• HOME
  • »
  • NEWS
  • »
  • entertainment
  • »
  • சண்டைக்கு பின் நமீதா முகத்தில் சிரிப்பு... காரணமாகும் பிரியங்கா - அண்ணாச்சி காமினேஷன்!

சண்டைக்கு பின் நமீதா முகத்தில் சிரிப்பு... காரணமாகும் பிரியங்கா - அண்ணாச்சி காமினேஷன்!

பிக் பாஸ் 5

பிக் பாஸ் 5

பிரியங்கா ஒருபடி மேலே சென்று பிக் பாஸை பெருசு என கூறி கலாய்த்து வருகிறார்

  • Share this:
    நமீதா, மேக்அப் செய்வது போலவும், இசைவாணி சாப்பிடுவது போலவும் வேடிக்கையாக செய்கிறார் இமான் அண்னாச்சி.

    விஜய் டிவி-யில் பிரபலமான பிக் பாஸ் நிகழ்ச்சி சீசன் 5 கடந்த ஞாயிற்றுக் கிழமை தொடங்கியது. இந்த சீசனில் இசைவாணி, ராஜு ஜெயமோகன், மதுமிதா, அபிஷேக் ராஜா, நமீதா மாரிமுத்து, பிரியங்கா, அபினய் வாடி, சின்ன பொண்ணு, பாவ்னி, நதியா சங், வருண், இமான் அண்ணாச்சி, ஐக்கி பெர்ரி, ஸ்ருதி, அக்‌ஷரா, தாமரை செல்வி, சிபி சந்திரன், நிரூப் நந்தகுமார் ஆகிய 18 போட்டியாளர்கள் பங்கேற்றுள்ளனர்.இந்த சீசனில் முதல் லக்ஸுரி டாஸ்காக "ஒரு கத சொல்லட்டுமா?" என்ற டாஸ்க் கொடுக்கப்பட்டுள்ளது. இதில் ஒவ்வொருவரும் அவர்கள் வாழ்கையில் நடந்த கதை பற்றி சொல்ல வேண்டும். மேலும் ஒருவர் பேசி முடித்தவுடன் அவர்கள் கூறிய கதைக்கு டிஸ்லைக்ஸ், லைக்ஸ், ஹார்ட் கொடுக்க வேண்டும் என கூறப்பட்டிருந்தது. அதன்படி போட்டியாளர்களுக்கு பாய்ண்ட்ஸ்கள் வழங்கப்படும் என தெரிகிறது.

    இதுவரை இசைவாணி, சின்ன பொண்ணு, ஸ்ருதி, இமான் அண்ணாச்சி, மதுமிதா மற்றும் நமீதா ஆகியோர் தங்களது கதையை கூறியுள்ளனர். இதனால் தினமும் நிகழ்ச்சி சோகமாக சென்று கொண்டிருக்கிறது. பிரியங்கா, இமான் அண்ணாச்சி மற்றும் ராஜு ஆகியோர் இந்த நிகழ்ச்சியினை சற்று கலகலப்பாக கொண்டு செல்கின்றனர்.பிரியங்கா ஒருபடி மேலே சென்று பிக் பாஸை "பெருசு" என கூறி கலாய்த்து வருகிறார். இதனால் பிரியங்காவிற்கு ரசிகர்கள் அதிகரித்து வருகின்றனர். இந்த நிலையில் தற்போது வெளியாகியுள்ள மூன்றாவது ப்ரோமோவில், இமான் அண்ணாச்சி போல செய்து காட்டி அவரையே சிரிக்க வைக்கிறார். மேலும் இமான் அண்ணாச்சியும் பிரியங்கா, நமீதா மற்றும் இசைவாணி போல செய்து காட்டுகிறார்.

    எங்களுக்கு கல்வி கொடுங்க ப்ளீஸ்.. திருநங்கைகளுக்காக கண்ணீருடன் பிக் பாஸில் ஒலித்த குரல்!

    அப்போது நமீதா, மேக்அப் செய்வது போலவும், இசைவாணி சாப்பிடுவது போலவும் வேடிக்கையாக செய்கிறார். பின்னர் பிரியங்கா பேசுவது போல செய்து காட்டும் இமான், கேமராவை பார்த்து யோவ் பெருசு? கேட்கிறதா? என கிண்டல் செய்கிறார். இதனால் ஹவுஸ் மேட்ஸ் ஜாலியாக இருக்கும் காட்சிகள் அடங்கியுள்ளது.



    முன்னதாக இன்று வெளியான முதல் ப்ரோமோவில், பாவனி தனது கணவர் மறைவு குறித்து சோகத்துடன் பேசும் காட்சிகள் இருந்தது. இரண்டாவது ப்ரோமோவில் நமீதா, தாமரை செல்வி இடையே வாக்குவாதம் நடக்கிறது. தாமரை செல்வி, நீங்கள் நான்கு அல்ல நானூறு குழந்தைகளை கூட வளர்க்கலாம் என கூறியதாக தெரிகிறது. இதனை தவறாக எடுத்து கொண்ட நமீதா, நீ சிரித்து கொண்டே கூறினாய், இதனை நான் சும்மா விடமாட்டேன் என்கிறார். இதனால் இன்றைய நிகழ்ச்சி சோகம், சண்டை, காமெடி என பரபரப்பாக இருக்கும் என எதிர்பார்க்கப்படுகிறது.



    உடனடி செய்திகளுக்கு இணைந்திருங்கள்

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Sreeja Sreeja
    First published: