Home /News /entertainment /

பரீட்சை ஹாலில் மயங்கி விழுந்த சரஸ்வதி... அடுத்து நடக்கப்போவது என்ன?

பரீட்சை ஹாலில் மயங்கி விழுந்த சரஸ்வதி... அடுத்து நடக்கப்போவது என்ன?

தமிழும் சரஸ்வதியும்

தமிழும் சரஸ்வதியும்

Tamilum Saraswathiyum Serial | எந்த பொய் சொல்லி அனைவரின் பாசத்தை இழந்தேனோ அதை உண்மையாக்க வேண்டும் என்று நினைக்கிறார் சரஸ்வதி.

    விஜய் தொலைக்காட்சியில் கடந்த ஆண்டு ஜூலை மாதம் முதல் ஒளிபரப்பாகி வரும் சீரியல் ‘தமிழும் சரஸ்வதியும்’. இதில் தமிழ் கதாப்பாத்திரத்தில் நடிக்கும் தீபக் தினகருக்கு ஜோடியாக சரஸ்வதி கதாப்பாத்திரத்தில் நட்சத்திரா நடித்து வருகிறார். இவர்களுடன் மீரா கிருஷ்ணன், தமிழின் தாயாக கோதை என்ற கதாப்பாத்திரத்தில் நடிக்கிறார். மகாலிங்கம் ராமச்சந்திரன் தமிழின் தந்தை நடேசனாகவும், பிரபு சரஸ்வதியின் தந்தை சொங்கலிங்கமாகவும் நடிக்கின்றனர். ரேகா கிருஷ்ணப்பா, தர்ஷ்ணா ஸ்ரீபால், நவீன் வெற்றி, யோகி உள்ளிட்டோரும் முக்கிய கதாப்பாத்திரங்களில் நடிக்கின்றனர்.

    12ம் வகுப்பு கூட பாஸ் ஆகாத சரஸ்வதிக்கும், குடும்ப சூழ்நிலையால் படிப்பை கைவிட்ட தமிழுக்கும் இடையிலான திருமணம் தான் கதைக்களம். தமிழுக்கு எப்படியாவது படித்த பெண்ணை மணமுடிக்க வேண்டுமென கோதை அம்மா கனவு கண்டுகொண்டிருந்தார். ஆனால் தமிழுக்கும் சரஸ்வதிக்கும் இடையில் மலர்ந்த காதலை மறைந்து, கோதை அம்மாளிடம் சரஸ்வதி எம்.பி.ஏ. படித்துள்ளதாக பொய் சொல்லி திருமணம் நடத்தப்பட்டது.

    இந்த அதிர்ச்சியை கேட்டு கோதை அம்மாளுக்கு உடல் நிலை சரியில்லாமல் போனது. இப்படியொரு பொய் சொன்னதால் மொத்த குடும்பத்துக்கும் தமிழ் மற்றும் சரஸ்வதி மீது அப்படி ஒரு வெறுப்பு. அதே நேரம், கோதை அம்மா, தமிழ் - சரஸ்வதியை மீண்டும் வீட்டுக்குள் சேர்த்துக் கொண்டார். இப்போது அனைவரும் ஒரே வீட்டில் தான் வசித்து வருகிறார்கள். ஆனாலும் தமிழ் - சரஸ்வதியிடம் யாரும் முன்பு போல் பேசுவது இல்லை. இப்போது அவருக்கு இருக்கும் ஒரே ஆறுதல் மூத்த மருமகள் வசு தான். ஆனால் தன்னுடைய மகளே அவர்களுக்கு துணை போவது சந்திரலேகாவுக்கு பிடிக்கவில்லை.

    எந்த பொய் சொல்லி அனைவரின் பாசத்தை இழந்தேனோ அதை உண்மையாக்க வேண்டும் என்று நினைக்கிறார் சரஸ்வதி. அதாவது எம்.பி.ஏ படிக்க வேண்டும் என ஆசைப்படுகிறார். இதற்கு முதலில் அவர் 12வகுப்பு பாஸ் செய்ய வேண்டும். அந்த தேர்வை எழுத வேண்டும் என முடிவு எடுக்கிறார். இந்த நேரம் பார்த்து கார்த்திக் சரஸ்வதியை மட்டமாக பேச, கார்த்திக்கிடம் சரஸ்வதி சபதம் போடுகிறார். அதாவது இந்த முறை 12 வது பாஸ் ஆகிவிட்டால் மீண்டும் கம்பெனியில் தமிழுக்கு ஜி.எம் பதவி தர வேண்டும் என்று. இதற்கு கார்த்திக்கும் சம்மதிக்கிறார்.

    பின்னணி பாடகியாக அவதாரம் எடுத்த விஜய் டிவி பிரபலம்! யாருன்னு பாருங்க...


    இந்நிலையில் இன்று வெளியான புரோமோ வீடியோ பரபரப்பை கூட்டியுள்ளது. இடையில் கெட்டுப்போன உணவை சாப்பிட்டதால் சரஸ்வதிக்கு உடம்பு சரியில்லாமல் போகிறது. அப்படியிருந்தும் தேர்வை எழுதிவிட்டு வருகிறார். இதனால் மாமியாரின் பாசம் சரஸ்வதி மீது திரும்ப ஆரம்பிக்கிறது. இது பிடிக்காத சந்திரலேகா தனது சரஸ்வதி தேர்வுக்கு கிளம்பிக் கொண்டிருக்கும் போது, தமிழ் கொடுத்த மாத்திரைகளுடன் தூக்க மாத்திரையை கலந்துவிடுகிறார். அதை சாப்பிட்டு விட்டு தேர்வு எழுத செல்லும் சரஸ்வதி எவ்வளவு முயன்றும் முடியாமல் மயங்கி விழுகிறார். இதுபற்றி தகவலறிந்து வந்த தமிழும்,சரஸ்வதியின் அப்பாவும் அவளை மருத்துவமனைக்கு அழைத்துச் செல்கின்றனர்.

    சரஸ்வதி தேர்வை முழுவதுமாக எழுதினாரா?, மாமியார் மனதில் இடம் பிடித்தாரா? என்ற எதிர்பார்ப்புடன் சீரியல் புரோமோ அமைந்துள்ளது.
    Published by:Lilly Mary Kamala
    First published:

    Tags: Entertainment, Vijay tv

    அடுத்த செய்தி