Home /News /entertainment /

காதலரை கரம் பிடித்த நாகினி மெளனி ராய்... கோலாகலமாக நடைபெற்ற திருமணம்!

காதலரை கரம் பிடித்த நாகினி மெளனி ராய்... கோலாகலமாக நடைபெற்ற திருமணம்!

மெளனி ராய் திருமணம்

மெளனி ராய் திருமணம்

நடிகை மௌனி ராய் - தொழிலதிபர் சூரஜ் நம்பியார் திருமணம் கோலாகலமாக நடந்துள்ளது.

    சின்னத்திரையில் ஒளிபரப்பாகி வரும் பல்வேறு நிழச்சிகளுக்கு மத்தியில் பல சீரியல்கள் ரசிகர்களின் மனதில் தனி இடம் பிடித்து உள்ளன. பல நேரடி சீரியல்கள் சின்னத்திரை ரசிகர்கள் மத்தியில் ஹிட் ஆவது போலவே வேற்று மொழிகளில் இருந்து டப்பிங் செய்யப்பட்டு தமிழில் ஒளிபரப்பான பல சீரியல்களும் ரசிகர்களின் அமோக ஆதரவை பெற்று வெற்றிகரமாக ஓடின. அந்த வகையில் நாக கன்னிகளின் வாழ்க்கையை மையமாக வைத்து எடுக்கப்பட்ட வித்தியாசமான சீரியலான நாகினி ரசிகர்களிடம் பெரும் வரவேற்பை பெற்ற மெகா ஹிட் சீரியல் ஆகும்.

    நாகினி சீரியல் மூலம் தமிழ் சின்னத்திரை ரசிகர்களின் நெஞ்சங்களை கொள்ளை கொண்டவர் பிரபல நடிகை மௌனி ராய். நாகினி 1 மற்றும் நாகினி 2 சீரியல்களில் ஷிவாங்கி மற்றும் ஷிவானி உள்ளிட்ட கேரக்டர்களில் லீட் ரோலில் நடித்து ரசிகர்களை வெகுவாக கவர்ந்தார். நாகினி சீரியல் மூலம் ரசிகர்கள் மத்தியில் அடைந்த புகழ் மற்றும் பெயர் காரணமாக பாலிவுட் படங்களில் நடித்து கலக்கி வருகிறார். சோஷியல் மீடியாவிலும் எப்போதும் ஆக்ட்டிவாக இருப்பவர் மௌனி ராய். இவரும் இளம் தொழிலதிபரான சூரஜ் நம்பியாரும் கடந்த பல மாதங்களாக காதலித்து வருவதாக தொடர்ந்து கிசுகிசுக்கள் வெளியானது.

    இவற்றை உறுதிப்படுத்தும் வகையில் இருவரும் இணைந்து வெளிநாடுகளில் ஜாலியாக சுற்றி திரிந்த போட்டோக்கள் சோஷியல் மீடியாக்களில் வைரல் ஆனது. இதனை தொடர்ந்து இருவரும் எப்போது திருமணம் செய்து கொள்ள போகிறார்கள் என்ற எதிர்பார்ப்பு ரசிகர்கள் மத்தியில் எழுந்தது. இதனிடையே கடந்த மாதம் மௌனி ராயின் நெருங்கிய உறவினர் ஒருவர் இருவருக்கும் புத்தாண்டில் திருமணம் நடக்கும், ரசிகர்கள் நிச்சயம் எதிர்பார்க்கலாம் என்று கூறி இருந்தார்.

    மகன் சொன்ன பதிலைக் கேட்டு அதிர்ச்சியில் உறைந்த தனுஷ்-ஐஸ்வர்யா ரஜினிகாந்த்?

    இந்நிலையில் அவர் சொன்னது போலவே இன்று நடிகை மௌனி ராய் - தொழிலதிபர் சூரஜ் நம்பியார் திருமணம் கோலாகலமாக நடந்து உள்ளது. மௌனி ராய் தனது துபாயை சேர்ந்த காதலன் சூரஜ் நம்பியாரை கோவாவில் இன்று திருமணம் செய்து கொண்டார். மௌனியுடன் நாகினி சீரியலில் நடித்த இணை நடிகரான அர்ஜுன் பிஜ்லானி, திருமண விழாவில் பங்கேற்றதோடு மணமகனும், மணமகளும் இருக்கும் போட்டோவை சோஷியல் மீடியாவில் பகிர்ந்துள்ளார். அவர் சூரஜ் மற்றும் மௌனியை "Mr and Mrs நம்பியார்" என்ற கேப்ஷனோடு குறிப்பிட்டு உள்ளார்.



     




    View this post on Instagram





     

    A post shared by Filmy Gupshup (@filmygupshups)






    இதனை தொடர்ந்து மௌனி திருமணத்தின் பல காட்சிகள் சோஷியல் மீடியாக்களில் வைரலாகி வருகின்றன. புதுமணத் தம்பதிகள் குடும்ப உறுப்பினர்களிடமிருந்து ஆசீர்வாதங்களை பெறும் போட்டோவும் வைரலாகி வருகிறது. கோவாவில் மலையாளம் மற்றும் பெங்காலி சடங்குகளின்படி இருவருக்கும் திருமணம் நடந்து முடிந்துள்ளது.



    உடனடி செய்திகளுக்கு இணைந்திருங்கள்
    Published by:Shalini C
    First published:

    Tags: TV actress

    அடுத்த செய்தி