Home /News /entertainment /

இதை யாருமே எதிர்பார்க்கல.. கடைசி நேரத்தில் கோபியை வசமாக மாட்டிவிட்ட கோபியின் அப்பா!

இதை யாருமே எதிர்பார்க்கல.. கடைசி நேரத்தில் கோபியை வசமாக மாட்டிவிட்ட கோபியின் அப்பா!

பாக்கியலட்சுமி

பாக்கியலட்சுமி

பாக்கியலட்சுமி சீரியலில் , கோபி பற்றிய உண்மையை ராதிகாவுக்கு தெரிய வைக்க வேண்டும் என்றே அவர் நினைக்கிறார்.

    பாக்கியலட்சுமி சீரியலில் கோபியின் அப்பா, கோபியை வசமாக மாட்டி விடும் புரமோ வீடியோ தற்போது வெளியாகியுள்ளது. இனிமேல் கோபி ராதிகா விஷயத்தில் அடிக்கடி பொய்க்கு மேல் பொய் பேச போவது உறுதி.

    மற்ற எல்லா சீரியல்களையும் ஓரங்கட்டி விட்டு டாப் கியரில் பறந்து கொண்டிருக்கிறது பாக்கியலட்சுமி சீரியல். நாளுக்கு நாள் சிரீயலில் அப்படி ஒரு ட்விஸ்ட், கோபி - ராதிகா விஷயம் எப்போது மொத்த குடும்பத்திற்கும் தெரிய வரும் என ரசிகர்கள் ஆவலுடன் எதிர்நோக்கி உள்ளனர். அதுமட்டுமில்லை, வலிமை அப்டேட்டை விடவும் கோபி ராதிகா மேரேஜ் அப்டேட் பற்றி யூடியூப்பில் தினம் தினம் ஒரு வீடியோ வெளியாகி கொண்டிருக்கிறது. மனைவி, மகள், மகன்கள் என எல்லோரையும் ஏமாற்றிக் கொண்டு பொய்யான வாழ்க்கை வாழ்ந்து வருகிறார் கோபி. அவரின் உண்மை முகத்தை பாக்கியாவுக்கு தெரியப்படுத்த வேண்டும் என்பதே எழிலின் நோக்கமாக இருக்கிறது.

    Beast: முன்பதிவிலேயே வசூல் சாதனை செய்த விஜய்யின் பீஸ்ட்!

    இப்போது எழிலுடன் கோபியின் அப்பா ராமமூர்த்தியும் சேர்ந்து கொண்டார். ஏனென்றால் கோபி பற்றிய எல்லா உண்மையும் தெரிந்த முதல் நபர்  அவர் தான். வீட்டின் அமைதி கெட்டுவிட கூடாது என்ற காரணத்தினால் தான் இப்போது அவர் அமைதியாக இருக்கிறார். அதே போல், கோபி பற்றிய உண்மையை ராதிகாவுக்கு தெரிய வைக்க வேண்டும் என்றே அவர் நினைக்கிறார். இதற்காக பல முயற்சிகளை அவரும் எடுத்தார். ஆனால் அது எல்லாம் வீண் போனது.

    ஜீ தமிழின் சித்திரம் பேசுதடி சீரியலில் புதிதாக இணைந்த விஜய் டிவி நடிகை

    இப்படி இருக்கையில், தற்போது வெளியாகி இருக்கும் புரமோவில் கோபியின் ரூமில் இனி பாக்கியாவை தங்க வைக்க சொல்கிறார் கோபியின் அப்பா. அவர் சொல்ல வரும் காரணத்தை புரிந்து கொண்ட ஈஸ்வரி அம்மா, இனிமெல் இனியா ரூமில் பாக்கியா தூங்க வேண்டாம் என்றும், கோபி ரூமில் தான் பாக்கியா தூங்க வேண்டும் என்கிறார். மொத்த குடும்பமும் இதையே சொல்ல, கோபி திருதிருவெனமுழிக்கிறார்.



    பாக்கியா கோபி ரூமில் இருந்தால், ராதிகாவிடம் இருந்து ஃபோன் வந்தால் பேச முடியாது, வீடியோ கால் செய்ய முடியாது என்பதே கோபியின் வருத்தம். ஆனால் அதை எல்லாம் இனிமே கோபி செய்ய கூடாது என்பதற்காகவே ராமமூர்த்தி இதை செய்கிறார். அந்த விஷயம் எழிலுக்கும் புரிகிறது.



    உடனடி செய்திகளுக்கு இணைந்திருங்கள்
    Published by:Sreeja
    First published:

    Tags: TV Serial, Vijay tv

    அடுத்த செய்தி