Home /News /entertainment /

விரைவில் 2 சூப்பர் ஹிட் சீரியல்களின் மெகா சங்கமம் - குஷியில் விஜய் டிவி ரசிகர்கள்

விரைவில் 2 சூப்பர் ஹிட் சீரியல்களின் மெகா சங்கமம் - குஷியில் விஜய் டிவி ரசிகர்கள்

விஜய் தொலைக்காட்சி

விஜய் தொலைக்காட்சி

ஸ்டார் விஜய் டிவி-யில் பல சூப்பர் ஹிட் சீரியல்கள் தற்போது ஒளிபரப்பாகி வருகின்றன விரைவில் 2 சூப்பர் ஹிட் சீரியல்களின் மெகா சங்கமம் நடக்க இருக்கிறது.

தமிழ் சின்னதிரையில் ஒளிபரப்பாகி வரும் பல நிகழ்ச்சிகள் ரசிகர்களிடையே மிகவும் பிரபலமானவையாக உள்ளன. டிவி சேனல்களில் ஒளிபரப்பாவதில் குறிப்பாக ரசிகர்களால் பெரிதும் விரும்பி பார்க்க கூடியதாக இருந்து வருபவை சீரியல்கள்.

சீரியல்கள் ரசிகர்களை மிகவும் கவர்ந்தவையாக இருந்து வருவதற்கு அவற்றின் கதைகளமும், அதில் நடிப்பவர்களின் திறமையும் தான் முக்கிய காரணம். பல சீரியல்கள் மக்களை கவர்ந்து ஹிட் லிஸ்ட்டில் சேர்ந்து உள்ளன. அந்த வகையில் ஸ்டார் விஜய் டிவி-யில் பல சூப்பர் ஹிட் சீரியல்கள் தற்போது ஒளிபரப்பாகி வருகின்றன. பிற சேனல்களில் ஒளிபரப்பாகும் சீரியல்களை விட வித்தியாசமான கதையம்சம் கொண்ட சீரியல்கள் விஜய் டிவி-யில் ஒளிபரப்பப்பட்டு வருகின்றன.

காற்றுக்கென்ன வேலி, பாவம் கணேசன், நம்ம வீட்டு பொண்ணு, தென்றல் வந்து என்னை தொடும், முத்தழகு, ஈரமான ரோஜாவே, நாம் இருவர் நமக்கு இருவர் 2, மௌனராகம் 2, தமிழும் சரஸ்வதியும், பாண்டியன் ஸ்டோர்ஸ், பாக்கியலட்சுமி, பாரதி கண்ணம்மா உள்ளிட்ட பல சூப்பர் ஹிட் சீரியல்கள் ஸ்டார் விஜய் டிவி-யில் ஒளிபரப்பாகி வருகின்றன. இதில் ஃபேமிலி ஆடியன்ஸை 2 கவர்ந்த முக்கிய சீரியல்கள் இரவு 8 மணிக்கு ஒளிபரப்பாகி வரும் பாண்டியன் ஸ்டோர்ஸ் மற்றும் அதற்கு அடுத்து 8.30-க்கு ஒளிபரப்பாகி வரும் பாக்கியலட்சுமி ஆகிய 2 சீரியல்கள் தான்.

மக்களின் மனதை கவர்ந்த குடும்ப சீரியலாக பாண்டியன் ஸ்டோர்ஸ் சீரியலும், இல்லத்தரசிகளின் மனம் கவர்ந்த சீரியலாக பாக்கியலட்சுமி சீரியலும் உள்ளன. பாண்டியன் ஸ்டோர்ஸில் முல்லைக்கு குழந்தை பிறக்க சிகிச்சைகள் அளிப்பது போல எபிசோட்கள் ஒளிபரப்பாகி வருகின்றன. அதே நேரம் பாக்கியலட்சுமியில் பாக்கியா சமைத்த உணவால் ஆதரவற்றோர் இல்லத்தில் குழந்தைகளின் உடல்நலனில் பிரச்சனை ஏற்பட்டது போலவும், பின் அதில் பாக்கியா மீது தவறில்லை என்று நிருபிக்கப்பட்ட போதிலும் ஈஸ்வரி ஃபுட்ஸை தொடர்ந்து நடத்த கூடாது என பாக்கியாவின் கணவன் கோபி வீட்டில் பிரச்சனை செய்வது போலவும் காட்டப்பட்டு வருகிறது.

2 சீரியல்களுக்கும் ஏராளமான ரசிகர்கள் உள்ள நிலையில், விரைவில் இந்த 2 சீரியல்களும் இணைந்து மெகாசங்கமம் ஒளிபரப்பாக உள்ளதாக தகவல் வெளியாகி இருக்கிறது. ஏற்கனவே கடந்த வருடம் 2 முறை, இந்த இரு சீரியல் கேரக்டர்களும் மெகாசங்கமத்தில் ஒன்றிணைக்கப்பட்டு உறவுமுறைப்படி சொந்தக்காரர்களாக காட்டப்பட்டனர். அப்போது ஒளிபரப்பான பாண்டியன் ஸ்டோர்ஸ் - பாக்கியலட்சுமி மெகா சங்கமத்தை சின்னத்திரை ரசிகர்கள் மிகவும் விரும்பி பார்த்ததால் டிஆர்பி ரேட்டிங் எகிறியது.

இந்நிலையில் மீண்டும் 2 சீரியல்களும் ஒன்றிணைய உள்ள தகவல் சின்னத்திரை ரசிகர்களிடையே உற்சாகத்தை ஏற்படுத்தி உள்ளது. எனினும் இந்த மெகாசங்கமம் எப்போது என்று இதுவரை உறுதியான தகவல் வெளியாகவில்லை என்றாலும் 2 சீரியல்களில் தீவிர ரசிகர்கள் மெகாசங்கமத்தை எதிர்பார்த்து ஆவலுடன் காத்திருக்கிறார்கள்.
Published by:Elakiya J
First published:

அடுத்த செய்தி