இந்த வாரம் குக் வித் கோமாளி நிகழ்ச்சிக்கு வரும் பிரபல நடிகை... வெளியானது வீடியோ!

விஜய் தொலைக்காட்சியில், காமெடியை அடிப்படையாக கொண்டு ஒளிபரப்பாகி வரும் சமையல் நிகழ்ச்சி 'குக் வித் கோமாளி'. கடந்த 3 சீசன்களும் மெகா ஹிட் கொடுத்த நிலையில் கடந்த ஜனவரி 28-ம் தேதி முதல் 4-வது சீசன் தொடங்கியுள்ளது. இந்த நிகழ்ச்சிக்கு நடுவர்களாக செஃப் தாமு மற்றும் செஃப் வெங்கடேஷ் பட் உள்ளனர். நிகழ்ச்சி தொகுப்பாளராக ரக்‌ஷன் தொடர்கிறார்.

இந்த நிகழ்ச்சியில் கலந்து கொள்ளும் குக் முதல் கோமாளிகள் வரை பெரும்பாலானோர் அடுத்தடுத்து வெள்ளித்திரை வாய்ப்பை கைப்பற்றி வருவதாலும், பாசிட்டிவ் விமர்சனங்கள் கிடைத்து வருவதாலும், பிக்பாஸ் நிகழ்ச்சி வேண்டாம் என நினைப்பவர்கள் கூட, இந்த நிகழ்ச்சியில் கலந்து கொள்ள ஆர்வம் காட்டி வருகின்றனர்.

'குக் வித் கோமாளி சீசன் 4' நிகழ்ச்சியில் இந்த முறை 10 போட்டியாளர்கள் கலந்து கொண்டுள்ளனர். குறிப்பாக கடந்த 3 சீசனில் கோமாளியாக இருந்த ஷிவாங்கி இந்த முறை குக்காக மாறியுள்ளார். இவருடன் நடிகை சிருஷ்டி டாங்கே, பிக் பாஸ் பிரபலமான நடிகை ஷெரின், நடிகை விசித்ரா, அஜித் பட நடிகர் ராஜா ஐயப்பா, பாக்கியலட்சுமி சீரியல் தொடர் ஹீரோ விஜே விஷால், காளையன், மைம் கோபி, கிஷோர், ஆண்ட்ரியா என பத்து போட்டியாளர்கள் உள்ளனர்.

கோமாளிகளாக முந்தைய சீசன்களில் இருந்த புகழ், குரேசி, சுனிதா, மணிமேகலை, தங்கதுரை ஆகியோர் உடன் புதிய கோமாளிகளாக ஜி.பி.முத்து, சிங்கப்பூர் தீபன், ரவீனா, மோனிஷா, சில்மிச சிவா, ஓட்டேரி சிவா உள்ளிட்டோர் கலந்து கொண்டுள்ளனர்.

அதனை தொடர்ந்து 3-வது வாரம் குறைவான மதிப்பெண்களை பெற்ற கிஷோர் போட்டியில் இருந்து வெளியேற்றப்பட்டார். அதனை தொடர்ந்து கடந்த வாரம் நடைபெற்ற இம்யூனிட்டி போட்டியில் ஆண்ட்ரியா வெற்றிபெற்றுள்ளார். இதனால் வரும் வாரம் எலிமினேஷன் போட்டியில் இருந்து அவர் கலந்துகொள்ள தேவையில்லை.

இந்நிலையில், இந்த வாரம் ஒளிபரப்பாக இருக்கும் குக் வித் கோமாளி நிகழ்ச்சியில் நடிகை ஹன்சிகா சிறப்பு விருந்தினராக வருகை தந்துள்ளார். அதன் ப்ரோமோ வீடியோவை குக் வித் கோமாளி நிகழ்ச்சி குழு வெளியிட்டுள்ளது. அந்த வீடியோவில் ஹன்சிகா, புகழிடம் நீ நிறைய பெண்களிடம் ஃப்ளர்ட் செய்கிறாய், உனக்கு கல்யாணம் ஆகிடுச்சுல என்று கேட்க அதற்கு புகழ் அவரது ட்ரேட் மார்க் முக பாவனையை காட்டுகிறார்.

' isDesktop="true" id="895809" youtubeid="Afp1uwyutWs" category="television">

மேலும், நடிகை ஹன்சிகாவிற்கு சமீபத்தில் தான் திருமணம் நடைபெற்றது. அவருடைய திருமண வீடியோ கூட தற்போது ஹாட் ஸ்டாரில் ஒளிபரப்பியுள்ளனர் என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.