கயல் பாப்பாவை காணவில்லை.. பதற்றத்தில் பாண்டியன் ஸ்டோர்ஸ் மீனா!

பாண்டியன் ஸ்டோர்ஸ் சீரியலில் இன்றைய எபிசோடில் கயல் பாப்பாவை காணவில்லை என மீனா தேடுகிறார். ஆனால் எபிசோடின் முடிவில் கண்ணன் மாட்டிக் கொள்கிறார்.

கதைப்படி இப்போது பாண்டியன் ஸ்டோர்ஸ் குடும்பம் இரண்டாக பிரிந்து விட்டது. கதிர் - முல்லை வீட்டை விட்டு வெளியேறி தனியாக இருக்கிறார்கள். இப்படி இருக்கையில் கதிரை நினைத்து தனம் அண்ணி, மூர்த்தி, ஜீவா, கண்ணன், ஐஸ்வர்யா எல்லோரும் கவலைப்படுகின்றனர். ஆனால் குட்டி அண்ணி மீனா மட்டும் அவர்கள் பிளான் செய்து வீட்டை விட்டு காலி செய்ததாக அவர்கள் மீது கோபம் கொள்கிறார்,  பேசுவதை தவிர்க்கிறார். இப்படி இருக்கையில் இன்றைய எபிசோடில் ஆர்வக்கோளாறில் கண்ணன் ஒரு தப்பை செய்து விடுகிறார்.

4 மணி நேரம்.. செம்பருத்தி சீரியல் ரசிகர்களுக்கு முக்கியமான அறிவிப்பு!



கயல் பாப்பாவை கதிர் வீட்டுக்கு அழைத்து செல்கிறார். அங்கு கயலை பார்த்ததும் கதிர், முல்லை குஷி ஆகிவிடுகின்றனர். கொஞ்சம் நேரம் கொஞ்சி விளையாடுகின்றனர். அதற்குள் கயல் பாப்பாவை காணவில்லை என மீனா ஊரை கூட்டுகிறார். மூர்த்தி, ஐஸ்வர்யாவிடம் மாறி மாறி கேட்டு துடித்து போகிறார். கயல் பாப்பா கண்ணனிடம் தான் இருக்கிறாள் என்று ஐஸ்வர்யா எவ்வளவு சொல்லியும் மீனா கேட்கவில்லை. இதனால் கண்ணனுக்கு உடனே மீனா ஃபோன் செய்கிறார். ஆனால் கண்ணன் பயத்தில் மீனாவின் ஃபோனை எடுக்கவில்லை. இதனால் வீட்டில் பதற்றம் அதிகரிக்கிறது.

அதற்குள் மூர்த்தியும் மீனாவை சமாதானம் செய்கிறார். கடைசியில் தனத்திற்கு ஃபோன் செய்கின்றனர். தனம் உடனே கண்ணனுக்கு ஃபோன் அடிக்கிறார். தனம் அண்ணி ஃபோனை பார்த்ததும் கண்ணன் ஃபோனை எடுத்து பேசி கயல் பாப்பா என்னிடம் தான் இருக்கிறாள் என்கிறார். இந்த தகவலை தனம், மீனாவிடம் சொன்ன பின்பு தான் அவருக்கு உயிரே வருகிறது. கடைசியில் குழந்தையுடன் கண்ணன் வீடு வந்து சேர அனைவரும் திட்டி தீர்க்கின்றனர்.

அர்ஜூன் - ரோஜா சேர்வார்களா? எதிர்பார்ப்பில் ரசிகர்கள்!

அது இது என்று காரணம் சொல்லி கண்ணன் தப்பித்து விடுகிறான். ஆனால் கடைசியில் கண்ணனே உண்மையை சொல்லி மாட்டிக் கொள்கிறான். அதாவது கயல் பாப்பாவுக்கு முல்லை அண்ணி சாப்பாடு ஊட்டினார் என கண்ணன் உளற மீனா கண்டுப்பிடித்து விட்டார். இதோடு இன்றைய எபிசோடு முடிகிறது. நாளைக்கு கண்ணனுக்கு சம்பவம் இருக்கு.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.