Home /News /entertainment /

கணவர் வழியில் செல்லும் ஆல்யா மானசா.. சின்னத்திரையில் பரவும் அந்த விஷயம் உண்மையா?

கணவர் வழியில் செல்லும் ஆல்யா மானசா.. சின்னத்திரையில் பரவும் அந்த விஷயம் உண்மையா?

ஆல்யா மானசா

ஆல்யா மானசா

ஆல்யாவிடம் இன்ஸ்டாவில் இதுப்பற்றி ரசிகர்கள் கேட்டு இருந்தனர். அதற்கு ஆல்யா கெஸ் செய்யுங்கள் என கூறி இருந்தார்.

  • News18 Tamil
  • 2 minute read
  • Last Updated :
  • Tamil Nadu, India
    ஆல்யா மானசா தனது கணவர் சஞ்சீவ் போலவே விஜய் டிவியில் இருந்து கிளம்பி சன் டிவியில் புதிய சீரியலில் நடிக்க இருப்பதாக இணையத்தில் தகவல்கள் பரவி வருகின்றன.

    ராஜா ராணி சீரியல் மூலம் ரசிகர்கள் மனதில் செம்பாவாக வாழ்ந்த ஆல்யா மானசா தற்போது அடுத்த ரீ என்ட்ரிக்காக உடல் எடையை குறைத்து வருகிறார். ராஜா ராணி சீரியலில் தன்னுடன் நடித்த சஞ்சீவை காதலித்து கரம் பிடித்தார். பின்பு முதல் குழந்தைக்காக சீரியலில் இருந்து கேப் எடுத்தார். ஐலா பாப்பா பிறந்து சில மாதங்கள் கழித்து ராஜா ராணி 2 மூலம் மீண்டும் என ட்ரி கொடுத்தார் ஆல்யா. சந்தியாவாக ராஜா ராணி 2 சீரியலில் கலக்கினார்.

    அப்பாவுடன் சேர்ந்து வேற லெவல் ஃபோட்டோஷூட் நடத்திய அக்‌ஷரா ஹாசன்!

    ஐபிஎஸ் ஆக விரும்பும் கதாபாத்திரம் என்பதால் ஸ்டண்ட் காட்சிகளிலும் ஆல்யா நடித்தார். பின்பு 2 வது குழந்தைக்காக ஆல்யா சீரியலை விட்டு சில மாதங்களுக்கு முன்பு விலகினார். அர்ஷ் பாப்பா பிறந்து தற்போது வீட்டில் இருக்கும் ஆல்யா மீண்டும் சின்னத்திரையில் நடிக்க வருவதை உறுதி செய்துவிட்டார். இதற்காக ஆல்யா இப்போது தீவிர உடற்பயிற்சியில் இருக்கிறார். இதுக் குறித்து ஆல்யா - சஞ்சீவ் யூடியூப் சேனலில் வீடியோவும் வெளியாகி இருந்தது.

    ஆல்யாவின் கணவர் சஞ்சீவ், விஜய் டிவியில் நடித்து வந்தார். ராஜா ராணி, காற்றின் மொழி போன்ற சீரியல்கள் அவருக்கு நல்ல ரீச்சை வாங்கி தந்தன. இந்நிலையில் திடீரென்று சன் டிவி பக்கம் சென்றார் சஞ்சீவ். தற்போது சைத்ரா ரெட்டியுடன் சேர்ந்து இவர் நடித்து வரும் கயல் சீரியல் டி.ஆர்.பியில் கலக்கி கொண்டிருக்கிறது. இந்த நேரத்தில் ஆல்யாவின் ரீ என்ட்ரி எந்த சேனலில் இருக்கும் என ரசிகர்கள் கேள்வி எழுப்பி வந்தனர்.

    செம்பருத்தி ஷபானாவுக்கு அடுத்த சீரியலில் இவர் தான் ஜோடி!

    சமீபத்தில் நடந்த ராஜா ராணி 500வது எபிசோடு வெற்றி கொண்டாட்டத்தில் ஆல்யா வந்து இருந்தார். இந்நிலையில் தற்போது ஆல்யா மானசா தனது கணவர் சஞ்சீவ் போலவே சன் டிவியில் புதிய சீரியலில் நடிக்க இருப்பதாக தகவல்கள் இணையத்தில் பரவி வருகின்றன. இதுக் குறித்து அதிகாரப்பூர்வ தகவல் இன்னும் வெளியாகவில்லை. ஏற்கெனவே ஆல்யாவிடம் இன்ஸ்டாவில் இதுப்பற்றி ரசிகர்கள் கேட்டு இருந்தனர். அதற்கு ஆல்யா கெஸ் செய்யுங்கள் என கூறி இருந்தார். இந்த நேரத்தில் சன் டிவியில் ஆல்யா நடிக்க  இருப்பதாக இணையத்தில் தகவல்கள் வேகமாக பரவி வருகின்றன. ஏற்கெனவே ஜீ தமிழ் ஷபானா, அக்னி, தினேஷ் ஆகியோரும் சன் டிவியில் புது சீரியலில் நடித்து வருவது குறிப்பிடத்தக்கது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
    Published by:Sreeja
    First published:

    Tags: Alya Manasa, Sun TV, TV Serial, Vijay tv

    அடுத்த செய்தி