Home /News /entertainment /

ரசிகர்களுக்கு நன்றி சொல்லும் கலர்ஸ் அம்மன் 3 சீரியல் நடிகை.. என்ன காரணம்?

ரசிகர்களுக்கு நன்றி சொல்லும் கலர்ஸ் அம்மன் 3 சீரியல் நடிகை.. என்ன காரணம்?

அம்மன் 3

அம்மன் 3

கலர்ஸ் தமிழில் ஒளிபரப்பாகி வரும் அம்மன் 3 சீரியல் கதாநாயகி பவித்ரா கவுடா அந்த சீரியலில் நடித்த பல சுவாரஸ்ய தகவல்களை  ரசிகர்களுடன் ஷேர் செய்திருக்கிறார். 

    “லேட்டா வந்தாலும் லேட்டஸ்ட்டாக” வந்து ரசிகர்கள் மனதில் இடம் பிடித்த தொலைக்காட்சியாக கலர்ஸ் தமிழ் விளங்குகிறது. தங்களது வித்தியாசமான தொடர்கள் மற்றும் நிகழ்ச்சிகள் மூலம் தமிழின் டாப் சேனல்களில் ஒன்றாக குறுகிய காலத்தில் உருவெடுத்துள்ளது. இதயத்தை திருடாதே, அம்மன் போன்ற சீரியல்கள் கலர்ஸ் தமிழ் தொலைக்காட்சியில் ஒளிபரப்பாகி ரசிகர்கள் மனதில் விருப்பமான சேனலாக மாற உதவியது.

    அம்மன் தொடரில் பவித்ரா கவுடா என்பவர் நடித்து வருகிறார். இந்த சீரியலில் முதல் மற்றும் இரண்டாவது சீசனுக்கு கிடைத்த வரவேற்பை அடுத்து மூன்றாவது சீசன் ஒளிபரப்பாகி வருகிறது. கதைக்களமும், துணைக் கதாபாத்திரங்களும் மாறினாலும், லீடு ரோலில் நடித்து வரும் பவித்ரா கவுடா மாறவே இல்லை. 2020ம் ஆண்டு முதலே இவர் தான் அம்மன் சீரியலில் கதாநாயகியாக நடித்து வருகிறார்.

    இந்நிலையில் அம்மன் சீரியல் குறித்து பவித்ரா கவுடா மனம திறந்துள்ள பேட்டி ஒன்று சோசியல் மீடியாவில் வைரலாகி வருகிறது. அந்த பேட்டியில் அவர், “கன்னட டிவி சீரியலில் நெகட்டிவ் ரோலில் நடித்தேன். அதற்கு அப்படியே நேர்மாறான கதாபாத்திரத்தில் சக்தியாக நடிப்பது கடினமாக இருந்தது. சேலை மற்றும் கனமான ஆபரணங்களில் அம்மன் வேடத்தில் தோன்றுவது சவாலாக இருந்தது. ஆனால் அந்த கதாபாத்திரத்துடன் விரைவில் பொருந்திவிட்டேன். அம்மன் அல்லது சக்தி கதாபாத்திரத்தில் நடிப்பது நடிகைகளுக்கு கிடைக்கும் வரம்” எனத் தெரிவித்துள்ளார்.

    இதையும் படிங்க.. பாக்கியலட்சுமி சீரியலில் முக்கிய பிரபலம் விலகல்?

    நடிகையாக வேண்டும் என தான் எதிர்பார்க்கவே இல்லை எனத் தெரிவித்துள்ள பவித்ரா கவுடா, கல்லூரியில் இரண்டாம் ஆண்டு படிக்கும் போது நண்பர்கள் கட்டாயப்படுத்தியதால் கன்னட சீரியல் ஆடிஷனில் பங்கேற்றதாகவும், எதிர்பாராதவிதமாக அன்று கிடைத்த வாய்ப்பே இப்போது அம்மனாக நடிக்க காரணம் என்றும் தெரிவித்துள்ளார்.

    இதையும் படிங்க.. விஜய் டி.வி.யின் சூப்பர் டூப்பர் ஹிட்டான சீரியல் இனி இந்தியில்... எது தெரியுமா?

    ஆரம்பத்தில் ரசிகர்கள் தன்னை சக்தியாக ஏற்றுக்கொள்வார்களா? என்ற தயக்கம் இருந்ததாகவும், அம்மன் சீரியல் வெளியான முதல் நாள் ரசிகர்களின் கருத்துகளை அறிய ஆவலுடன் காத்திருந்ததாகவும் பவித்ரா கவுடா தெரிவிக்கிறார். ஏனென்றால் தன்னுடைய நிஜ கதாபாத்திரமும், சக்தி கேரக்டரும் வேறு, வேறானது. அதனால் சிறிது தயக்கம் ஏற்பட்டது. ஆனால் மக்கள் என்னை சக்தியாக ஏற்றுக்கொண்டது மகிழ்ச்சியையும், உற்சாகத்தையும் கொடுப்பதாக பவித்ரா கவுடா தெரிவித்துள்ளார்.

    அம்மன் 3 சீரியலில் நடிப்பதற்காக பவித்ரா கவுடா கத்திச் சண்டை கற்றுக்கொண்டுள்ளார். சீரியலில் சில நிமிட சீன்கள் தான் என்றாலும் மிகவும் மெனக்கேடலுடன் சண்டை பயிற்சி பெற்றதாக தெரிவித்துள்ளார். சக நடிகைகளான ஆனந்தி அஜய் மற்றும் நடிகை ரக்ஷிதா மகாலட்சுமி ஆகியோருடன் நடிப்பது நல்ல அனுபவத்தை கொடுப்பதாகவும் தெரிவித்துள்ளார்.

    அம்மன் 3 பற்றி பேசியுள்ள அவர், "அம்மன் 3 சீரியல் தாய் மற்றும் மகள் சக்திக்கு இடையேயான உணர்ச்சிகரமான கதை. முதல் சீசனில், சக்தி தனது தாயை தேடி செல்வார். இந்த சீசனில், அது முற்றிலும் எதிர்மாறாக இருக்கும் என நினைக்கிறேன். தமிழ் குடும்பத்தில் உள்ள ஒவ்வொரு வயதினரையும் கவரும் படியாக கதைக்களம் அமைக்கப்பட்டுள்ளது” எனத் தெரிவித்துள்ளார்.



    உடனடி செய்திகளுக்கு இணைந்திருங்கள்
    Published by:Sreeja
    First published:

    Tags: Colors Tamil | கலர்ஸ் தமிழ், TV Serial

    அடுத்த செய்தி