • Tamil Nadu, India
    பாண்டியன் ஸ்டோர்ஸ் சீரியலில் இன்றைய எபிசோடில் மீனா பெயருக்கு மூர்த்தியின் பூர்வீக வீடு ரெஜிஸ்டர் செய்து கொடுக்கப்படுகிறது. மீனா அப்பா ஜனார்த்தன் போட்ட திட்டம் ஏற்கெனவே மீனாவுக்கு தெரியும் என போட்டு கொடுக்கிறார் ஐஸ்வர்யா.

    மூர்த்தியின் வீட்டை மீனா அப்பா வாங்கி கொள்கிறேன் என சொன்னது ஆரம்பம் முதலே யாருக்கும் பிடிக்கவில்லை. சொல்லப்போனால் அவர் ஆரம்பித்த சண்டையால் தான் கதிர் - முல்லை வீட்டை விட்டு வெளியேறினர். இப்படி இருக்கையில் அவர் வில்லங்கமான மனிதர் என்பதால் மூர்த்தி, ஜீவா, தனம் எல்லோரும் அவருக்கு வீட்டை விற்பதில் தயக்கம் காட்டினர். ஆனால் மீனா , மூர்த்தியிடம் தெளிவாக பேசி சம்மதம் வாங்கினார். மூர்த்தியும் ஜனார்த்தனுக்கு கொடுத்து விடலாம் என நினைக்கிறார். ஆனால் இதில் முல்லையின்  அக்கா, அம்மாவுக்கு விருப்பம் இல்லை. அவர்கள் எற்கெனவே வீட்டுக்கு வந்து சண்டையும் போடுகின்றனர். ஆனால் எல்லோரையும் மீறி மீனா அப்பாவுக்கு மூர்த்தி வீட்டை விற்கிறார்.

    சீரியலில் மட்டுமில்லை நிஜத்திலும் அதுதான் உண்மை! ரகசியம் சொன்ன பாண்டவர் இல்லம் சீரியல் நடிகை!

    இப்படி இருக்கையில் நேற்றைய தினம், மீனாவின் அப்பா தனது மகள் மீனா பெயரில் தான் வீட்டை ரெஜிஸ்டர் செய்கிறார் என்ற விஷயம் அனைவருக்கும் தெரிய வந்தது. எல்லோரின் முகமும் மாறியது. இந்நிலையில் இன்றைய எபிசோடில் இந்த விஷயத்தை கேட்டதும் மீனாவும் ஷாக் ஆகிறார். ஆனால் ஜனார்த்தன்   நான் வாங்கும் சொத்து எல்லாமே  உனக்கு தான் என கூறி கையெழுத்து போட வைக்கிறார்.  அவர் நினைத்தப்படியே மூர்த்தியின் பூர்வீக வீடு மீனாவுக்கு செல்கிறது. வீட்டில் இருந்த அனைவருக்கும் இது சின்ன வருத்தத்தை தருகிறது. ஆனால் மீனாவுக்கு உண்மையில் இந்த விஷயம் முன்பே தெரியாது.

    ஒரே மேடையில் இந்து - முஸ்லீம் முறைப்படி திருமணம்.. ஷாக் கொடுத்த அமீர் - பாவ்னி!

    இது தெரியாமல் ஐஸ்வர்யா, மீனாவுக்கு எல்லா விஷயமும் முன்னாடியே தெரியும் என தனத்திடம் போட்டு கொடுக்கிறார். ஆனால் தனம் அப்படி இருக்காது என உறுதியாக கூறுகிறார். கதிரும் முல்லையும் ஓரமாக நிற்கிறார்கள். ஜனார்த்தன் முன்பே இந்த விஷயத்தை சொல்லி இருந்தால் இந்த சங்கடம் வந்து இருக்காது என கதிர் சொல்கிறார். இதை பற்றி ஜீவாவும் அவரின் மாமாவிடம் கேட்கிறார். அதற்கு மீனா அப்பா ஒரே வார்த்தையில் என் சொத்து எப்போதுமே என் மகளுக்கு தான் இது உங்களை சங்கடப்படுத்தி இருந்தால் மன்னித்துக் கொள்ளுங்கள் என பிரச்சனையை முடித்து விடுகிறார. எல்லோரும் மீனாவின் வீட்டுக்கு விருந்து சாப்பிட கிளம்புகிறார்கள். கதிர் , முல்லை மட்டும் வழக்கம் போல் ஹோட்டலுக்கு கிளம்புகிறார்கள்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
    Published by:Sreeja
    First published:

    Tags: Pandian Stores, TV Serial, Vijay tv

    அடுத்த செய்தி