Home /News /entertainment /

பாண்டியன் ஸ்டோர்ஸில் முல்லையாக நடிக்கும் காவ்யாவுக்கு குவியும் வாழ்த்துக்கள்!

பாண்டியன் ஸ்டோர்ஸில் முல்லையாக நடிக்கும் காவ்யாவுக்கு குவியும் வாழ்த்துக்கள்!

பாண்டியன் ஸ்டோர்ஸ் முல்லை

பாண்டியன் ஸ்டோர்ஸ் முல்லை

பாண்டியன் ஸ்டோர்ஸ் சீரியலை விட்டு காவ்யா அறிவுமணி விலகுவதாக தகவல்கள் வெளியாகின.

    விஜய் டிவியில் ஒளிபரப்பாகி வரும் பாண்டியன் ஸ்டோர்ஸ் சீரியல், ரசிகர்கள் மத்தியில் பெரும் வரவேற்பை பெற்ற சீரியல்களில் முக்கியமானது. இந்த சீரியலில் நடிக்கும் ஒவ்வொரு நடிகர், நடிகைகளும் தமிழ் மக்கள் மத்தியில் அவ்வளவு ஃபேம்ஸ். இவர்களின் நிஜப்பெயர்களை கூட அவர்கள் மறந்துவிட்டார்கள். தனம் அண்ணி, மீனா, மூர்த்தி அண்ணன், கதிர் தம்பி என்று தான்  ரசிகர்கள் சோஷியல் மீடியாவில் அன்போடு அழைக்கின்றனர். இதுதான் இந்த சீரியலுக்கு கிடைத்த வெற்றி என்கிறார் இந்த சீரியலின் இயக்குனர்.

    தமிழில் இந்த சீரியல் கொடுத்த ஹிட்டால் தெலுங்கில் ‘வடிநம்மா’ என்ற பெயரிலும், கன்னடத்தில் ‘வரலக்‌ஷ்மி ஸ்டோர்ஸ்’ என்றும் ஒளிபரப்பாகி வருகிறது.பாண்டியன் ஸ்டோர்ஸ் சீரியலின் ஹிட்டுக்கு கதிர் - முல்லை ஜோடியின் ரொமான்ஸ் மிகப் பெரிய காரணம் எனலாம். இதில் முல்லையாக நடித்து வந்த விஜே சித்ரா, சென்னை நசரத்பேட்டையில் உள்ள தனியார் விடுதியில் தூக்கிட்டு தற்கொலை செய்து கொண்டார். அவருடைய மறைவு ரசிகர்கள் மத்தியில் பெரும் சோகத்தை ஏற்படுத்தியது.



     




    View this post on Instagram





     

    A post shared by Tamil Serials (@tamilserialexpress)






    அதற்கடுத்து முல்லை கதாபாத்திரத்தில் நடிக்க ஒப்பந்தமானவர் காவ்யா அறிவுமணி. முதலில் ரசிகர்கள் அவரை அவ்வளவாக ஏற்றுக்கொள்ளாவிட்டாலும், போகப்போக வரவேற்பைப் பெற்றார். இந்நிலையில் பாண்டியன் ஸ்டோர்ஸ் சீரியலின் முல்லை ரோலில் காவ்யா மிகச் சிறப்பாக பொருந்துவிட்டார்.



     




    View this post on Instagram





     

    A post shared by kaavya⭐ (@kaavyaarivumanioffl)






    இடையில் சீரியலை விட்டு காவ்யா அறிவுமணி விலகுவதாக தகவல்கள் வெளியாகின.ஆனால் அது வெறும் வதந்தி மட்டுமே. சீரியலில் மட்டுமில்லை நிஜத்திலும் பாண்டியன் ஸ்டோர்ஸ் சீரியல் குழு நெருக்கமான நண்பர்களாக பழகி வருகின்றனர். கல்யாணம், பிறந்த நாள், வளைக்காப்பு என இந்த சீரியல் நடிகர், நடிகைகளின் வீட்டில் எந்த விழா நடந்தாலும் அதில் முதலில் குடும்பமாக போய் நிற்கின்றனர்.

    அந்த வகையில் தற்போது முல்லையாக நடிக்கும் காவ்யாவின் பிறந்த நாளை மொத்த சீரியல் குழுவும் கேக் வெட்டி பிரம்மாண்டமாக கொண்டாடியுள்ளனர். இந்த புகைப்படங்கள் இணையத்தில் வைரலாகி வருகின்றன. அதுமட்டுமில்லை ரசிகர்களும் காவ்யா அறிவுமணிக்கு தங்களது வாழ்த்துக்களை தெரிவித்து வருகின்றனர்.



    உடனடி செய்திகளுக்கு இணைந்திருங்கள்
    Published by:Sreeja
    First published:

    Tags: Pandian Stores, TV Serial, Vijay tv

    அடுத்த செய்தி