டிக்கெட் டூ ஃபினாலே டாஸ்கிற்காக நேரடியாக மோதிக்கொள்ளும் போட்டியாளர்கள் - வெளியானது பரபர ப்ரோமோ வீடியோ!

நடிகர் கமல்ஹாசன் தொகுத்து வழங்கிவரும் பிக்பாஸ் நிகழ்ச்சியின் 6-வது சீசன் கடந்த மாதம் அக்டோபர் 9-ம் தேதி தொடங்கியது. இந்நிகழ்ச்சியில் ஜி.பி.முத்து, அசல் கோலார், ஷிவின் கணேசன், முகமது அசீம், ராபர்ட் மாஸ்டர், ஆயிஷா, ஷெரீனா, மணிகண்ட ராஜேஷ், ரக்ஷிதா மகாலட்சுமி, ராம் ராமசாமி, ஆர்யன் தினேஷ் கனகரத்தினம், ஜனனி, சாந்தி, விக்ரமன், அமுதவாணன், மகேஸ்வரி சாணக்கியன், வி.ஜே.கதிரவன், குயின்சி ஸ்டான்லி, நிவா,தனலட்சுமி என 20 போட்டியாளர்கள் பங்கேற்றனர். மைனா நந்தினி வைல்ட்கார்ட் எண்ட்ரியாக 21-வது நபராக பிக்பாஸ் வீட்டிற்குள் வந்தார்.

முதல் வார இறுதியில் எலிமினேஷன் இல்லாத நிலையில் இரண்டாவது வாரம் இரண்டு பேர் பிக்பாஸ் வீட்டைவிட்டு வெளியேறினர். முதலாவதாக ஜிபி முத்து நிகழ்ச்சியில் இருந்து விலகுவதாக வீட்டை விட்டு வெளியேறினார். அடுத்ததாக எலிமினேஷன் லிஸ்ட்டில் இருந்த டான்ஸ் மாஸ்டர் சாந்தி குறைவான வாக்குகளை பெற்றதல் நிகழ்ச்சியில் இருந்து வெளியேற்றப்பட்டார். அதனை தொடர்ந்து அடுத்த அடுத்த வாரங்களில் தொடர்ந்து அசல், ஷெரினா, மகேஸ்வரி, நிவாஷினி, ராபர்ட், குயின்சி, ராம், ஆயிஷா,  ஜனனி, தனலட்சுமி எலிமினேட் செய்யப்பட்ட நிலையில் கடந்த வாரம் மணிகண்டன் பிக்பாஸ் வீட்டை விட்டு வெளியேற்றப்பட்டார்.

தொடர்ந்து மீதம் உள்ள 8 போட்டியாளர்களுடன் பிக்பாஸ் நிகழ்ச்சி தொடந்து ஒளிபரப்பபடுகிறது. இந்த வார கேப்டனாக ஏடிகே தேர்வான நிலையில் வீட்டில் உள்ள விக்ரமன், அசீம், ஷிவின், கதிரவன், மைனா நந்தினி, ரச்சிதா, ஏடிகே, அமுதவாணன் ஆகிய 8 பேரும் இந்த வார எவிக்‌ஷனுக்காக நாமினேட் செய்யப்பட்டுள்ளனர்.

இந்த வாரம் பிக்பாஸ் வீட்டில் டிக்கெட் டூ ஃபினாலே டாஸ்க் நடக்க உள்ளது. அதில் வெற்றிபெறும் போட்டியாளர் நேரடியாக இறுதி வாரத்திற்கு அனுப்பப்படுவார்கள். இதற்காக வீட்டில் உள்ள 8 ஹவுஸ்மேட்களும் போட்டியிடவுள்ளனர். இதனை தொடர்ந்து தற்போது பிக்பாஸ் வீட்டில் 86-வது நாளிற்கான இரண்டாவது ப்ரோமோ வீடியோவை நிகழ்ச்சி குழு வெளியிட்டுள்ளது.

#Day86 #Promo2 of #BiggBossTamil #BiggBossTamil6 - இன்று இரவு 9:30 மணிக்கு நம்ம விஜய் டிவில.. #BBTamilSeason6 #BiggBoss #பிக்பாஸ் #VijayTelevision @preethiIndia @NipponIndia pic.twitter.com/uL6y4TX8vY

— Vijay Television (@vijaytelevision) January 3, 2023

அதில் டிக்கெட் டூ ஃபினாலேவிற்காக இரண்டாவது டாஸ்க் கொடுக்கப்படுகிறது. அதில் வீட்டில் உள்ள போட்டியாளர்கள் இரண்டு.. இரண்டு.. நபர்களாக பிரிந்து நேருக்கு நேர் விவாதம் செய்ய வேண்டும். அதில், எந்த போட்டியாளர் நிற்கும் பக்கம் அதிக பல்புகள் எரிகிறதோ அவறே வெற்றியாளர் என்று அறிவிக்கப்படுகிறது.

Also read... புடவையில் சொக்க வைக்கும் நடிகை ராஷ்மிகா... வைரலாகும் போட்டோஸ்!

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.