Home /News /entertainment /

சேர நினைக்கும் பார்த்தி - காவ்யாவுக்கு புது பிரச்சனை!

சேர நினைக்கும் பார்த்தி - காவ்யாவுக்கு புது பிரச்சனை!

ஈரமான ரோஜாவே

ஈரமான ரோஜாவே

ஈரமான ரோஜாவே 2வில் கேபி, திரவியம், சித்தார்த் ஆகியோர் நடித்து வருகின்றனர்.

  • News18 Tamil
  • 2 minute read
  • Last Updated :
    ஈரமான ரோஜாவே சீரியலில் பார்த்தியின் நல்ல குணத்தை காவ்யா புரிந்து கொள்ள தொடங்கிவிட்டார். ஆனால் பார்த்தியின் அம்மா காவ்யாவை வீட்டில் இருந்து அனுப்பிவிட வேண்டும் என நினைக்கிறார்.

    விஜய் டிவி இயக்குனர்கள் பார்ட்1  பார்ட் 2 எடுப்பதில் எப்போதுமே சாமார்த்தியமானவர்கள். சரவணன் மீனாட்சி 3 பாகங்களும் சூப்பர் சூப்பர் ஹிட். இப்போது ராஜா ராணி 2 மற்றும் ஈரமான ரோஜாவே 2 சீரியல்கள் ஒளிப்பரப்பாகி வருகின்றன. இந்த 2 சீரியல்களுக்கும் ரசிகர்கள் தங்களது முழு ஆதரவை தந்துள்ளனர். எப்போதுமே ரசிகர்கள் கொடுக்கும் வரவேற்பை பொறுத்து சீரியலின் அடுத்தடுத்த பாகங்கள் எடுக்கப்படும். எனவே ரசிகர்களை நம்பி ஈரமான ரோஜாவே 2 சீரியல் குழு எடுத்த முயற்சி வீண் போகவில்லை. டெலிகாஸ்ட் ஆன கொஞ்ச நாளிலே இந்த சீரியல் மக்களின் உள்ளம் கவர்ந்த தொடராக மாறியுள்ளது.

    தன்னை பற்றி மிகப் பெரிய உண்மையை சொன்ன பாக்கியலட்சுமி எழில்!

    ஈரமான ரோஜாவே 2வில் கேபி, திரவியம், சித்தார்த் ஆகியோர் நடித்து வருகின்றனர். ஜீவாவும் காவ்யாவும் ஏற்கெனவே காதலித்து வந்தனர். அந்த நேரம் பார்த்து ஜீவாவின் அண்ணனுக்கும் காவ்யாவின் அக்கா பிரியாவுக்கும் திருமணம் செய்ய பெரியோர்கள் முடிவு எடுக்கின்றனர். இதுவரை காதலர்களாக இருந்தவர்கள் நெருங்கிய உறவுக்காரர்கள் ஆகிறார்கள். முகூர்த்த நேரத்தில் பிரியா கடத்தப்படுகிறார். அவரை ஜீவா காப்பாற்றி கல்யாணம் மண்டபத்திற்கு அழைத்து வருவதற்குள், அவரின் காதலியான காவ்யாவுக்கும் ஜீவாவின் அண்ணண் பார்த்திபனுக்கும் திருமணம் நடக்கிறது.



    அதே போல் வேற வழியில்லாமல் ஜீவாவுக்கும் பிரியாவுக்கு கல்யாணம் ஆகிறது. ஆரம்பத்தில் காவ்யா நினைப்பில் குடிக்காரராக சுற்றி வந்த ஜீவாவை பிரியா மாற்றி விட்டார். ஆனால் பார்த்தி - காவ்யா கதை அப்படியில்லை. காவ்யா, பார்த்தியை பிரிய டைவர்ஸ் வரை சென்று விட்டார். இதற்குள் காவ்யா காதலித்த விஷயம் அவரின் மாமியாருக்கு தெரிய வருகிறது. அவர், காவ்யா - பார்த்தி இருவரும் மனம் ஒத்து பிரிந்து விட வேண்டும், அதுதான் இருவருக்கும் நல்லது என நினைக்கிறார். ஆனால் காவ்யாவின் காதலர் ஜீவா தான் என்பது அவருக்கு தெரியாது,

    சின்சியாரிட்டிக்கு மறுபெயர் ஆல்யா.. . சொன்னது யார் தெரியுமா?

    இப்படி இருக்கையில் பார்த்தியும் காவ்யாவும் ஒருவரையொருவர் புரிந்து கொள்ள முயற்சி செய்கின்றனர். காவ்யா நெருப்பில் மாற்றிக் கொண்டபோது பார்த்தி தான் அவரை காப்பாற்றுகிறார். இதனால் பார்த்தி மீது காவ்யாவுக்கு சாஃப்ட் கார்னர். ஆனால் பார்த்தியின் அம்மாவுக்கு இது பிடிக்கவில்லை. இன்றைய எபிசோடில் காவ்யா, பார்த்திக்கு சாப்பாடு கொடுக்கிறார். ஆனால் அதை மாமியார் நிறுத்தி விடுகிறார். அம்மாவின் இந்த திடீர் மாற்றம் பார்த்திக்கு கோபத்தை தருகிறது. ஆனால் காவ்யாவுக்கு எல்லாம் விஷயமும் புரிகிறது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
    Published by:Sreeja
    First published:

    Tags: TV Serial, Vijay tv

    அடுத்த செய்தி