Home /News /entertainment /

ஹீரோவை விட ஹீரோயினுக்கு சம்பளம் அதிகம்.. பாண்டியன் ஸ்டோர்ஸ் சீரியல் நடிகர்களின் ஒருநாள் சம்பளம்!

ஹீரோவை விட ஹீரோயினுக்கு சம்பளம் அதிகம்.. பாண்டியன் ஸ்டோர்ஸ் சீரியல் நடிகர்களின் ஒருநாள் சம்பளம்!

பாண்டியன் ஸ்டோர்ஸ்

பாண்டியன் ஸ்டோர்ஸ்

பாண்டியன் ஸ்டோர்ஸ் தனம் அண்ணியாக நடிக்கும் நடிகை சுஜிதா தான் அதிக சம்பளம் வாங்குகிறார்

    பாண்டியன் ஸ்டோர்ஸ் சீரியல் நடிகர்களின் ஒருநாள் சம்பளம் குறித்த விவரங்கள் இணையத்தில் வேகமாக பரவி வருகின்றன. இதில் கவனிக்க வேண்டிய விஷயம் என்னவென்றால் இந்த சீரியல் குழுவில் அதிக சம்பளம் வாங்கும் நபராக இருக்கிறார் தனமாக நடிக்கும் சுஜிதா.

    சின்னத்திரையில் ஒளிபரப்பாகிக் கொண்டிருக்கும் தமிழ் சீரியல்களில் டாப் 3ல் இருக்கும் சீரியல் பாண்டியன் ஸ்டோர்ஸ். விஜய் டிவியில் நாள்தோறும் இரவு 8.30 மணிக்கு ஒளிபரப்பாகிக் கொண்டிருக்கிறது. பாண்டியன் ஸ்டோர்ஸ் சீரியல் இத்தனை எபிசோடுகளை கடந்து மிகப் பெரிய வெற்றி பயணத்தில் செல்ல மிக முக்கியமான காரணம், இந்த சீரியல் மற்ற எல்லா சீரியலில் இருந்து வேறுப்பட்டு நிற்பது தான். சீரியல் என்றாலே மாமியார் மருமகள் சண்டை, வில்லி, பழிவாங்குவது என பழைய பாட்டை பாடாமல் வில்லன், வில்லி எதுவும் இல்லாமல் குடும்பத்தில் நடக்கும் பிரச்சனைகள், அந்த பிரச்சனைகளை தாண்டி எப்படி கூட்டு குடும்பமாக சேர்ந்து வாழ்கிறார்கள் இப்படி தான் பாண்டியன் ஸ்டோர்ஸ் சீரியல் இன்று வரை சென்று கொண்டிருக்கிரது.

    இதையும் படிங்க.. சன் டிவி சுந்தரி சீரியலுக்கு கிடைத்த மிகப் பெரிய பெருமை.. தாங்க முடியாத சந்தோஷத்தில் கேப்ரில்லா!

    டி. ஆர்.பி ரேட்டிங்கிலும் பாண்டியன் ஸ்டோர்ஸ் சீரியலுக்கு முதல் 5 இடங்களில் இடம் கிடைத்து விடுகிறது. இதில் நடிக்கும் நடிகர் நடிகைகளுக்கு தனிப்பட்ட முறையில் ஏகப்பட்ட ஃபேன்ஸ் கூட்டமே இருக்கிறது. இந்த சீரியல் தொடங்கிய நாளிலிருந்து இப்போது வரை அதே நடிகர்கள், நடிகைகள் நடித்து வருவதால் ஒரு குடும்பமாகவே ரசிகர்கள் பாண்டியன் ஸ்டோர்ஸ் சீரியல் குழுவை பார்த்து வருகின்றனர். இடையில் சித்ராவின் மரணத்திற்கு பிறகு காவ்யா முல்லையாக நடித்து வருகிறார். அதே போல் ஐஸ்வர்யா ரோலில் சாய் காயத்ரி நடித்து வருகிறார். இவர்களையும் ரசிகர்கள் ஏற்றுக் கொண்டு விட்டனர்.

    லட்சுமி அம்மா இறப்பு, கண்ணன் ஐஸ்வர்யா திருமணம் எபிசோடுகளில் பாண்டியன் ஸ்டோர்ஸ் சீரியல் டி.ஆர்.பியில் முதலிடத்தில் வந்து பாரதி கண்ணம்மா சீரியலை ஓரங்கட்டி இருக்கிறது. இது போன்ற பல சாதனைகளுக்கு சொந்தமான பாண்டியன் ஸ்டோர்ஸ் சீரியலில் லீட் ரோலில் சுஜிதா, ஸ்டாலின் முத்து, வெங்கட், குமரன், ஹேமா ராஜ்குமார் ஆகியோர் நடித்து வருகின்றனர். இந்நிலையில் இவர்கள் ஒரு நாளைக்கு சீரியலில் வாங்கும் சம்பளம் குறித்த தகவல்கள் இணையத்தில் வெளியாகியுள்ளன. ஆனால் இதுக் குறித்த எந்த ஒரு அதிகாரப்பூர்வ தகவலும் கிடைக்கவில்லை.

    இதையும் படிங்க.. மகனை பார்த்து கதறி அழுத சர்வைவர் விஜயலட்சுமி!

    இருப்பதிலே தனம் அண்ணியாக நடிக்கும் நடிகை சுஜிதா தான் அதிக சம்பளம் வாங்குகிறார். அவர் ஒருநாளைக்கு ரூ. 17,000 பேமெண்டாக வாங்குவதாக கூறப்படுகிறது. மூர்த்தியாக நடிக்கும் ஸ்டாலின் ஒருநாளைக்கு ரு. 12,000, கதிர் – ரூ .10,000
    ஜீவா – ரூ. 10,000, கண்ணன் – ரூ. 6,000, மீனா – ரூ. 8000, முல்லை – ரூ. 8000, ஐஸ்வர்யா – ரூ. 8000 என இவர்கள் அனைவரும் பெறும் சம்பளம் குறித்த விவரம் இணையத்தில் வைரலாகி வருகிறது.



    உடனடி செய்திகளுக்கு இணைந்திருங்கள்
    Published by:Sreeja
    First published:

    Tags: TV Serial, Vijay tv

    அடுத்த செய்தி